Pumpkin Juice: రెగ్యులర్ జ్యూస్లతో బోర్ కొడుతోందా.? గుమ్మడికాయ జ్యూస్ తాగండి, లాభాలు తెలిస్తే..
గుమ్మడికాయ అనగానే చాలా మంది దాన్ని ఎలా తింటారని అనుకుంటారు. కానీ గుమ్మడికాయతో కలిగే లాభాలు తెలిస్తే మాత్రం అస్సలు వదిలి పెట్టరు. ఎన్నో పోషకాలకు గుమ్మడికాయ కేరాఫ్ అని ఆరోగ్య నిపుణులు చెబుతుంటారు. గుమ్మడికాయలో ఉండే పొటాషియం...
Updated on: Dec 19, 2022 | 6:10 AM
గుమ్మడికాయ అనగానే చాలా మంది దాన్ని ఎలా తింటారని అనుకుంటారు. కానీ గుమ్మడికాయతో కలిగే లాభాలు తెలిస్తే మాత్రం అస్సలు వదిలి పెట్టరు. ఎన్నో పోషకాలకు గుమ్మడికాయ కేరాఫ్ అని ఆరోగ్య నిపుణులు చెబుతుంటారు. గుమ్మడికాయలో ఉండే పొటాషియం, కాల్షియం, ఫైబర్ శరీరానికి ఎంతో మేలు చేస్తుంది. అనేక వ్యాధుల నుంచి శరీరాన్ని రక్షిస్తాయి. అయితే చాలా మంది గుమ్మడికాయ కూర అంటే ఇష్టపడరు. అయితే జ్యూస్లా చేసుకొని తాగితే మాత్రం రుచి బాగుంటుంది. అంతేకాకుండా గుమ్మడికాయను వంట చేయడం వల్ల అందులో ఉండే పోషకాలు కోల్పోయే అవకాశం ఉంటుంది. అలా కాకుండా జ్యూస్ రూపంలో తీసుకుంటే ఎన్నో ప్రయోజనాలు కలుగుతాయి. ఇంతకీ గుమ్మడి కాయ జ్యూస్తో కలిగే ఆ ప్రయోజనాలు ఏంటో ఓ లుక్కేయండి..
* గుమ్మడికాయలో ఫైబర్ పుష్కలంగా ఉంటుంది. ఇది కడుపు సంబంధిత సమస్యలను తొలగించడంలో కీలక పాత్ర పోషిస్తుంది. జీర్ణ సంబంధిత వ్యాధితో బాధపడుతుంటే గుమ్మడి కాయ జ్యూస్ను తీసుకోండి. ఇలా చేయడం వల్ల అజీర్ణం వంటి సమస్యను బయటపడొచ్చు. జీర్ణ వ్యవస్థను బలోపేతం చేసుకోవచ్చు.
* బరువు తగ్గాలనుకునే వారికి గుమ్మడి కాయ జ్యూస్ ఎంతగానో ఉపయోగపడుతుంది. శరీర బరువును అదుపులో ఉంచే పోషకాలు ఎన్నో గుమ్మడి కాయలో ఉన్నాయి.
* గుమ్మడికాయ జ్యూస్ తాగడం వల్ల డయాబెటిస్ రిస్క్ తగ్గుతుంది. మీరు డయాబెటిస్ సమస్యతో పోరాడుతున్నట్లయితే వెంటనే గుమ్మడి కాయ జ్యూస్ను తాగడం అలవాటు చేసుకోవాలి. గుమ్మడికాయ జ్యూస్ తాగడం వల్ల రక్తంలో చక్కెర స్థాయి అదుపులో ఉంటుంది.
* గుమ్మడి కాయ జ్యూస్తో చర్మ సంబంధిత వ్యాధులకు చెక్ పెట్టొచ్చు. ఇందులో ఉండే విటమిన్ ఎ, ఇ చర్మ వ్యాధుల నుంచి రక్షిస్తాయి. ఇందులో ఉండే ఫ్రీ రాడికల్స్ శరీరంలోని ఇన్ఫ్లమేషన్ను తగ్గించడంలో పనిచేస్తాయి.
మరిన్ని హెల్త్ ఆర్టికల్స్ కోసం క్లిక్ చేయండి..
