AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Viral Video: అగ్గిపెట్టెలాంటి ఇల్లు.. రూ. 66 వేల అద్దె.. బాల్కనీ వ్యూ చూస్తే ఉంటుంది జహాపనా..!

పారిస్ నగరంలోని ఒక అత్యంత చిన్న అపార్ట్‌మెంట్‌కు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. సెబాస్టియన్ హెడ్‌బర్గ్ అనే ఇన్‌స్టాగ్రామ్ యూజర్ షేర్ చేసిన ఈ వీడియోలో, ఒక వ్యక్తి తన చిన్న ఫ్లాట్‌ను చూపిస్తున్నాడు. దీని నెలవారీ అద్దె దాదాపు రూ. 66,900 (600 యూరోలు). ఈ ఫ్లాట్ ఏడో అంతస్తులో ఉంది. ఆ బిల్డింగ్‌లో లిఫ్ట్ కూడా లేదు.. దీని కోసం ప్రతిరోజూ 134 మెట్లు ఎక్కాలి. ఫ్లాట్ లోపల కనీసం కాళ్లు చాపుకోవడానికి కూడా స్థలం లేదు. కానీ,

Viral Video: అగ్గిపెట్టెలాంటి ఇల్లు.. రూ. 66 వేల అద్దె.. బాల్కనీ వ్యూ చూస్తే ఉంటుంది జహాపనా..!
Tiny Apartment In Paris
Jyothi Gadda
|

Updated on: May 19, 2026 | 8:48 PM

Share

ప్రపంచంలోనే అత్యంత ఖరీదైన, అందమైన నగరాల్లో పారిస్ ఒకటి. అక్కడ ఇల్లు దొరకడం ఎంత కష్టమో, అద్దెలు చెల్లించడం అంతకంటే భారం. ప్రస్తుతం సోషల్ మీడియాలో పారిస్ నగరానికి చెందిన ఒక చిన్న అపార్ట్‌మెంట్ వీడియో విపరీతంగా ట్రెండ్ అవుతోంది. కేవలం ఒకే ఒక్క అందమైన దృశ్యం కోసం ప్రజలు ఎంతటి లగ్జరీనైనా వదులుకోవడానికి సిద్ధపడతారని ఈ వీడియో నిరూపిస్తోంది. సెబాస్టియన్ హెడ్‌బర్గ్ అనే ఇన్‌స్టాగ్రామ్ యూజర్ పోస్ట్ చేసిన ఈ వీడియోను ఇప్పటికే 70 లక్షల మందికి పైగా వీక్షించారు.

వైరల్ వీడియోలో చూపించిన ఫ్లాట్ పరిమాణం చాలా చిన్నది, చూస్తే ఒక చిన్న మ్యాచ్ బాక్స్ లాగా అనిపిస్తుంది. ఇంత చిన్న ఫ్లాట్ నెలవారీ అద్దె అక్షరాలా 600 యూరోలు, అంటే భారతీయ కరెన్సీలో సుమారు రూ. 66,900. ఆ ఫ్లాట్‌లోకి ప్రవేశించగానే ఒక వైపు బట్టలు తగిలించుకునే స్టాండ్, దానికి సరిగ్గా అవతలి వైపు షవర్ ఏరియా ఉన్నాయి. అంటే అక్కడ ప్రైవసీ అనేది అస్సలు లేదు.

ఇవి కూడా చదవండి

ఈ అపార్ట్‌మెంట్‌లోని మరో ఆసక్తికరమైన, కష్టమైన విషయం ఏమిటంటే, ఇది బిల్డింగ్‌లోని 7వ అంతస్తులో ఉంది. ఆ భవనంలో అసలు లిఫ్ట్ సదుపాయమే లేదు. కాబట్టి, కిరాయిదారుడు ప్రతిరోజూ ఇంటికి వెళ్లాలంటే ఏకంగా 134 మెట్లు ఎక్కాల్సిందే.

ఇల్లు చాలా చిన్నదిగా ఉన్నా, 134 మెట్లు ఎక్కి ఆయాసం వచ్చినా.. ఆ ఫ్లాట్ బాల్కనీ తలుపులు తీయగానే స్వర్గం కనిపిస్తుంది. అక్కడ నిలబడి చూస్తే మొత్తం పారిస్ నగరం మన చేతుల్లో ఉన్నట్లు అనిపిస్తుందని కిరాయిదారుడు చెబుతున్నాడు. బాల్కనీ నుండి కనిపించే ఐఫిల్ టవర్, నగర అందాలు ఎంతటి వారిలనైనా మైమరపిస్తాయి.

వీడియో ఇక్కడ చూడండి..

View this post on Instagram

A post shared by Sebastian Hedberg (@seb_hed)

ఈ వీడియోపై నెటిజన్లు ఫన్నీగా స్పందిస్తున్నారు. ఒక యూజర్ ఇది ఇల్లు కాదు, 134 మెట్లు ఎక్కడం వల్ల మీకు ఉచితంగా లభించే ఫిట్‌నెస్ సబ్‌స్క్రిప్షన్ అని కామెంట్ చేయగా, మరొకరు ఫ్లాట్ చిన్నదైనా.. ఆ బాల్కనీ వ్యూ ఒక్కటే పెట్టిన డబ్బు మొత్తాన్ని వసూల్ చేస్తుంది అని పేర్కొన్నారు. కోరికల నగరంలో ఒక అద్భుతమైన ప్రశాంత దృశ్యం కోసం ప్రజలు ఎంత ఖర్చు చేయడానికైనా వెనకాడరని ఈ వైరల్ వీడియో నిరూపించింది.

మరిన్ని ట్రెండింగ్ న్యూస్ కోసం క్లిక్ చేయండి..

Follow Us