Cockroaches: బొద్దింకలతో ఇబ్బంది పడుతున్నారా..? అయితే ఈ చిట్కాలను పాటించండి..! వెంటనే పారిపోతాయి..
ఎన్నిసార్లు తరిమికొట్టినా తిరిగి వస్తూనే ఉంటాయి ఈ బొద్దింకలు. చాలామంది వీటిని పూర్తిగా తొలగించలేక వాటి మానాన..
Updated on: Feb 22, 2023 | 9:05 PM
మన ఇంట్లో అత్యంత ముఖ్య భాగమైన వంట గది ఎల్లప్పుడూ శుభ్రంగా ఉండాలి. లేదంటే అనేక రకాల ఆరోగ్య సమస్యలు వ్యాప్తి చెందుతాయి. సాధారణంగా వంటగదిలో అందరు ఎదుర్కొనే సమస్య బొద్దింకలు. ఎన్నిసార్లు తరిమికొట్టినా తిరిగి వస్తూనే ఉంటాయి ఈ బొద్దింకలు. చాలామంది వీటిని పూర్తిగా తొలగించలేక వాటి మానాన వాటిని వదిలేస్తారు. అయితే మీరు కూడా ఈ బొద్దింకల సమస్యతో బాధపడుతున్నట్లయితే కొన్ని రకాల హోం రెమెడీస్ని పాటిస్తే చాలు. మరి అవేమిటో మనం ఇప్పుడు తెలుసుకుందాం..
లవంగాలు, వేప నూనె మిశ్రమం: లవంగాల ఘాటైన వాసనను కలిగి ఉంటాయి. అందువల్ల లవంగాలు ఉంటే మీ వంటగది నుంచి బొద్దింకలు పారిపోతాయి. దీని కోసం సుమారు 20 నుంచి 25 లవంగాలు మెత్తగా చేసి ఈ మిశ్రమానికి కొన్ని చుక్కల వేపనూనె కలిపి బొద్దింకలు దాక్కున్న ప్రదేశాల్లో స్ప్రే చేయాలి. బొద్దింకలు లవంగం, వేప వాసనను భరించలేవు. దీంతో వెంటనే అవి పారిపోతాయి. తరచుగా ఈ స్ప్రేని చల్లుతూ ఉండాలి. దీంతో ఇవి కిచెన్లోకి అడగుపెట్టలేవు.
కిరోసిన్ ఆయిల్: ఈ రోజుల్లో కిరోసిన్ చాలా నగరాల్లో అందుబాటులో లేదు. కానీ కొద్దిగా కిరోసిన్ సంపాదించి బొద్దింకలు ఎక్కడ ఉంటే అక్కడ కిరోసిన్ ఆయిల్ పిచికారీ చేయండి. ఇది గొప్ప మందులా పనిచేస్తుంది.
పుదీనా నూనె, ఉప్పు: ఇంటి నుంచి బొద్దింకలను వదిలించుకోవడానికి మరొక ప్రభావవంతమైన మార్గం ఇది. అందుకోసం పుదీనా నూనెలో ఉప్పు, నీరు కలపండి. బొద్దింకలు ఉన్న ప్రదేశాలలో స్ప్రే చేయండి. వెంటనే అవి పారిపోతాయి.
బేకింగ్ సోడా: బొద్దింకలను వదిలించడానికి బేకింగ్ సోడాలో కొంచెం పంచదార కలపండి. బొద్దింకలు ఉన్న చోట ఉంచండి. బేకింగ్ సోడా, చక్కెరను నీటిలో కలిపి కూడా చల్లుకోవచ్చు. ఇలా చేయడం వల్ల బొద్దింకలన్నీ తేలికగా పారిపోతాయి.
పగుళ్లను పూరించడం: ఇంట్లో ఉండే పగుళ్లు కీటకాలకు నిలయంగా మారుతాయి. ఈ పరిస్థితిలో ఫ్లోర్, కిచెన్ సింక్లో ఉన్న పగుళ్లను వైట్ సిమెంట్ సహాయంతో పూరించండి. బొద్దింకలు ఈ పగుళ్లలో దాక్కుని గుడ్లు పెడతాయి. పగుళ్లు మూసుకుపోయినప్పుడు బొద్దింకలకు చోటు దొరకదు. అవి వాటంతటవే తగ్గుతాయి.
మరిన్ని లైఫ్ స్టైల్ ఆర్టికల్స్ కోసం క్లిక్ చేయండి..
