Thyroid Disease: మహిళలకు థైరాయిడ్‌ సమస్య ఉంటే పిల్లలు పుట్టరా..? ఎలాంటి జాగ్రత్తలు తీసుకోవాలి..!

Thyroid Problem: ఇప్పుడున్న కాలంలో ఎంతో మందికి రకరకాల వ్యాధులు దరి చేరుతున్నాయి. అందుకు కారణం జీవనశైలి. కొన్ని జాగ్రత్తలు పాటించినట్లయితే మన ఆరోగ్యాన్ని అదుపులోనే పెట్టుకోవచ్చంటున్నారు వైద్య నిపుణులు. ఈ స్త్రీల విషయంలో అయితే ఆరోగ్యం విషయంలో చాలా జాగ్రత్తలు తీసుకోవాలి. వివాహమైన తర్వాత పిల్లలు పుట్టకుంటే అందుకు కారణాలు కూడా ఉంటాయి. ఇక చాలా మంది స్త్రీలలో థైరాయిడ్‌ ఉంటుంది. థైరాయిడ్‌ అనేది శరీరంలో జీవక్రియను నియంత్రిస్తుంది. మిగతా గ్రంథులు సక్రమంగా పనిచేయడానికి థైరాయిడ్‌ అనే ఎండోక్రైన్‌ చాలా అవసరం. థైరాయిడ్‌ హార్మోన్లలో సమతుల్యత లోపించినట్లయితే, అది ఈస్ట్రోజెన్‌, ప్రొజెస్టరాన్‌ హార్మోన్ల పనితీరునుకు ఆటంకం ఏర్పడుతుంది. దీని ద్వారా స్త్రీలలో అండం విడుదల జరగకపోవడంతో సంతానలేమి సమస్య తలెత్తే అవకాశం ఉందని చెబుతున్నారు వైద్య నిపుణులు. అయితే థైరాయిడ్‌ సమస్య ఉన్నంత మాత్రాన వందశాతం సంతానలేమి అంటూ ఉండదు. వైద్యుల పర్యవేక్షణలో మందులు వాడుతూ, జీవన శైలిలో మార్పులు చేసుకుంటే తప్పకుండా గర్భం ధరించవచ్చు.

థైరాయిడ్‌ ఫంక్షనింగ్‌ టెస్ట్‌.. థైరాయిడ్‌తో బాధపడుతున్న మహిళలు గర్భం దాల్చినట్లు నిర్ధారణ అయిన వెంటనే థైరాయిడ్‌ ఫంక్షనింగ్‌ టెస్ట్‌ (టీఎఫ్‌టీ) చేయించుకోవడం తప్పనిసరి. అప్పుడు గర్భిణీకి ఎలాంటి చికిత్స అందించాలన్నది వైద్యులు నిర్ధారిస్తారు. అలా థైరాయిడ్‌ను అదుపులో పెట్టుకోకపోతే పుట్టబోయే బిడ్డకు అవయవాలు లోపించే ప్రమాదం ఉందంటున్నారు. అంతేకాకుండా కడుపులో పిండం ఎదగకపోవడంతో గర్భంలో బిడ్డ చనిపోయే ప్రమాదం కూడా ఉందంటున్నారు. అందుకే థైరాయిడ్‌ ఉన్న మహిళలు గర్భం దాల్చినట్లయితే వైద్యుల సలహాల మేరకు జాగ్రత్తలు తీసుకోవాలని సూచిస్తున్నారు. వారు సూచించిన జాగ్రత్తలు పాటిస్తే పుట్టబోయే బిడ్డ ఆరోగ్యంగా పుడతారని చెబుతున్నారు. ఇలా థైరాయిడ్‌ ఉన్న మహిళలు ముందుగానే వైద్యులను సంప్రదించి తగిన మందులు వాడితే ఎలాంటి సమస్య ఉండదని సూచిస్తున్నారు.

ఇవి కూడా చదవండి:

Pneumonia: చలి పెరుగుతోంది.. ఊపిరితిత్తుల వ్యాధి న్యుమోనియాతో జాగ్రత్తగా ఉండాలి.. దీని గురించి పూర్తిగా తెలుసుకోండి!

Ghee and Oil: బరువు పెరుగుతున్నామని నెయ్యి.. నూనెలను దూరం పెట్టేస్తున్నారా? అయితే, మీకు అనారోగ్యం ఖాయం ఎలా అంటే..