Skin Care Tips: ఇలా చేసి చూడండి.. మీ చర్మం ఆరోగ్యంగా, మృదువుగా ఉంటుంది..!

పసుపు చర్మానికి సహజ రక్షణ కలిగించే ఒక ఔషధ మూలిక. ఇందులో యాంటీ సెప్టిక్ లక్షణాలు ఉండటం వల్ల చర్మంపై ఉన్న సూక్ష్మజీవులను తొలగించడంలో ఉపయోగపడుతుంది. కొబ్బరి నూనెతో కలిపి పేస్టు చేసి నొప్పి ఉన్న చోట రాస్తే చర్మాన్ని చల్లబరుస్తుంది. ఇది వేడి వల్ల ఏర్పడిన వాపును తగ్గించి కురుపులు తగ్గిపోవడానికి సహాయపడుతుంది.

తులసి ఆకులు ప్రకృతి లోనే శుద్ధి లక్షణాలు కలిగినవిగా పేరుగాంచాయి. తాజా ఆకులను తీసుకొని మెత్తగా నూరి ముద్ద చేసుకోవాలి. ఈ మిశ్రమాన్ని కురుపుల మీద రాస్తే బ్యాక్టీరియా వ్యాప్తి తగ్గిపోతుంది. తులసిలోని ఔషధ గుణాలు చర్మానికి ఉపశమనం కలిగించి త్వరగా మానిపించేందుకు తోడ్పడతాయి.

వేడి తగ్గించేందుకు చల్లటి నీరు మంచి మార్గం. శుభ్రమైన కాటన్ బట్టను చల్లని నీటిలో ముంచి కురుపులపై మెల్లగా పెడుతూ ఉండండి. ఇలా చేయడం వల్ల వేడి తగ్గుతుంది. ఇదే విధంగా ఐస్ క్యూబ్‌ లను కూడా ఒక బట్టలో పెట్టి చర్మంపై పెట్టవచ్చు. ఇది చర్మాన్ని చల్లబరచి, చిరాకును తగ్గిస్తుంది.

ఉల్లిపాయల్లో ఉండే నూనె పదార్థాలు సహజ ఆమ్లగుణాలు చర్మాన్ని తేమగా ఉంచుతాయి. చిన్న ముక్కలుగా కట్ చేసిన ఉల్లిపాయను కురుపులపై ఉంచితే వేడి తగ్గుతుంది. ఈ పద్ధతి చర్మానికి చల్లదనాన్ని ఇచ్చి వాపును శాంతింపజేస్తుంది.

కీర రసం సహజంగా చల్లదనం కలిగిస్తుంది. తురిమిన కీరదోస నుంచి రసం తీసుకొని కురుపులపై రాస్తే చర్మానికి హైడ్రేషన్ లభిస్తుంది. ఇది కేవలం వేడి కురుపులకే కాకుండా మెలనిన్ స్థాయిని కూడా నియంత్రిస్తుంది. ముఖ్యంగా వేసవిలో ఇది ఎంతో ఉపయోగకరం.

తేనెలో యాంటీ ఇన్‌ఫ్లమేటరీ యాంటీ సెప్టిక్ గుణాలు ఉండటం వల్ల చర్మానికి మంచి రక్షణ కలుగుతుంది. వేడి వల్ల ఏర్పడిన కురుపులపై తేనెను రాస్తే చర్మానికి తేమ అందుతుంది. అలాగే ఇన్ఫెక్షన్ల నుంచి రక్షణ కలుగుతుంది.

వేపాకు పూర్వకాలం నుంచే ఔషధంగా ఉపయోగించబడుతోంది. కొన్ని తాజా వేపాకులను నూరి వచ్చిన పేస్టును వేడి కురుపులపై రాయాలి. ఈ మిశ్రమం చర్మంపై సూక్ష్మజీవులను తగ్గించి ముక్కు, చేతులు, మెడ వంటి భాగాల్లోని కురుపులను మానిపిస్తుంది.

ఐస్ క్యూబ్‌ లను నెమ్మదిగా కురుపుల ప్రాంతాల్లో రుద్దితే వేడి వల్ల ఏర్పడే దురద, వాపు తగ్గిపోతుంది. చర్మానికి చల్లదనం ఇచ్చే ఈ పద్ధతి వేడి కారణంగా ఏర్పడే ఇతర సమస్యలకూ ఉపయోగపడుతుంది.

వేడి కురుపులు మామూలువే అయినప్పటికీ.. వాటిని నిర్లక్ష్యం చేస్తే తీవ్రమైన ఇన్ఫెక్షన్లకు దారి తీసే అవకాశం ఉంది. అందుకే ఇంట్లో అందుబాటులో ఉండే సహజ పదార్థాలతో సులభమైన చికిత్సలు తీసుకోవడం ద్వారా ఈ సమస్యను దూరం చేయొచ్చు. ప్రతి రోజు కొద్ది నిమిషాల పాటు ఈ చిట్కాలను పాటిస్తే చర్మం ఆరోగ్యంగా ఉంటుంది.

ఈ చిట్కాలను పాటించే ముందు మీ చర్మానికి అలర్జీలు రాకుండా ఉండేందుకు చిన్న పాచ్ టెస్ట్ తప్పనిసరిగా చేయండి. చెవి వెనుక లేదా చేతిపై రాసి కాసేపు వేచి చూడండి. ఎటువంటి ఇబ్బందీ లేకపోతేనే ఉపయోగించండి. ఇది చర్మ సమస్యలను నివారించడంలో సహాయపడుతుంది.