Best Mileage Tips: మీ కారు, బైక్ మైలేజీ ఇవ్వడం లేదా.. ఇలా చేస్తే డబుల్ మైలేజీ ఇస్తాయి..

ఈ మధ్య చాలా మంది మైలేజ్ రావడం లేదని ఆందోళన చెందుతున్నారు. దీనికి ప్రధాన కారణం పెరిగిన పెట్రోల్, డీజిల్ ధరలతోపాటు వాహనాల సీసీ ఎక్కువగా ఉండటం. వాహనాల సీసీ పెరిగినప్పుడు మైలేజీ కూడా ఒక్కసారిగా తగ్గిపోతుంది. ఈ ప్రభావం మీ వాహన మైలేజీపై పడుతుంది. ఇలాంటి సమయంలో మీరు కొన్ని మైలేజీ చిట్కాలను అనుసరిస్తే.. మైలేజీ కొంతలో కొంత పెరుగుతుంది. ఈ చిట్కాలను ప్రయత్నించి మీ వాహనం నుండి మెరుగైన మైలేజీని పొందవచ్చు.

అయితే, మెరుగైన మైలేజీని పొందడానికి మీరు మీ డ్రైవింగ్‌లో కొన్ని మార్పులు చేయాల్సి ఉంటుంది. డ్రైవింగ్ చేస్తున్నప్పుడు అవసరమైనంత వరకు మాత్రమే థొరెటల్‌ని ఉపయోగించడానికి ప్రయత్నించండి. ఇలా ఉపయోగించడం వలన వాహనం మెరుగైన మైలేజీని ఇవ్వలేకపోతుంది.

ట్రాఫిక్‌ని అనుసరించండం..

డ్రైవింగ్ చేస్తున్నప్పుడు మీ ముందు ఉన్న రహదారిలో ట్రాఫిక్‌పై ఓ కన్ను వేసి ఉంచండి. తద్వారా మీరు పరిస్థితిని ముందుగానే అంచనా వేయవచ్చు. తద్వారా మీరు ట్రాఫిక్ లేని రోడ్లో ప్రయాణించండి. లేదా వాహనాన్ని సౌకర్యవంతంగా మార్చుకోండి. ఇలాంటి సమయంలో మీరు మళ్లీ మళ్లీ సడన్ బ్రేక్‌లు వేయకుండా ఉంటారు. దీని కారణంగా వాహనం మైలేజీలో తేడా ఉంటుంది.

సిగ్నల్స్ వద్ద..

ఇది చాలా ముఖ్యమైన విషయం. మీరు ప్రయాణిస్తున్నప్పుడు మైలేజీలో స్వల్ప పెరుగుదల ఉండేలా ప్రతి ఒక్కరూ దీనిని అనుసరించడం ఉత్తమం. ముఖ్యంగా నగరంలో పెద్ద సంఖ్యలో రెడ్‌లైట్లు పడుతుంటాయి. ఇలా రెడ్ లైట్ వద్ద ఆగిపోయినప్పుడు ఇంజిన్‌ను ఆఫ్ చేయండి.

జంక్ ఉంచవద్దు

చాలా మంది తమ వాహనాలను ఇళ్లలా మార్చుకుంటారు. అవసరమైన, అనవసరమైన వస్తువులు రెండూ కుప్పలుగా అందులో ఉంటాయి. దీని కారణంగా వాహనం బరువు పెరుగుతుంది. తక్కువ మైలేజీని పొందడం ప్రారంభమవుతుంది.

కారును జాగ్రత్తగా చూసుకోండి

వాహనం నుంచి మంచి మైలేజీని పొందాలంటే.. దాని గురించి తగిన జాగ్రత్తలు తీసుకోవడం అవసరం. అంటే,  సర్వీసింగ్ సమయానికి చేయించండి. తద్వారా ఇంజిన్ సరిగ్గా పని చేస్తుంది.

టైర్ ఒత్తిడిని క్రమం తప్పకుండా చెక్  చేయండి

వాహనం నుంచి మెరుగైన మైలేజీని పొందడంలో టైర్ ప్రెజర్ ముఖ్యమైన పాత్ర పోషిస్తుంది. టైర్ లో గాలి నిర్దేశించిన ప్రమాణాల ప్రకారం లేకుంటే ఇంజన్ పై ఒత్తిడి పడి మంచి మైలేజీ లభించదు.

కల్తీ పెట్రోల్, డీజిల్

పెట్రోలు డీజిల్‌లో కల్తీ జరుగుతోందని చాలాసార్లు.. చాలా చోట్ల వినిపిస్తోంది. అటువంటి ప్రదేశాల నుంచి ఇంధనాన్ని తీసుకోవడం మానుకోండి. ఇది మీ జేబుకు చిల్లు పెడుతుంది. వాహనం నుంచి మీకు మెరుగైన మైలేజీ కూడా లభించదు.

మరిన్ని బిజినెస్ న్యూస్ కోసం