ఈ రోజుల్లో తలంటుకుంటే అస్సలు కలిసిరాదట..! ఎందుకో తెలుసా..?

మన హిందూ సంప్రదాయాల్లో ప్రతి ఒక్క విషయానికీ ఒక ఆచారం ఉంటుంది. శుభం కలగాలంటే ఏం చేయాలి..? అసౌభాగ్యం తొలగాలంటే ఏది మానాలి..? అనే విషయాల్లో పెద్దలు కొన్ని నియమాలు సూచిస్తూ ఉంటారు. అందులో తల స్నానం కూడా ఒక ముఖ్యమైన నియమంగా పరిగణించబడుతుంది. అయితే ప్రతి రోజు తలస్నానం మంచిదే అయినా కొన్ని రోజులలో తలస్నానం చేయడం వలన అసౌభాగ్యం చుట్టుకుంటుందని నమ్మకం. ముఖ్యంగా పెళ్లైన మహిళలు ఈ విషయంలో మరింత శ్రద్ధగా ఉండాలి.

వాస్తు, జ్యోతిష్య శాస్త్రాల ప్రకారం కొన్ని రోజులలో తలస్నానం చేయడం శుభం కాదని చెబుతారు. ముఖ్యంగా మంగళవారం, గురువారం, శనివారం రోజుల్లో తలస్నానం చేయడం వల్ల కుటుంబంలో కలహాలు కలగవచ్చు, స్త్రీలు ఆధ్యాత్మికంగా లేదా ఆర్థికంగా నష్టాన్ని చవిచూడొచ్చు.

గురువారం, శనివారాలు గురు, శని గ్రహాలకి సంబంధించి పవిత్రమైన రోజులు. ఆ రోజుల్లో తల స్నానం చేయడం వలన స్త్రీల శుభఫలితాలపై ప్రతికూల ప్రభావం చూపవచ్చని నమ్మకం ఉంది.

అలాగే సోమవారం కూడా కొన్ని ప్రాంతాలలో తలస్నానం చేయకూడదని విశ్వాసం ఉంది. సోమవారం శివునికి ప్రియమైన రోజు. ఆ రోజు శుభంగా గడవాలంటే తల స్నానాన్ని మానుకోవడం మంచిదని పెద్దలు చెబుతారు. ఈ నాలుగు రోజుల్లో తల స్నానం చేయకపోయినా ఆరోగ్యంపై ఎటువంటి ప్రతికూల ప్రభావం ఉండదు. అయితే ఇది ఆధ్యాత్మిక పరంగా శుభప్రదంగా భావించబడుతుంది.

తిథుల పరంగా చూస్తే అమావాస్య, పౌర్ణమి రోజుల్లో తలస్నానం చేయకూడదనే నమ్మకాలు ఉన్నాయి. ఈ రోజులు ఆధ్యాత్మిక శుద్ధికి ఉపయోగకరమైనవే అయినా తలస్నానం చేయడం వలన శరీర శక్తి తగ్గుతుందనే నమ్మకం ఉంది.

అలాగే వినాయక చవితి, వరలక్ష్మి వ్రతం, నాగుల చవితి లాంటి పర్వదినాల్లో తలపై శాంపూలు, హెర్బల్ ఆయిల్స్ వాడకపోవడం ఉత్తమం. ఈ రోజుల్లో తలపై కేవలం నీళ్లత సాధారణంగా శుభ్రం చేసుకోవడమే మేలుగా చెబుతారు.

బుధవారం, శుక్రవారం, ఆదివారం వంటి రోజులు తలస్నానానికి అత్యంత అనుకూలమైనవిగా పరిగణించబడతాయి. ఈ రోజుల్లో తలస్నానం చేయడం వలన స్త్రీలలో ఉత్సాహం పెరుగుతుంది, ఇంటిలో సౌభాగ్యం నిలుస్తుంది, దంపతుల మధ్య ప్రేమ, సమతుల్యత మెరుగవుతుంది.

ప్రత్యేకంగా శుక్రవారం తలస్నానం చేసి లక్ష్మీదేవిని పూజిస్తే ఆర్థిక స్థితి మెరుగవుతుందని నమ్మకం. అదే విధంగా ఆదివారం తలస్నానం చేయడం ద్వారా బలమైన శక్తి ప్రాప్తి అవుతుందని చెబుతారు.

(ఇక్కడ ఇచ్చిన సమాచారం మత విశ్వాసాలు, నమ్మకాల ఆధారంగా ఇవ్వబడింది. దీనికి శాస్త్రీయ ఆధారాలు లేవు. పాఠకుల ఆసక్తిని దృష్టిలో ఉంచుకుని ఇక్కడ అందించబడింది)