నేడే పరిషత్ రెండో దశ ఎన్నికలు

తెలంగాణ స్థానిక ఎన్నికల రెండో విడత పోరుకు సర్వం సిద్ధమైంది. ఇవాళ ఉదయం 7 గంటల నుంచి సాయంత్రం 5 గంటల వరకు పోలింగ్ జరగనుంది. మేడ్చల్ మినహా అన్ని జిల్లాల్లోనూ పోలింగ్ జరగనుంది. రెండో దశలో మొత్తం 1,913 ఎంపీటీసీ స్థానాలు ఉండగా.. వాటిలో 63 ఏకగ్రీవమయ్యాయి. వీటిని మినహాయిస్తే మిగతా 1,850 ఎంపీటీసీలకు పోలింగ్‌ నిర్వహణకు ఏర్పాట్లు పూర్తయ్యాయి. మావోయిస్టుల ప్రభావం ఉన్నట్లుగా గుర్తించిన 218 స్థానాల్లో మాత్రం సాయంత్రం 4 గంటలకే పోలింగ్ ముగుస్తుంది. ఎన్నికలకు సంబంధించి ఇప్పటికే ఆయా ప్రాంతాలకు ఎన్నికల అధికారులు చేరుకున్నారు.