బ్రిటిష్ వారు కూడా ఈయన భక్తులే.. ప్రపంచానికి యోగాని వ్యాప్తి చేసిన ఆధునిక యోగా పితామహుడి గురించి తెలుసా

ప్రాచీన కాలం నుండి భారతదేశంలో యోగాకు ప్రాముఖ్యత ఉంది. సుమారు ఐదు వేల సంవత్సరాల క్రితం, మహర్షి పతంజలి యోగా పితామహుడిగా పరిగణించబడే యోగ సూత్రాలను రచించారు. యోగ సూత్రం యోగ తత్వశాస్త్రం ప్రాథమిక గ్రంథంగా పరిగణించబడుతుంది. కాలక్రమేణా ప్రపంచం మొత్తం యోగా ప్రాముఖ్యతను తెలుసుకుంది. ఇప్పుడు అంతర్జాతీయ యోగా దినోత్సవాన్ని కూడా జరుపుకుంటారు. ఆధునిక యోగా పితామహుడు తిరుమలై కృష్ణమాచార్య ఇందులో ప్రధాన పాత్ర పోషించారు. యోగా గురువు, వైద్యుడు, పండితుడు తిరుమలై కృష్ణమాచార్య వర్ధంతి సందర్భంగా ఆయన గురించి తెలుసుకుందాం.

ఆధునిక యోగా పితామహుడు తిరుమలై కృష్ణమాచార్య అప్పటి మైసూర్ రాష్ట్రంలోని చిత్రదుర్గలో 1888 నవంబర్ 18న జన్మించారు. ప్రతి ఇంటికి యోగాను తీసుకెళ్లడానికి అంకితమైన తిరుమల కృష్ణమాచార్యులు 1989 ఫిబ్రవరి 28న మద్రాసులో (ప్రస్తుతం చెన్నై) వందేళ్ల సుదీర్ఘ జీవితాన్ని గడిపి ఈ లోకానికి వీడ్కోలు పలికారు. అయితే తిరుమలై కృష్ణమాచార్య కోమాలోకి వెళ్ళే వరకు యోగా ప్రచారంలో నిమగ్నమై ఉన్నారు,  .

కృష్ణమాచార్య కుటుంబ నేపధ్యం..

తిరుమలై కృష్ణమాచార్య అయ్యంగారి కుటుంబానికి చెందినవారు. అతని తండ్రి వేదాలు, ఉపనిషత్తుల ఉపాధ్యాయుడు. దీంతో కృష్ణమాచార్య ఆరు వైదిక తత్వాలలో పట్టాలను తీసుకున్నారు. ఆ తర్వాత యోగా, ఆయుర్వేదం కూడా అభ్యసించారు. తిరుమల కృష్ణమాచార్య హిమాలయాలలోని ఒక గుహలో నివసించే యోగా మాస్టర్ రామ్మోహన్ బ్రహ్మచారి నుంచి పతంజలి యోగ సూత్రాలను నేర్చుకున్నారు. ఇందుకోసం అతను హిమాలయాలకు వెళ్లడానికి అప్పటి బ్రిటిష్ వైస్రాయ్ లార్డ్ ఇర్విన్ నుంచి అనుమతి కోరారు.

ఇవి కూడా చదవండి

శరీరంలో ఈ లక్షణలు కనిపిస్తుంటే జాగ్రత్త..

శివ సహస్ర నామం పఠించడం వలన విశేష ఫలితాలు మీ సొంతం

శివుని 12 జ్యోతిర్లింగాల ప్రాముఖ్యత ఏమిటో తెలుసా..

ఆర్ధిక ఇబ్బందులా శివరాత్రి రోజున ఈ 4 వస్తువులు దానం చేయండి..

ఒకసారి లార్డ్ ఇర్విన్ ఆరోగ్యం క్షీణించినప్పుడు కృష్ణమాచార్య తన యోగా థెరపీ ద్వారా నయం చేశారని కూడా చెబుతారు. దీని కారణంగా లార్డ్ ఇర్విన్ కూడా అతని అభిమాని అయ్యాడు. వైస్రాయ్ లార్డ్ ఇర్విన్ తిరుమల కృష్ణమాచార్యను హిమాలయ గుహకు సురక్షితంగా తీసుకెళ్లడానికి స్వయంగా అన్ని ఏర్పాట్లు చేశాడు.

ఏడేళ్లపాటు హిమాలయాల్లోని గుహల్లో

అయితే తిరుమల కృష్ణమాచార్యులు గుహను చేరుకోవడానికి కాలినడకన ప్రయాణించాల్సి వచ్చింది. ఇలా తన గమ్యం చేరుకోవడానికి అతనికి మూడు నెలలు పట్టింది. ఆ తర్వాత హిమాలయాలోని ఒక గుహలో ఏడేళ్లు నివసించారు. ఈ సమయంలో అతను పతంజలి యోగ సూత్రాలకు సంపాదించిన జ్ఞానాన్ని సంపాదించి.. తిరిగి వచ్చారు. హిమాలయాల నుంచి తిరిగి వచ్చిన తరువాత తిరుమల కృష్ణమాచార్య బనారస్‌లో నివసించడం ప్రారంభించారు. క్రమంగా అతను యోగా గురువుగా పేరు ప్రఖ్యాతలు లభించడం మొదలయ్యాయి.

మైసూర్‌లో స్థిరపడాలని ఆహ్వానించిన రాజు

1925వ సంవత్సరంలో బనారస్ ను మైసూర్ రాజు సందర్శించడానికి వెళ్లారట. అదే సమయంలో తిరుమల కృష్ణమాచార్య ప్రజాదరణ రాజు చెవికి చేరుకుంది. దీనిపై మైసూర్ రాజు తిరుమల కృష్ణమాచార్యను మైసూరుకు వచ్చి ఉండమని కోరాడు. తిరుమల కృష్ణమాచార్యులు రాజుగారి ఈ ఆహ్వానాన్ని మన్నించి మైసూరు వెళ్లారు. అక్కడ అతను వివాహం చేసుకున్నారు. రాజు వ్యక్తిగత యోగా గురువు అయ్యారు. అక్కడ రాజు తిరుమల కృష్ణమాచార్యుల కోసం జగ్మోహన్ ప్యాలెస్‌లో యోగాశాలను తెరిచి.. మొత్తం బాధ్యతను కృష్ణమాచార్యకు అప్పగించారు.

వేద పద్ధతులతో పాశ్చాత్య ధ్యానం, భావనను పరిచయం

అక్కడే తిరుమల కృష్ణమాచార్య యోగాలోని వేద పద్ధతులతో పాటు పాశ్చాత్య ధ్యానం అనే భావనను ప్రవేశపెట్టారు. చాలా ప్రతిభావంతులైన కృష్ణమాచార్య 1938 లో యోగా ఆసనాలపై ఒక నిశ్శబ్ద చిత్రాన్ని కూడా తీశారు. అయితే యోగాశాల 1940 సంవత్సరంలో క్లోజ్ చేశారు.

దీని కారణంగా 50 సంవత్సరాల వయస్సులో తిరుమల కృష్ణమాచార్యులు జీవనోపాధి కోసం కష్టపడాల్సి వచ్చింది. ఈ విషయం తెలిసి చెన్నైలోని వివేకానంద కళాశాలలో అధ్యాపకుని పదవిని ఆఫర్ చేశారు. దానిని అంగీకరించారు.

హఠయోగ భావనను ప్రవేశపెట్టిన తిరుమల కృష్ణమాచార్య

1934లో తిరుమల కృష్ణమాచార్యులు యోగా మకరంద అనే పుస్తకాన్ని రచించారు. దీనిని మైసూర్ విశ్వవిద్యాలయం ప్రచురించింది. ఈ పుస్తకంలో పాశ్చాత్య మెడిటేషన్‌తో పాటు యోగాను ఉపయోగించడం గురించి ప్రచారం చేశారు. హఠయోగ భావనను తొలిసారిగా దేశ ప్రజలకు పరిచయం చేసి ప్రచారం చేశారు  తిరుమల కృష్ణమాచార్యులు. దీనిని ఇప్పుడు ఆధునిక యోగా అంటారు. అతను యోగాను ప్రచారం చేయడానికి తన జీవితాంతం కాలినడకన ప్రయాణించారని చెబుతారు. చివరి క్షణాల్లో మద్రాసులో కోమాలోకి వెళ్లి అక్కడే శివైక్యం పొందారు.

మరిన్ని హ్యూమన్ ఇంట్రెస్ట్ వార్తల కోసం ఇక్కడ క్లిక్ చేయండి..