బిల్‌గేట్స్‌కు షాక్.. ప్రపంచ కుబేరుడిగా అమెజాన్ సీఈవో..

అమెజాన్ సీఈవో ప్రపంచంలోనే అత్యంత ధనవంతుడి స్థానాన్ని పదిల పరుచుకున్నారు. ఇటీవల బ్లూంబర్గ్ ఇండిక్స్ విడుదల చేసిన జాబితాలో తొలిస్థానంలో నిలిచారు. బెజోస్ తర్వాత రెండో స్థానంలో కొనసాగుతున్న మైక్రోసాప్ట్ కార్పొరేషన్ సహ వ్యవస్థాపకుడు బిల్ గేట్‌కు ఈ సారి మాత్రం షాక్ తగిలింది. బిల్ గేట్స్‌ను వెనక్కి నెట్టి ఎల్వీఎంహెచ్ సీఈవో బెర్నార్డ్ రెండో స్థానంలో నిలిచారు. ఆర్నాల్డ్ మొత్తం ఆస్తుల విలువ 108 బిలియన్ డాలర్లు కాగా.. గేట్స్ ఆస్తుల విలువ మొత్తం 107 బిలియన్ డాలర్లుగా ఉంది. అమెజాన్ చీప్ బెజోస్ తన భార్య మెకంజీ బెజోస్‌కు భారీగా భరణం సమర్పించుకున్నప్పటికీ.. 125 బిలియన్ డాలర్లతో తొలిస్థానంలో నిలిచారు.

జెఫ్ బెజోస్‌ నుంచి విడాకులు తీసుకున్న మకెంజి బెజోస్ మూడో సంపన్న మహిళగా నిలిచారు. 40.3 బిలియన్ డాలర్ల సంపదతో ఆమె జాబితాలో 22వ స్థానంలో ఉన్నారు. లారె‌ల్‌ వారసురాలు బెట్టెన్ మెయెర్స్ ప్రపంచంలోని సంపన్న మహిళగా నిలిచారు. ఓవరాల్ సంపన్నుల జాబితాలో ఆమె పదోస్థానంలో ఉన్నారు. వాల్‌మార్ట్‌కు చెందిన అలైస్ వాల్టన్ రెండో సంపన్న మహిళగా నిలిచారు. ఇక అత్యంత ధనికుడైన భారతీయడు ముకేశ్ అంబానీ 51.8 బిలియన్ డాలర్లతో సంపన్నుల జాబితాలో 13వ స్థానంలో నిలిచారు. విప్రో సీఈవో అజిమ్ ప్రేమ్‌జి 20.5 బిలియన్ డాలర్లతో 48వ స్థానంలో ఉన్నారు. ఇక శివ నాడార్ 92వ స్థానంలో, ఉదయ్ కొటక్‌ 96వ స్థానంలో ఉన్నారు.