Mega Message కరోనా నియంత్రణకు మెగా మెసేజ్

Megastar Chiranjeevi issued Corona message: ప్రపంచవ్యాప్తంగా కలకలం సృష్టిస్తున్న కరోనా నియంత్రణకు ప్రతీ ఒక్కరు నడుం కట్టాల్సిన పరిస్థితి కనిపిస్తోంది. ఒకవైపు వైరస్ ఎంత వేగంగా విస్తరిస్తోందో.. అంతే వేగంగా వదంతులు, అపోహలు కూడా వ్యాప్తి చెందుతున్నాయి. ఈ నేపథ్యంలో పలువురు సెలెబ్రిటీస్… తమ తమ సందేశాలతో ప్రజల్లో చైతన్యం పెంచేందుకు ప్రయత్నిస్తున్నారు. అమితాబ్ బచ్చన్, సచిన్ టెండూల్కర్ వంటి వారు ఈ సందేశ వ్యాప్తిని ఇదివరకు ప్రారంభించగా… టాలీవుడ్‌లోను సందేశాల పరంపర మొదలైంది.

తాజాగా మెగాస్టార్ చిరంజీవి కరోనా నియంత్రణపై తెలుగు ప్రజలకు ఓ వీడియో సందేశంతో ముందుకొచ్చారు. ‘‘ కరోనా మరీ అతిగా భయపడేంత పెద్దదీ కాదు.. అలాగని నిర్లక్ష్యం చేసేంత చిన్నిది కాదు ’’ అంటూ ఓ వీడియో మీడియాకు విడుదల చేశారు చిరంజీవి. వీలైనంత వరకు ప్రజలంతా ఇంటి పట్టునే వుండేందుకు ప్రయత్నించాలని, సమూహాల్లోకి వెళ్ళ కుండా వుండడమే శ్రేయస్కరమని ఆయన తన సందేశంలో వివరించారు. తీసుకోవాల్సిన జాగ్రత్తలను వీడియో ప్రస్తావించిన చిరంజీవి.. కరోనా పూర్తిగా తొలగిపోయే వరకు ఈ జాగ్రత్తలు పాటించాలని పిలుపునిచ్చారు.