పొలిట్బ్యూరోకు గల్లా అరుణ గుడ్బై.. చంద్రబాబుకు లేఖ
మాజీ మంత్రి గల్లా అరుణ కుమారి టీడీపీ పొలిట్ బ్యూరో నుంచి తప్పుకున్నారు. తన వ్యక్తిగత కారణాల వల్లే పొలిట్ బ్యూరోను వీడుతున్నట్లు ఆమె టీడీపీ అధినేత చంద్రబాబుకు..
Galla Aruna Kumari quits TDP politbureau: మాజీ మంత్రి, సీనియర్ నాయకురాలు గల్లా అరుణ కుమారి తెలుగుదేశం పార్టీ పొలిట్ బ్యూరో నుంచి తప్పుకున్నారు. తన వ్యక్తిగత కారణాల వల్లే పొలిట్ బ్యూరోను వీడుతున్నట్లు ఆమె టీడీపీ అధినేత చంద్రబాబు నాయుడుకు లేఖ పంపినట్లు తెలుస్తోంది.
కాంగ్రెస్ పార్టీ హయాంలో మంత్రిగా పని చేసిన గల్లా అరుణకుమారి.. రాష్ట్ర విభజన తర్వాత తెలుగుదేశం పార్టీలో చేరారు. తనకు బదులుగా తన కుమారుడు గల్లా జయదేవ్ను ఎన్నికల బరిలోకి దింపగా.. ఆయన రెండు మార్లు గుంటూరు నుంచి ఎంపీగా గెలిచారు. అరుణ కుమారి సీనియారిటీని గౌరవించిన చంద్రబాబు ఆమెను పార్టీ అత్యున్నత నిర్ణయాక కమిటీ అయిన పొలిట్ బ్యూరోలో చేర్చుకున్నారు.
ప్రస్తుతం విపక్షానికి పరిమితమైన తెలుగుదేశం పార్టీలో సంస్థాగత మార్పులు చేర్పులు జరుగుతున్నాయి. పార్లమెంటు నియోజకవర్గాల వారీగా పార్టీకి మహిళా అధ్యక్షులను ఒకవైపు చంద్రబాబు నియమిస్తున్న తరునంలో అరుణకుమారి పొలిట్ బ్యూరోను వీడడం చర్చనీయాంశమైంది. పైకి వ్యక్తిగత కారణాలే అని చెబుతున్నా.. తాజా నియామకాల విషయంలో తన అభిప్రాయాలను పరిగణలోకి తీసుకోకపోవడమే ఆమె పొలిట్ బ్యూరోను వీడేందుకు కారణమని తెలుస్తోంది.
Also read: హైదరాబాద్లో మరో సినీ స్టూడియో.. ప్రకటించిన ‘అల్లు’ ఫ్యామిలీ