Monsoon Alert: వర్షాకాలంలో మీ ఇంట్లో ఈ ఒక్క తప్పు జరుగుతోందా?.. అయితే రాత్రికి రాత్రే ఇల్లు బూడిదవడం ఖాయం..

చిన్న నిర్లక్ష్యం వల్ల కూడా ఇంట్లో షార్ట్ సర్క్యూట్ జరిగి విలువైన ఎలక్ట్రానిక్ వస్తువులు కాలిపోవడమే కాకుండా.. ప్రాణాంతకమైన కరెంట్ షాక్‌లు తగిలే ప్రమాదం ఉంది. మరి వర్షాకాలంలో మీ ఇంటిని, మీ కుటుంబాన్ని విద్యుత్ ప్రమాదాల నుండి ఎలా కాపాడుకోవాలో.. తీసుకోవాల్సిన పక్కా జాగ్రత్తలు ఏంటో ఇప్పుడు పూర్తి వివరంగా తెలుసుకుందాం.

1. ఇంటి ఎర్తింగ్‌ను ఖచ్చితంగా తనిఖీ చేయండి

మీ ఇంటి సురక్షిత విద్యుత్ వ్యవస్థకు ఎర్తింగ్ అనేది గుండెకాయ లాంటిది. వర్షాకాలం ప్రారంభంలోనే ఒక పర్ఫెక్ట్ ఎలక్ట్రీషియన్‌ను పిలిపించి ఇంటి ఎర్తింగ్ సరిగ్గా ఉందో లేదో చెక్ చేయించుకోవాలి.

ఎర్తింగ్ సరిగ్గా ఉంటే.. ఒకవేళ ఏదైనా పరికరంలో కరెంట్ లీకేజ్ ఉన్నా లేదా షార్ట్ సర్క్యూట్ అయినా, ఆ అదనపు విద్యుత్ భూమిలోకి వెళ్ళిపోతుంది. దీనివల్ల మనకు షాక్ తగిలే ముప్పు తప్పుతుంది.

2. గోడల లీకేజీలు, స్విచ్ బోర్డులు

వర్షాల వల్ల ఇంటి పైకప్పు లేదా గోడల నుండి నీరు లీక్ అవుతుంటే అత్యంత జాగ్రత్తగా ఉండాలి. తడిసిన గోడల గుండా విద్యుత్ ప్రవహించే అవకాశం ఉంది.

ఏదైనా స్విచ్ బోర్డు ఉన్న గోడ గనుక తేమగా ఉంటే.. ఆ బోర్డును అస్సలు ముట్టుకోవద్దు. వెంటనే మెయిన్ స్విచ్ ఆఫ్ చేసి, ఆ లీకేజీని రిపేర్ చేయించాలి. అలాగే తడి చేతులతో స్విచ్‌లు వేయడం, ప్లగ్‌లు పెట్టడం వంటి పనులు అస్సలు చేయకూడదు.

3. ఓపెన్ వైర్లు, టేపింగ్

ఇంట్లో ఎక్కడైనా వైర్లు తెరిచి ఉంటే లేదా జాయింట్లు సరిగ్గా లేకపోతే వాటికి నాణ్యమైన ఇన్సులేషన్ టేప్ వేయాలి.

ముఖ్యంగా ఇంటి బయట, బాల్కనీ లేదా గార్డెన్ ఏరియాలో ఉండే లైట్లు మరియు వైర్ల విషయంలో చాలా కేర్ తీసుకోవాలి. వర్షపు నీరు ఓపెన్ వైర్లపై పడితే లీకేజ్ జరిగి కరెంట్ పాస్ అవుతుంది. వీలైతే వాటర్‌ప్రూఫ్ సాకెట్లను వాడటం మంచిది.

4. ఎలక్ట్రానిక్ వస్తువుల రక్షణ

వర్షం పడేటప్పుడు మరియు పిడుగులు పడే సమయంలో టీవీ, ఫ్రిజ్, కంప్యూటర్, ఏసీ మైక్రోవేవ్ ఓవెన్ వంటి ఖరీదైన పరికరాలను వాడటం ఆపేయాలి.

కేవలం స్విచ్ ఆఫ్ చేయడమే కాకుండా, వాటి ప్లగ్‌లను సాకెట్ల నుండి పూర్తిగా తీసివేయడం సురక్షితం. ఎందుకంటే పిడుగులు పడినప్పుడు హై-వోల్టేజ్ పవర్ సడన్‌గా రావడం వల్ల ఈ వస్తువులు కాలిపోయే ప్రమాదం ఉంది.

5. ఈఎల్‌సీబీ / ఆర్‌సీసీబీ వాడకం

మీ ఇంటి మెయిన్ కరెంట్ బోర్డులో ‘ఎర్త్ లీకేజ్ సర్క్యూట్ బ్రేకర్’ లేదా ‘రెసిడ్యువల్ కరెంట్ సర్క్యూట్ బ్రేకర్’ కచ్చితంగా అమర్చుకోండి.

ఇది ఇంట్లోని చిన్న వైర్ నుండి కరెంట్ లీక్ అయినా లేదా మనిషికి చిన్న షాక్ తగిలినా.. కేవలం మైక్రో సెకన్లలోనే ఇంటి మొత్తానికి పవర్ సప్లైను ఆటోమేటిక్‌గా కట్ చేస్తుంది. ఇది వర్షాకాలంలో ప్రాణాలు కాపాడే అద్భుతమైన పరికరం.

వర్షాకాలంలో మన చుట్టూ ఉండే వాతావరణం తేమగా ఉంటుంది కాబట్టి, కరెంట్ విషయంలో చిన్న అశ్రద్ధ కూడా పెద్ద ప్రమాదానికి దారితీయవచ్చు. ముందే జాగ్రత్తలు పడటం వల్ల సురక్షితంగా వర్షాకాలాన్ని ఆస్వాదించవచ్చు.

గమనిక : ఇది కేవలం సమాచారం మాత్రమే. పైన పేర్కొన్న వివరాలు సాధారణ ఎలక్ట్రికల్ సేఫ్టీ గైడ్‌లైన్స్, గృహ నిర్మాణ నిపుణుల సూచనలు మరియు విపత్తు నిర్వహణ నివేదికల ప్రాతిపదికన అందించబడ్డాయి. ఇంటి వైరింగ్ సమస్యలు లేదా విద్యుత్ లీకేజీలు ఉన్నప్పుడు సొంత ప్రయోగాలు చేయకుండా గుర్తింపు పొందిన క్వాలిఫైడ్ ఎలక్ట్రీషియన్‌ను సంప్రదించడం అవసరం. దీనికి సంస్థ ఎలాంటి బాధ్యత వహించదు.