Drinking Tea: రోజుని టీతో మొదలు పెట్టడం అలవాటా.. ఎన్ని ఆరోగ్య సమస్యలకు వెల్కమ్ చెబుతున్నారో తెలుసా..
చాలా మందికి రోజుని టీ తాగడంతోనే మొదలు పెట్టడం అలవాటు. మంచం మీదనే బెడ్ టీ తాగి తమ పనులు మొదలు పెడతారు. అయితే ఇలా ఖాళీ కడుపుతో టీ తాగడం వల్ల ఆరోగ్యానికి హానికరం అని మీకు తెలుసా? ఖాళీ కడుపుతో టీ తాగడం వల్ల కడుపులో ఆమ్లత్వం పెరుగుతుందని, దీనివల్ల గుండెల్లో మంట, గ్యాస్, మలబద్ధకం వంటి సమస్యలు వస్తాయని అనేక అధ్యయనాలు నిరూపించాయి.
Updated on: Sep 09, 2025 | 11:52 AM
చాలా మందికి టీ తాగడం అలవాటు. ఉదయం నిద్ర లేవగానే అల్పాహారం తీసుకోకుండా ఒక కప్పు వేడి టీ తాగి రోజుని ప్రారంభిస్తారు. అయితే ఖాళీ కడుపుతో టీ తాగడం ఆరోగ్యానికి హానికరం. ఖాళీ కడుపుతో టీ తాగడం వల్ల అనేక ఆరోగ్య సమస్యలు కలుగుతాయని అనేక అధ్యయనాలు వెల్లడించాయి. అంతేకాదు ఈ అలవాటు శరీరంలోని ముఖ్యమైన పోషకాలను గ్రహించడాన్ని కూడా అడ్డుకుంటుంది. ఇది అనేక ప్రతికూల ప్రభావాలను కలిగిస్తుంది. టీలో ఉండే కెఫిన్ ప్రభావం నేరుగా రక్తంలోకి వెళ్లి అలసట, ఒత్తిడి, చిరాకును పెంచుతుంది. అందుకనే శరీరంపై ప్రతికూల ప్రభావం చూపకుండా ఉండటానికి టీ తాగే ముందు తేలికపాటి అల్పాహారం తీసుకోవాలని వైద్యులు, ఆరోగ్య నిపుణులు నిరంతరం హెచ్చరిస్తున్నారు.
ఖాళీ కడుపుతో టీ తాగడం మంచిది కాదు.
ఉదయం ఖాళీ కడుపుతో ఏమి తిన్నా, తాగినా అది ఆరోగ్యంపై ప్రత్యక్ష ప్రభావాన్ని చూపుతుందని పోషకాహార నిపుణులు అంటున్నారు., అందుకే ప్రజలు మొదట నిమ్మరసం, ఉసిరి రసం వంటి పోషకాలను తీసుకుంటారు. అయితే చాలా మంది ఖాళీ కడుపుతో టీ తాగుతారు. ఇది ఆరోగ్యానికి మంచిది కాదు. టీలో ఉండే కెఫిన్, టానిన్ వంటి అంశాలు కడుపులో ఆమ్లాన్ని పెంచుతాయి. దీని కారణంగా రోజంతా కడుపులో బరువు లేదా గ్యాస్ సమస్య కలగవచ్చు. కడుపు ఖాళీగా ఉన్నప్పుడు టీ నేరుగా కడుపు లోపలికి వెళ్లి కడుపులోని పొరను ప్రభావితం చేస్తుంది. ఇది చికాకు, గ్యాస్, అల్సర్ వంటి సమస్యలను కలిగిస్తుంది.
కడుపు పూత ప్రమాదం
ఎవరైనా ఖాళీ కడుపుతో టీ తాగితే టీలో ఉండే టానిన్, కెఫిన్ కడుపులోని ఆమ్లాన్ని పెంచుతాయి. సాధారణంగా కడుపులో కొద్ది మొత్తంలో ఆమ్లం ఆహారాన్ని జీర్ణం చేయడంలో సహాయపడుతుంది. అయితే ఖాళీ కడుపుతో ఆమ్లం ఎక్కువ మొత్తంలో చేరుకోవడం ప్రారంభ మవుతుంది. ఇది కడుపు లోపలి పొరలో చికాకు కలిగిస్తుంది. ఇది చాలా కాలం పాటు జరిగితే కడుపు గోడ బలహీనపడి అల్సర్ వంటి వ్యాధులకు కారణమవుతుంది. ఉదయం ఖాళీ కడుపుతో టీ తాగే అలవాటు ఉన్నవారికి అసిడిటీ, గ్యాస్ట్రిటిస్ వంటి సమస్యలు ఎక్కువగా ఉంటాయని పరిశోధనలు చెబుతున్నాయి. అందుకనే కడుపులో ఏర్పడే ఆమ్ల ప్రభావం తగ్గడానికి టీ తాగే ముందు తేలికపాటి అల్పాహారం తీసుకోవాలని వైద్యులు సిఫార్సు చేస్తున్నారు.
జీర్ణ ప్రక్రియలో సమస్య
ఖాళీ కడుపుతో టీ తాగడం వల్ల జీర్ణవ్యవస్థపై కూడా చెడు ప్రభావం చూపుతుంది. కడుపు ఖాళీగా ఉన్నప్పుడు టీలో ఉండే కెఫిన్ నేరుగా కడుపు గోడ ద్వారా గ్రహించబడుతుంది. తక్షణ ప్రభావాన్ని చూపుతుంది. ఇది కడుపు తిమ్మిరి, మంట వంటి సమస్యలను కలిగిస్తుంది. ఇది ఆహారాన్ని జీర్ణం చేసే గ్రంథుల సామర్థ్యాన్ని తగ్గిస్తుంది. ఖాళీ కడుపుతో టీ తాగడం వల్ల జీర్ణ రసాల సమతుల్యత దెబ్బతింటుందని పరిశోధనలు చెబుతున్నాయి. ఫలితంగా ఆహారం జీర్ణం కావడానికి సమయం పడుతుంది. పోషకాలు సరిగ్గా గ్రహించబడవు.
ఎముకల ఆరోగ్యంపై ప్రభావం
టీ ఎక్కువగా తాగితే.. టీలో ఉండే కెఫిన్ వలన శరీరంలో కాల్షియం లోపం ఏర్పడుతుందని కొన్ని పరిశోధనలు కనుగొన్నాయి. ఖాళీ కడుపుతో టీ తాగడం వల్ల ఈ ప్రభావం మరింత పెరుగుతుంది. ఎందుకంటే టీ శరీరంలో నేరుగా శోషించబడుతుంది. ఎముకలలో కాల్షియం శోషణను ప్రభావితం చేస్తుంది. ఖాళీ కడుపుతో టీ తాగడం వల్ల శరీరంలో అవసరమైన పోషకాలు లోపిస్తాయి. ఇది ఎముకలను బలహీనపరుస్తుంది. ఈ సమస్య ముఖ్యంగా మహిళల్లో ఎక్కువగా కనిపిస్తుంది. ఎందుకంటే మహిళలకు ఎక్కువ కాల్షియం అవసరం. కాల్షియం లోపం వల్ల ఎముకల నొప్పి, కీళ్ల దృఢత్వం, ఆస్టియోపోరోసిస్ వంటి సమస్యలు వస్తాయి.
మరిన్ని లైఫ్ స్టైల్ న్యూస్ కోసం క్లిక్ చేయండి..
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
