చల్లటి నీటితో స్నానం చేస్తే 5 పెద్ద ప్రయోజనాలు..! తెలిస్తే ఆశ్చర్యపోతారు..

Bathing In Cold Water: చాలామంది చల్లటి నీటితో స్నానం అంటే వణికిపోతారు. కానీ కొంతమంది సులువుగా చేస్తారు. వాతావరణం ఎంత చల్లగా ఉన్నా ఇట్టే చేసేస్తారు.

Cold Water

uppula Raju |
Updated on: Sep 29, 2021 | 4:30 PM

Bathing In Cold Water: చాలామంది చల్లటి నీటితో స్నానం అంటే వణికిపోతారు. కానీ కొంతమంది సులువుగా చేస్తారు. వాతావరణం ఎంత చల్లగా ఉన్నా ఇట్టే చేసేస్తారు. అయితే చల్లటి నీటితో స్నానం వల్ల శారీరక, మానసిక ప్రయోజనాలున్నాయని నిపుణులు చెబుతున్నారు. కొంతమంది ఆరోగ్య కారణాల దృష్ట్యా చల్లటి నీటితో స్నానం చేయడానికి ఎక్కువగా ఇష్టపడతారు. ప్రయోజనాలు తెలుసుకుందాం.

1. తక్కువ అనారోగ్యం చల్లని నీటితో స్నానం చేసే వ్యక్తులు తక్కువ అనారోగ్యానికి గురవుతారు. కొంతమంది పరిశోధకులు చల్లటి నీటితో స్నానం చేస్తే రోగనిరోధక శక్తి పెరుగుతుందని నమ్ముతున్నారు. చెక్ రిపబ్లిక్ నుంచి ఒక అధ్యయనం ప్రకారం.. యువ అథ్లెట్లు వారానికి మూడు సార్లు ఆరు వారాల పాటు చల్లటి నీటి స్నానం చేశారు.. అప్పుడు వారి రోగనిరోధక శక్తి మెరుగుపడింది. అయితే దీనిని నిర్ధారించడానికి సమగ్ర అధ్యయనం అవసరమని చెప్పారు.

2. నాడీ వ్యవస్థను సక్రియం చేస్తుంది చల్లటి నీరు నాడీ వ్యవస్థను సక్రియం చేస్తుంది. దీనివల్ల నోరాడ్రినలిన్ హార్మోన్ పెరుగుతుంది. ఈ హార్మోన్ గుండె రేటును రక్త వేగాన్ని పెంచుతుంది. ఇది ఆరోగ్యాన్ని మెరుగుపరుస్తుంది.

3. రక్త ప్రసరణలో మెరుగుదల చల్లటి నీటితో స్నానం చేయడం వల్ల రక్త ప్రసరణ మెరుగుపడే అవకాశాలు ఉన్నాయి. చల్లటి నీటితో స్నానం చేస్తన్నప్పుడు మొదటగా చర్మానికి రక్త ప్రసరణ తగ్గుతుంది. తర్వాత శరీరం స్వయంగా వేడెక్కవలసి ఉంటుంది. ఈ కారణంగా శరీరంలో రక్త ప్రవాహం పెరుగుతుంది. వ్యాయామం తర్వాత చల్లటి నీటితో స్నానం చేస్తే నాలుగు వారాల తర్వాత కండరాలకు రక్త ప్రసరణ మెరుగుపడిందని ఒక అధ్యయనంలో తేలింది.

4. మానసిక ఆరోగ్య ప్రయోజనాలు శారీరక ప్రయోజనాలు కాకుండా చల్లటి నీటితో స్నానం చేయడం వల్ల మానసిక ఆరోగ్యం కూడా కలుగుతుంది. ‘ఫైట్ లేదా రన్ అవే’ ప్రతిస్పందన కారణంగా మానసిక చురుకుదనం పెరుగుతుందనే సిద్ధాంతం ఉంది. ముఖం, మెడపై చల్లటి నీటిని ఉపయోగించడం వల్ల వృద్ధులలో మెదడు పనితీరు మెరుగుపడుతుంది. డిప్రెషన్‌ని ఎదుర్కొనేటప్పుడు చల్లటి నీటితో స్నానం చేస్తే మంచి రిలీఫ్ దొరకుతుంది.

5. చల్లటి నీటితో స్నానం చేయడం వల్ల ప్రమాదాలు చల్లని నీటిలో స్నానం ఆరోగ్యానికి ప్రయోజనకరమని రుజువు చేయడానికి చాలా ఆధారాలు ఉన్నాయి. అలాగే కొన్ని ప్రమాదాలు కూడా ఉన్నాయి. గుండె జబ్బులతో బాధపడేవారికి ఇది ప్రమాదకరం. ఒక్కోసారి ఇది గుండెపోటుకు కారణం కావచ్చు.