Skin Care Tips: స్త్రీలకు పులిపిర్లు, మొటిమలు ఎందుకు ఎక్కువగా వస్తాయి? వాటిని వదిలించుకోవడానికి సహజ మార్గాలను తెలుసుకోండి..!!
మన శరీరంలో అతి ముఖ్యమైన భాగం చర్మం. అనేక జీవకణాల సముదాయంగా ఉండే మానవశరీరంపై ఉండే చర్మం శుభ్రత విషయంలో ఎన్నో జాగ్రత్తలు పాటించడం చాలా అవసరం.
Madhavi | Edited By: Janardhan Veluru
Updated on: Feb 27, 2023 | 11:27 AM
మన శరీరంలో అతి ముఖ్యమైన భాగం చర్మం. అనేక జీవకణాల సముదాయంగా ఉండే మానవశరీరంపై ఉండే చర్మం శుభ్రత విషయంలో ఎన్నో జాగ్రత్తలు పాటించడం చాలా అవసరం. చర్మం శుభ్రంగా ఉంటే పలు రకాల రోగకారక బ్యాక్టీరియా నుంచి రక్షణ పెందే అవకాశం ఉంటుంది. చర్మ శుభ్రత పాటించకపోవడం చర్మంపై పులిపిర్లు(Skin Tags) ఏర్పాడేందుకు ప్రధాన కారణం అవుతుందని వైద్య నిపుణులు అంటున్నారు. ముఖ్యంగా స్త్రీలలో మొహం, మెడ, గొంతు భాగాలపై స్నానం చేసేటప్పుడు సరిగ్గా రుద్దకపోవడం వల్ల ఆ ప్రదేశంలో పులిపిర్లు ఏర్పడతాయి.
పులిపిర్లు కొన్నిచోట్ల ఎక్కువగా ఉంటాయి. చూసేవాళ్లకు కాస్త ఇబ్బందిగా అనిపిస్తాయి. అదే సమయంలో రోగనిరోధకశక్తి తక్కువగా ఉన్నవారిలో కూడా ఈ పులిపిర్లు, మచ్చల సమస్య అధికంగా ఉంటుంది. అయితే పులిపిర్లు, నల్లటి మచ్చలు ఏర్పడగానే చాలా మంది నాటు పద్ధతులు ఉపయోగించి వాటిని ఎలాగైనా తొలగించే ప్రయత్నం చేస్తుంటారు. పురుషుల మాదిరిగానే స్త్రీల శరీరం అంతటా పులిపిర్లు, మచ్చలు వస్తుంటాయి. కానీ వల్వాపై కనిపించే జననేంద్రియా ట్యాగ్ లు కూడా ఉంటాయి.
మహిళలు పులిపిర్లు, మొటిమలకు ఎందుకు ఎక్కువగా గురవుతారు?
– ఆరోగ్య నిపుణుల అభిప్రాయం ప్రకారం, మీ శరీరం చర్మంపై పొరలో అదనపు కణాలను ఉత్పత్తి చేసినప్పుడు పులిపిర్లు ఏర్పడతాయి.
-చర్మం, మడత మధ్య ఎక్కువ ఘర్షణ జరిగినప్పుడు.. ముఖ్యంగా వల్వాపై ఒత్తిడి పెరిగినప్పుడు.
– గర్భం, ముఖ్యంగా రెండవ త్రైమాసికంలో (వారం 14 నుండి 27 వ వారం వరకు) హార్మోన్ల హెచ్చుతగ్గులు జరిగినప్పుడు ఇవి కనిపిస్తాయి. ఇది కొత్త చర్మ కణాల పెరుగుదలను ప్రోత్సహిస్తుంది.
– హ్యూమన్ పార్పిలోమా వైరస్ ఇన్ఫెక్షన్ కొన్ని చర్మపు ట్యాగ్‌లకు కారణం కావచ్చు.
– శరీరంలో ఇన్సులిన్ నిరోధకత కారణంగా స్కిన్ ట్యాగ్‌లు ఏర్పడటానికి మధుమేహం కూడా ఒక కారణం.
– మహిళల్లో ఊబకాయం కూడా కారణం.
స్కిన్ ట్యాగ్‌లకు సహజంగా ఎలా చికిత్స చేయాలి:
కొన్ని నొప్పిలేకుండా లేజర్ సర్జరీలు పులిపిర్లను తొలగించుకునేందుకు సహాయపడతాయి. అయినప్పటికీ వీటిని సురక్షితమైన, సహజమైన పద్ధతుల్లోనూ తొలగించవచ్చు.
- టీ ట్రీ ఆయిల్: ఇది స్కిన్ ట్యాగ్‌లతో సహా అనేక చర్మ సమస్యలకు చికిత్స అందించడంలో ప్రముఖ పాత్ర వహిస్తుంది. కాటన్‌లో కొంచెం నూనె వేసి స్కిన్ ట్యాగ్ లేదా మొటిమకు బ్యాండేజ్ సహాయంతో రుద్దాలి. రోజుకు మూడుసార్లు 10 నిమిషాలు అలాగే ఉంచండి. ఒక వారంలో స్కిన్ ట్యాగ్ తగ్గిపోతుంది.
- యాపిల్ సైడర్ వెనిగర్: ఇది చర్మానికి అనేక ప్రయోజనాలను అందిస్తుంది. యాపిల్ సైడర్ వెనిగర్ ట్యాగ్‌లు, మొటిమలను సహజంగా వదిలించుకోవడంలో కూడా సహాయపడుతుంది. మీరు ట్యాగ్ నుండి ఉపశమనం పొందే వరకు ప్రతిరోజూ మూడుసార్లు 10-15 నిమిషాలు 10-15 నిమిషాలు వాటిపై మర్దన చేయండి. మంచి ఫలితం ఉంటుంది.
- అయోడిన్: స్కిన్ ట్యాగ్‌లను వదిలించుకోవడానికి లిక్విడ్ అయోడిన్ ఒకటి. ట్యాగ్‌పై కొంచెం కొబ్బరి నూనెను పూయండి. ఆపై కొంత అయోడిన్‌ను తీసుకుని ట్యాగ్ లపై రుద్దండి. అయోడిన్ ఆరిపోయే వరకు ఆ ప్రాంతాన్ని కట్టుతో కప్పండి.
పులిపిర్లు ఇక్కడ ఉంటే ఇంటి నివారణల జోలికి వెళ్లకండి.
– స్కిన్ ట్యాగ్‌లు, మొటిమలు కళ్ళ దగ్గర ఉంటే వాటిపై సహజనివారణలు ఉపయోగించకూడదు.
– జననేంద్రియ ట్యాగ్‌లు ఉంటే వాటిని వైద్యుడి సహాయంతో తొలగించుకోండి.
-పులిపిర్లు పెద్దగా ఉంటే వాటికి ఎలాంటి ఇంటి నివారణలు వాడకూడదు.
– పులిపిర్లు నొప్పి, రక్తస్రావం కలిగిస్తే, వైద్యుడిని సంప్రదించండి.
(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరుగుతుంది. ఏవైనా సందేహాలుంటే నిపుణులను సంప్రదించండి.)
మరిన్ని హెల్త్ టిప్స్ కోసం ఇక్కడ క్లిక్ చేయండి
