Skin Becomes Old Age: మీ ముఖంలో వృద్ధాప్యఛాయలు కనిపిస్తున్నాయా? సమస్యను దూరం చేయండిలా..!
చాలా చిన్న వయస్సులోనే ముసలివారిలా కనిపిస్తున్నారు. చర్మం విషయంలో వృద్ధాప్యం అనేది సహజమైన ప్రక్రియ. అలాగే సమయం గడిచేకొద్దీ, మన శరీరాలు నెమ్మదిగా, సూక్ష్మ సంకేతాలకు గురవుతాయి.
Srinu | Edited By: Anil kumar poka
Updated on: Jan 30, 2023 | 9:25 PM
మన మీద మంచి అభిప్రాయం ఏర్పడడానికి మన నడవడికతో పాటు మన ముఖం కూడా ముఖ్య పాత్ర పోషిస్తుంది. అయితే ప్రస్తుతం మారుతున్న జీవనశైలి కారణంగా చిన్న వయస్సుల్లో ముఖంపై వృద్ధాప్యఛాయలు కనిపిస్తున్నాయి. చాలా చిన్న వయస్సులోనే ముసలివారిలా కనిపిస్తున్నారు. చర్మం విషయంలో వృద్ధాప్యం అనేది సహజమైన ప్రక్రియ. అలాగే సమయం గడిచేకొద్దీ, మన శరీరాలు నెమ్మదిగా, సూక్ష్మ సంకేతాలకు గురవుతాయి. కాలుష్యం, హానికరమైన యూవీ కిరణాల కారణంగా, మన చర్మాలు చాలా వరకు ఇతరులకన్నా ముందే వృద్ధాప్యం వచ్చే అవకాశం ఉంది. ప్రకాశవంతంగా, మెరుస్తూ కనిపించే యవ్వన చర్మం కావాలని ప్రతి ఒక్కరూ కోరుకుంటారు. కానీ పోషకాహార లోపాలు, ఆహారపు అలవాట్లు చర్మాన్ని ప్రభావితం చేస్తాయని మీకు తెలుసా? నిజమే అలవాట్ల కారణంగా మన చర్మ సౌందర్యం ప్రభావితమవుతుంది. కాబట్టి చర్మాన్ని వృద్ధాప్యఛాయల నుంచి రక్షించుకోడానికి నిపుణులు కొన్ని సూచనలు చేస్తున్నారు. అవేంటో ఓ సారి తెలుసుకుందాం.
ఆరోగ్యకరమైన ఆహారం
చర్మ ఆరోగ్యం అనేది పోషకాహారంతో దగ్గర సంబంధం ఉంటుంది. యువతలో వృద్ధాప్య చాయలు లేని చర్మం కోసం అలాగే ఇతర జీవ ప్రక్రియల కోసం పోషకాహారం అవసరం. పోషకాహార లోపాలు, ఆహారపు అలవాట్లు చర్మానికి నష్టం చేసే అవకాశం ఉంది. కాబట్టి సరైన పోషకాహారం తినాలని నిపుణులు సూచిస్తున్నారు.
ఎక్కువగా నీరు తాగడం
శరీరంలో నీటి లోపం కణజాల నిర్జలీకరణం చెందుతాయి. ఇది క్రియాత్మక సమస్యలకు దారితీస్తుంది. శరీరంలోని తేమ స్థితి పెదవులు, అవయవాలపై చర్మం రూపాన్ని ప్రతిబింబిస్తుంది. ప్రతిరోజూ కనీసం రెండు లీటర్ల కంటే ఎక్కువ నీరు తాగాలని నిపుణులు సూచిస్తున్నారు.
విటమిన్-సి
శరీరంలో విటమిన్ సి లేకపోవడం వల్ల కూడా చాలా చర్మ సమస్యలు వస్తాయి. అవి నారింజ, నిమ్మ, స్ట్రాబెర్రీ, జామపండ్లలో పుష్కలంగా లభిస్తాయి. ఉసిరి, సిట్రాన్ ఫ్రూట్ లో విటమిన్ సి ఉంటుంది. వీటిన తరచూ ఆహారంలో చేర్చడం ద్వారా చర్మాన్ని మెరుగుపరచడమే కాకుండా చర్మాన్ని మెరుగుపరుస్తుంది.
ప్రోటీన్లు
శరీరంలోని కణజాలు కణాలను నిరంతరం పునరుద్ధరించేలా సాయం చేస్తాయి. అలాగే తగినంత ప్రోటీన్ తీసుకోవడం మాత్రమే సాధారణ కణజాల పునరుద్ధరణను కొనసాగిస్తుంది. ఆరోగ్యకరమైన చర్మం కోసం మీరు పెరుగు (దాహీ), కాయధాన్యాలు, ఓట్స్ వంటి ప్రోటీన్-రిచ్ ఫుడ్స్ తీసుకోవాలని నిపుణులు సూచిస్తున్నారు.
చర్మ సౌందర్య ప్రొడెక్ట్స్
యాంటీ ఆక్సిడెంట్లు, సహజ క్రియాశీలత కలిగిన స్కిన్ ఉత్పత్తులు చర్మానికి అవసరమైన పోషణ అందిస్తుంది. అలాగే ఇతర చర్మ సమస్యలను నివారిస్తుంది. మంచి ఫేస్ ఆయిల్ కళ్ల కింద ముడతలు, నల్లటి వలయాల వంటి వృద్ధాప్య సంకేతాలను తగ్గిస్తుంది.
మరిన్ని హెల్త్ ఆర్టికల్స్ కోసం క్లిక్ చేయండి..
