School Locked: స్కూల్‌కి తాళాలు వేసిన అడవి బిడ్డలు.. ఎందుకో తెలుసా..?

అడవి బిడ్డలు అంటే అంత అలుసా, మేము చదువుకోలేదు కనీసం మా పిల్లలను అయిన చదివించాలి అనుకుంటే మాపై మరి ఎంత నిర్లక్ష్యమా, టీచర్లు లేని పాఠశాల మాకు అవసరం లేదు అంటూ ప్రభుత్వ పాఠశాలకు తాళం వేశారు తల్లిదండ్రులు. పాఠశాలలో వెంటనే ఉపాధ్యాయులను ఏర్పాటు చేయాలంటూ డిమాండ్ చేశారు. ఈ ఘటన అశ్వాపురం మండలం కురువపల్లి కొత్తూరులో జరిగింది.

భద్రాద్రి కొత్తగూడెం జిల్లా అశ్వాపురం మండలం కుర్వపల్లి కొత్తూరు గ్రామంలో మండల ప్రాథమిక పాఠశాలలో ఉపాధ్యాయులను నియమించలేదని తల్లిదండ్రులు ఆగ్రహం వ్యక్తం చేశారు. బడిలో ఒక్క ఉపాధ్యాయుడు మాత్రమే ఉండడం మూలంగా తమ పిల్లల చదువులు కొనసాగడం లేదంటూ తల్లిదండ్రులు నిరసన వ్యక్తం చేశారు. విద్యార్థులను బయటకు పంపి పాఠశాలకు తాళాలు వేసి ఆందోళన నిర్వహించారు. గిరిజనులు నివాసం ఉండే ప్రాంతాల్లో పాఠశాలలపై ప్రభుత్వ అధికారులు నిర్లక్ష్యంగా వ్యవహరిస్తున్నారని అదివాసీలు ఆవేదన వ్యక్తం చేశారు.

ఒకటి నుండి ఐదోవ తరగతి వరకు ఉన్న కురవపల్లి కొత్తూరు మండల ప్రాథమిక పాఠశాలలో 48 విద్యార్థుల చదువుకుంటున్నారు. వీరందరికీ ఒక్కరే ఉపాద్యాయుడు పాఠాలు చెపుతున్నారు. తాము ఎలాగూ చదువుకోలేదు కనీసం తమ పిల్లల నైన చదివిపించాలని అనుకున్నా అడవి బిడ్డలు. అయితే ప్రభుత్వ పాఠశాలల్లో పరిస్థితి చాలా దారుణంగా ఉందని ఆందోళన వ్యక్తం చేస్తున్నారు తల్లిదండ్రులు. ఇంతకు ముందు ఇక్కడ పని చేసిన టీచర్లు, కురువపల్లి కొత్తూరు స్కూల్ నుండి బదిలీపై వెళ్లారు. వారి స్థానంలో ఉపాధ్యాయులు రావాల్సి ఉన్న ఇంతవరకు రాలేదు. ఇదే విషయం స్ధానిక ఎంఈవోకు విన్నవించుకున్నా.. పట్టించుకోవటం లేదని తల్లిదండ్రులు తెలిపారు. అందుకే పాఠశాలకు తాళాలు వేసి తాము నిరసన వ్యక్తం చేస్తున్నామని అన్నారు. ఇప్పటికైనా జిల్లా ఉన్నతాధికారులు, స్థానిక ఎమ్మెల్యే స్పందించి పాఠశాలలో ఉపాధ్యాయులను నియమించాలని డిమాండ్ చేస్తున్నారు. తమ పిల్లలకు చదువు చెప్పే విధంగా చూడాలని కోరుతున్నారు.

వీడియో చూడండి…

మరిన్ని తెలంగాణ వార్తల కోసం ఇక్కడ క్లిక్ చేయండి..