అమ్మాయిలు, అబ్బాయిలకు అలర్ట్.. ఆలస్యంగా పెళ్లి చేసుకుంటే ఇన్ని సమస్యలా..

కెరీర్ అంటూ నేటి తరం వివాహం గురించి పట్టించుకోవడం లేదు.. అంతేకాకుండా.. వివాహం చేసుకోవాలనుకునే వారికి తగిన వధువు లేదా వరుడు దొరకడం లేదు.. దీంతో చాలా మంది వివాహానికి దూరంగా ఉంటున్నారు. ప్రస్తుతం, ప్రపంచంలోని ప్రతి ప్రాంతంలో వివాహ వయస్సు పెరుగుతోంది. గతంలో, మహిళలకు వివాహ వయస్సు 20 సంవత్సరాలు, పురుషులకు 26 సంవత్సరాలు.. కానీ ఇప్పుడు ట్రెండ్ మారింది.. కనీస వయస్సు 28 సంవత్సరాలు.. గరిష్టం 32 సంవత్సరాలు.. ఇంకా కొంత మంది అయితే.. 40 వరకు.. అయితే.. ఆలస్య వివాహానికి కారణాలు ప్రాంతాన్ని బట్టి మారుతాయి.. కొన్ని ప్రదేశాలలో విద్యా/ఉద్యోగ అవకాశాలు, సామాజిక ఒత్తిళ్లు, ఆర్థిక పరిస్థితులు ప్రధానం కాగా, మరికొన్ని చోట్ల జ్యోతిష్య దోషాలు, వ్యక్తిగత వృద్ధిపై దృష్టి, లేదా కుటుంబ పరిస్థితులు కారణాలుగా ఉంటాయని పేర్కొంటున్నారు. కానీ నేడు, కెరీర్ అంటూ.. వయస్సు వచ్చిన తర్వాత కూడా, చాలా మంది వివాహం పట్ల ఆసక్తి చూపడం లేదు. వివాహం పట్ల ఉదాసీనత కారణంగా, నేడు లక్షలాది మంది యువకులు ఒంటరిగా జీవిస్తున్నారు. అయితే.. ఆలస్య వివాహం వల్ల కలిగే సమస్యలు..? దీని గురించి నిపుణులు ఏం చెబుతున్నారో తెలుసుకుందాం..

లిబిడో సమస్యలు..

లైంగిక జీవితంలో ఉచ్ఛస్థితి తర్వాత వివాహం చేసుకునే జంటలు జీవితంలో అనేక ఇబ్బందులను ఎదుర్కోవలసి ఉంటుంది. సామర్థ్యం తగ్గడం వల్ల సాన్నిహిత్యం, బంధం సమస్యలు వస్తాయి.. వాటిలో వైవాహిక విభేదాలు కూడా ఉంటాయి. ఈ సమస్యలను పరిష్కరించకపోతే, ఒంటరితనం, అభద్రత – కోపం అవిశ్వాసం, విడిపోవడం, విడాకులకు దారితీయవచ్చు. ఆలస్యమైన వివాహాలు వంధ్యత్వం, ఎక్టోపిక్ గర్భం, గర్భస్రావాలు, జన్యుపరమైన అసాధారణతలకు దారితీసే ప్రమాదం ఎక్కువగా ఉంటుంది. సంతానం పుట్టడం జీవసంబంధమైన సమస్య కానప్పటికీ, కుటుంబ బంధం, తరాల అంతరాలు వంటి సమస్యలు తలెత్తితే ఆలస్యంగా తల్లిదండ్రులు సర్దుబాటు చేసుకోవడం కష్టం..

జనన రేటు తగ్గుదల: వివాహం అంటే ఒక వ్యక్తి మరొక వ్యక్తితో జీవిత భాగస్వామిగా బంధాన్ని ఏర్పరచుకోవడం.. వివాహం ఇద్దరికీ ఓ తోడు.. అలాగే పిల్లలు.. కుటుంబం.. అయితే.. ఆలస్య వివాహం వివాహం ప్రాథమిక అంశాలను ప్రభావితం చేస్తుంది. వయస్సుతో పాటు మహిళల సంతానోత్పత్తి తగ్గుతుంది. నేడు, మహిళలు తమ భవిష్యత్తును దృష్టిలో ఉంచుకుని పనిచేస్తున్నారు. ఇది మంచిదే, కానీ గర్భం దాల్చలేకపోవడం వల్ల ఆలస్యమైన వివాహం చివరికి జనన రేటు తగ్గడానికి దారితీస్తుంది. అందుకే ప్రపంచవ్యాప్తంగా మహిళలు ప్రస్తుతం పాత తరాలతో పోలిస్తే తక్కువ పిల్లలను కలిగి ఉన్నారు.

గర్భధారణ – అసాధారణ పిల్లలతో సమస్యలు: మనం తీసుకునే ఆహారం సహజ, కృత్రిమ పదార్థాల మిశ్రమం.. అందువల్ల, ముప్పై సంవత్సరాల వయస్సు తర్వాత, అధిక రక్తపోటు, తక్కువ రక్తపోటు, కీళ్ల నొప్పులు వంటి సమస్యలు పెరుగుతాయి. ముప్పై ఏళ్లలో బిడ్డకు జన్మనిచ్చిన తల్లి తన గర్భధారణ సమయంలో గర్భస్రావం, గర్భధారణ మధుమేహం, అధిక రక్తపోటు, జనన లోపాలు, కష్టమైన ప్రసవం వంటి కొన్ని ప్రమాదాలను ఎదుర్కోవలసి ఉంటుంది.

గర్భం విజయవంతంగా జరిగి బిడ్డ జన్మించినట్లయితే, దానికి అసాధారణతలు ఉండే అవకాశం ఎక్కువగా ఉంటుంది. శిశువుకు అసాధారణ క్రోమోజోములు ఉండవచ్చు.. దీని ఫలితంగా డౌన్ సిండ్రోమ్.. న్యూరల్ ట్యూబ్ లోపాలు ఏర్పడవచ్చంటున్నారు ఆరోగ్య నిపుణులు..

అందుకే.. సరైన వయస్సులోనే పెళ్లి చేసుకోవాలని ఆరోగ్య నిపుణులు సూచిస్తున్నారు. ఈ విషయంలో అశ్రద్ద వద్దని.. కెరీర్ తోపాటు.. వివాహం కూడా ముఖ్యమని చెబుతున్నారు.

మరిన్ని హ్యుమన్‌ ఇంట్రెస్ట్‌ వార్తల కోసం ఇక్కడ క్లిక్ చేయండి..