Skin Care Products: మీరు బ్యూటీ ప్రొడక్ట్స్ కొనుగోలు చేస్తున్నారా.. అయితే ఈ చిట్కాలు తప్పనిసారిగా తెలుసుకోవాలి.. అవేంటంటే..
మీరు తినే ఆహారం ఎంత ముఖ్యమో.. మీ చర్మంపై వేసుకునే మేకప్ కూడా అంతే ముఖ్యం. మీ చర్మంతో సంబంధం ఉన్న కెమిక్స్ మీ రక్తప్రవాహం లోకి పెంచుతుంది. సౌందర్య సాధనాలు, వ్యక్తిగత సంరక్షణ ఉత్పత్తులలో ఉపయోగించే అనేక పదార్థాలు విషపూరితమైనవి అయినప్పటికీ అవి చర్మంపై ఎటువంటి ప్రతిచర్యను కలిగించవు.
Updated on: Jul 05, 2022 | 5:02 PM
ఆరోగ్యకరమైన స్కిన్ కోసం చాలామంది చాలా రకాలుగా ప్రయత్నిస్తారు. ఏదో విధంగా ముఖాన్ని అందంగా మార్చుకున్నా దానిని కాపాడుకోలేరు. ఎందుకంటే వారికి తెలియకుండా చేసే తప్పుల వల్ల ఇది జరుగుతుంది. ఆరోగ్య కరమైన ముఖం కోసం ఆరోగ్యకరమైన అలవాట్లు చేసుకోవడం చాలా ముఖ్యం. చర్మం నిత్యం యవ్వనంగా మెరుస్తూ ఉండాలంటే మనం చాలా తెలిసి ఉండాలి. చర్మాన్ని పోషించడానికి కేవలం రెండు మార్గాలు మాత్రమే ఉన్నాయి. మొదటిది మీ ఆహారాన్ని హైజనిక్గా ఉంచుకోవడం.. తద్వారా చర్మ కణాలు లోపలి నుంచి పోషణ, తేమను పొందుతాయి. రెండవ మార్గం ఏమిటంటే.. మీ చర్మ స్వభావాన్ని బట్టి ఆ ఉత్పత్తులను మీ చర్మంపై పూయడం ద్వారా ఎంచుకోవడం. మీరు ఉత్పత్తులను ఎంత బాగా ఇష్టపడుతున్నారో.. మీరు ఆహారంపై దృష్టి పెట్టాలి. కానీ అదే సమయంలో ఆహారం, చర్మ సంరక్షణ ఉత్పత్తులపై సరైన జాగ్రత్తలు తీసుకుంటే, చంద్రుని వంటి గ్లో చర్మంపై ఎల్లవేళలా ఉంటుంది. మీ చర్మానికి సరైన చర్మ సంరక్షణ ఉత్పత్తులను ఎన్నుకునేటప్పుడు మీరు గుర్తుంచుకోవలసినది ఇక్కడ ఉంది…
1. గందరగోళాన్ని నివారించండి
ఈ రోజుల్లో మార్కెట్లో చర్మ సంరక్షణ ఉత్పత్తులు వెల్లువెత్తుతున్నాయి. మార్కెట్లో చాలా ఉత్పత్తులు, బ్రాండ్లు ఉన్నాయి. సరైన ఉత్పత్తిని ఎంచుకోవడం గందరగోళంగా ఉంటుంది. అందువల్ల, ఇలాంటి గందరగోళాన్ని నివారించడానికి.. మీరు మీ చర్మం అవసరాలకు తగినట్లుగా శ్రద్ధ చూపడం.. మీ చర్మానికి అనుగుణంగా ఉత్పత్తిని ఎంచుకోవడం చాలా ముఖ్యం.
2. ప్యాచ్ టెస్ట్
మొదటి సారి ఏ ఉత్పత్తిని కొనుగోలు చేసినా.. దానిని మీ ముఖం లేదా మెడపై కాకుండా చేతి ముందు భాగంలో అప్లై చేయడం ద్వారా చెక్ చేసుకోవచ్చు. 24 గంటల్లో మీ చర్మంపై ఎలాంటి ప్రతిచర్య, మంట, దురద, ఎర్రటి దద్దుర్లు వంటి సమస్య లేనట్లయితే అప్పుడు ఈ ఉత్పత్తిని ముఖంపై రాయండి. ఈ ప్రక్రియను ప్యాచ్ టెస్ట్ అంటారు.
చర్మం వయస్సును బట్టి కూడా నిర్ధారించుకోవల్సి ఉంటుంది. సాధారణంగా 25 ఏళ్ల వయస్సులోపలివారిలో చర్మం జిడ్డుగా మారి.. మొటిమల సమస్య చాలా ఎక్కువగా ఉంటుంది. అందువల్ల, ఈ వయస్సులో చాలా చర్మ సంరక్షణ ఉత్పత్తులను నీటి ఆధారితంగా ఎంచుకోవాలి. అయితే 25 నుంచి 35 సంవత్సరాల వయస్సులో మాయిశ్చరైజింగ్ ఉత్పత్తులను ఎంచుకోవాలి. కానీ మీ చర్మం జిడ్డు స్వభావం కలిగి ఉంటే.. మీరు 30 ఏళ్ల తర్వాత కూడా మొటిమల సమస్యను ఎదుర్కొంటున్నట్లయితే మీరు నీటి ఆధారిత ఉత్పత్తులను మాత్రమే ఎంచుకోవాలి. చర్మం పొడిగా ఉన్న వారు ఆయిల్ బేస్డ్ క్రీమ్స్, మాయిశ్చరైజర్స్ను ఎంచుకోవాలి.
(నోట్: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)
