Skin Care: పచ్చిపాలతో మీ అందం రెట్టింపు.. పట్టులాంటి మెరిసే చర్మం కోసం ఈ సింపుల్‌ ఫేస్‌ ఫ్యాక్‌ ట్రై చేయండి…

పాలు మన ఆరోగ్యంతో పాటు చర్మానికి కూడా మేలు చేస్తాయి. పాలలోని పోషకాలు చర్మాన్ని హైడ్రేట్ చేసి, తేమను అందిస్తాయి. చర్మాన్ని మెరిసేలా చేస్తాయి. మీ చర్మం కూడా నిస్తేజంగా, నిర్జీవంగా మారినట్లయితే ఈ టిప్స్‌ పాటించండి. చర్మం మళ్లీ మెరుస్తూ కాంతివంతంగా మారేందుకు.. మీరు పాటించే స్కిన్‌ కేర్‌ రోటీన్‌లో పాలను ఉపయోగించవచ్చు. ముఖ్యంగా పచ్చి పాలను చర్మానికి వాడితే చర్మానికి చాలా మేలు చేస్తుంది. మీరు పచ్చి పాలను ఉపయోగించి ఈ నాలుగు రకాల ఫేస్ ప్యాక్స్‌ కూడా తయారు చేసుకోవచ్చు, ఇది చర్మంపై అప్లై చేస్తే చర్మం ఆరోగ్యంగా, మెరుస్తుంది. కాబట్టి చర్మంపై పాలను ఎలా ఉపయోగించాలో ఇక్కడ తెలుసుకుందాం..

పచ్చి పాలు- తేనె

ఈ ఫేస్ ప్యాక్ చేయడానికి, ఒక గిన్నెలో రెండు చెంచాల పచ్చి పాలను తీసుకుని అందులో ఒక పెద్ద చెంచా తేనె, కొంచెం నిమ్మరసం కలపండి. ఈ మిశ్రమం సహజ బ్లీచ్‌గా పనిచేస్తుంది. ఈ పేస్ట్‌ను ముఖం, మెడపై రాయండి. 15 నిమిషాల తర్వాత ముఖం కడుక్కోవాలి.

పచ్చి పాలు- నట్స్

ఈ ఫేస్ ప్యాక్ చేయడానికి, బాదంపప్పును పచ్చి పాలలో రాత్రంతా నానబెట్టండి. ఉదయాన్నే దీన్ని పేస్ట్‌లా చేసి ముఖం, మెడకు అప్లై చేయాలి. 20 నిమిషాల తర్వాత నీళ్లతో ముఖం కడుక్కోవాలి.

ఇవి కూడా చదవండి

Viral Video: సముద్రం అడుగున అద్దాల హోటల్‌.. ప్రపంచంలోనే మొట్టమొదటి అద్భుత నిర్మాణం.. ఆనంద్ మహీంద్రా షేర్‌ చేసిన వీడియో వైరల్‌..

Viral News: ఆ స్కూల్‌ నిండా కవలపిల్లలే..! ఒకటో తరగతిలోనే సరికొత్త రికార్డ్‌..

ఇదో వింత ఆచారం.. మృతదేహాలను రాబందులకు ఆహారంగా వదిలిపెట్టే ఈ మతం ఏంటో తెలుసా..?

Independence Day: మెట్రో రైల్వే స్టేషన్‌కు బాంబు బెదిరింపు.. పోలీసుల ముమ్మర తనిఖీలు.. భయాందోళనలో ప్రయాణికులు..!

పచ్చి పాలు- పసుపు

మెరిసే చర్మం కోసం మీరు పచ్చి పాలు, పసుపును కూడా ఉపయోగించవచ్చు. అందుకోసం ఒక గిన్నెలో రెండు మూడు చెంచాల పచ్చి పాలను తీసుకుని అందులో ఒక చెంచా పసుపు కలపాలి. ఈ మిశ్రమాన్ని ముఖానికి, మెడకు పట్టించి 15 నిమిషాల తర్వాత కడిగేయాలి.

పచ్చిపాలు- అవోకాడో

ఈ ప్యాక్‌ను తయారు చేయడానికి ఒక గిన్నెలో రెండు చెంచాల పచ్చి పాలను తీసుకొని, అవసరమైన విధంగా మెత్తని అవకాడోను కలుపుకోవాలి. సరిగ్గా మిక్స్ చేసి పేస్ట్ లా చేసుకోవాలి. ఈ పేస్ట్‌ను ముఖం, మెడపై పూర్తిగా అప్లై చేసుకోవాలి. అది ఆరిపోయిన తర్వాత నీటితో శుభ్రం చేసుకోండి.

మరిన్ని లైఫ్ స్టైల్ న్యూస్ కోసం క్లిక్ చేయండి..