Grasshopper Mouse: ఈ ఎలుక పాములు, తేళ్లను మాత్రమే వేటాడుతుంది.. విషం అస్సలు పని చేయదట..

మానవ ప్రపంచం, అడవి రెండింటిలోనూ, బలవంతులదే ఆధిపత్యం ఉంటుందని భావిస్తాం. కానీ కొన్నిసార్లు చిన్నగా కనిపించే వ్యక్తి చాలా బలంగా ఉంటారని ఎవరూ ఊహించలేరు. స్కార్పియన్ హాంస్టర్ అని కూడా పిలువబడే గ్రాస్ హాప్పర్ మౌస్ కూడా అలాంటిదే. దాని చిన్న శరీరం.. గుండ్రని ప్రకాశవంతమైన కళ్ళు, బూడిద రంగు వెంట్రుకలతో చూసేందుకు అందంగా కనిపిస్తుంది. కానీ, దానిలో చాలా ప్రమాదకరమైన ప్రెడేటర్ దాగి ఉంది.

ఇది ఇతర ఎలుకల మాదిరిగా, మొక్కల విత్తనాలు, కూరగాయలను తినదు. తాజా మాంసాన్ని తినడానికే ఇవి ఎక్కువగా ఇష్టపడతాయి. ఇందుకోసం అవి నిరంతరం వేటాడుతుంటాయి. అంతేకాదు.. తమ దారిలో వచ్చే తేళ్లు, పాములు, ఇతర జీవులను సైతం వేటాడేందుకు వెనుకాడవు. వాటి గుండ్రని నల్లటి కళ్ళు రాత్రి వేట కోసం మరింత షార్ప్‌గా పని చేస్తుంది.  పగటిపూట ఈ ఎలకలు తమ కలుగుల్లో విశ్రాంతి తీసుకుంటాయి. రాత్రయితే చాలు వేట మొదలు పెడతాయి. మరింత దిగ్భ్రాంతికరమైన విషయం ఏమిటంటే.. ఈ జాతికి చెందిన ఎలుకలు ఎప్పుడూ తమ స్వంత నివాసాలను ఏర్పాటు చేసుకోవు. అవి ఇతర జీవుల నుండి తమ ఇళ్లను ఆక్రమించుకుంటాయి.

కళ్ళు మూసుకుని ఎర కోసం వేట..

ఈ ఎలుకలు ఉత్తర అమెరికాలోని హాటెస్ట్ ఎడారి అయిన సోనోరాన్‌లో ఎక్కువగా ఉంటాయి. ఇవి భయంకరమైనవి. కుటుంబ ఆధారితంగా కూడా ఉంటాయి. చనిపోయే వరకు తమ తల్లులను, పిల్లలను విడిచిపెట్టవు. చిన్న జీవులకు ఎడారిలో ఆహారం దొరకడం అంత సులభం కాదు. కానీ ఈ ఎలుకలు తమ పదునైన కంటి చూపు, బుద్ధితో ఎడారిలో కూడా ఆకలితో ఉండకుండా ఉండటానికి ఒక మార్గాన్ని కనుగొన్నాయి.

వాసనతో వేటను పసిగడతాయి..

ఈ ఎలుకలు తమ ఆహారాన్ని కనుగొనడానికి.. వాసన, శరీర ప్రకంపనల ద్వారా కనుగొంటాయి. దీని కోసం.. అవి కళ్ళు మూసుకుని.. వేట జీవి శరీరం నుంచి వచ్చే ప్రకంపనలపై పూర్తిగా దృష్టి పెడతాయి. ఈ కారణంగా, అవి రాత్రిపూట కూడా చాలా సులభంగా తమ ఎరను చేరుకుంటాయి. వాటి చిన్న పరిమాణం కారణంగా ఎర కూడా వాటిని గమనించదు.

ఇక ఈ ఎలుకల కడుపు ఎలాంటి ఆహారాన్ని అయినా జీర్ణం చేయగలదు. తమ ఆహారం, నీటి అవసరాలను కూడా తీర్చుకుంటారు. ప్రతిరోజూ తమ బరువుకు సమానమైన ఆహారాన్ని తింటాయి. మిడతలు వాటి ఆహారంలో ప్రధాన భాగం అయినప్పటికీ.. వాటితో ఆ ఎలుకల కడుపు నింపదు. అందుకే అవి తేళ్లు, పాములను కూడా వేటాడుతాయి.

విషం ప్రభావం ఉండదు..

ఎలాంటి విషమైన ఈ ఎలుకలపై ప్రభావం చూపదు. తమ పదునైన పళ్ళతో పాము సన్నని చర్మాన్ని చీల్చివేస్తాయి. స్కార్పియన్‌లలో అత్యంత ప్రమాదకరమైన, విషపూరితమైన జాతులుగా పరిగణించబడే ట్రీ స్కార్పియన్‌ను కూడా, ఈ ఎలుకలు సులభంగా చంపి, ఆహారంగా తినేస్తుంది.

ఈ ఎలుకలపై విషం ఎందుకు ప్రభావం చూపదు?

ఈ ఎలుకలు విషం వల్ల ఎందుకు ప్రభావితం కావు  అనే ప్రశ్నకు ఆశ్చర్యకరమైన సమాధానం ఉంది. ఆ ఎలుక జన్యుపరమైన నిర్మాణమే దానికి ఈ శక్తిని  ఇచ్చింది. ఈ ఎలుకలు క్రమంగా తమ శరీరాల్లో న్యూరాన్‌ను అభివృద్ధి చేస్తాయి. సెన్సార్ న్యూరాన్‌ల కారణంగా..  వాటికి నొప్పి అనిపించదు. వాటి శరీరంలో విషం ప్రభావం ఉండదు. అయితే, అవి తమ ప్రాంతం విషయంలో చాలా సున్నితంగా ఉంటాయి. తమ ప్రాంతంలోకి మరొక ఎలుక వస్తే.. దానిని చంపిన తర్వాత మాత్రమే అవి చనిపోతాయి.

తమ ప్రాంతంలో ఉండేందుకు ఇష్టపడతాయి..

తమ భూభాగాన్ని గుర్తించడానికి, అవి రాత్రిపూట తమ ముందు కాళ్ళను పైకి లేపి చూస్రుతాయి. తోడేలు లాగా కేకలు వేస్తాయి. మాంసాహారులు అయినప్పటికీ.. వాటికి ఆహారం దొరకకపోతే చెట్లను, మొక్కలను తిని కడుపు నింపుకుంటాయి. కానీ ఈ సమయంలో కూడా వాటి ఆహారంలో 90 శాతం కీటకాలు ఉంటాయి. గ్రాస్ హాప్పర్ మౌస్ చాలా నిర్భయమైనది, అది తన కంటే 3 రెట్లు పెద్ద జీవిపై కూడా దాడి చేయడానికి వెనుకాడదు.

మరిన్ని హ్యూమన్ఇంట్రస్ట్ వార్తల కోసం ఈ లింక్ క్లిక్ చేయండి..