Workouts: ప్రతిరోజూ వ్యాయామం చేస్తే డబ్బు ఆదా చేసినట్టే అంటున్నారు పరిశోధకులు..అలా ఎలా?
Workouts: వ్యాయామం చేయడం మంచి అలవాటు ఇది అందరికీ తెలిసిందే. అందరూ చెప్పేదే. వ్యాయామం చేస్తే ప్రయోజనం ఏమిటి? అంటే, ఆరోగ్యంగా ఉంటాం అని చెబుతారు అందరూ.
Workouts: వ్యాయామం చేయడం మంచి అలవాటు ఇది అందరికీ తెలిసిందే. అందరూ చెప్పేదే. వ్యాయామం చేస్తే ప్రయోజనం ఏమిటి? అంటే, ఆరోగ్యంగా ఉంటాం అని చెబుతారు అందరూ. కానీ, మీరు కనుక సరైన వ్యాయామం రెగ్యులర్ గా చేస్తే మీరు చాలా డబ్బు ఆదా చేయగలుగుతారని నిపుణులు చెబుతున్నారు. వ్యాయామానికి, డబ్బుకీ లింకేమిటని అనుకుంటున్నారా? అదే తెలుసుకుందాం ఇప్పుడు. వ్యాయామం, మెడికేర్‌పై జరిపిన కొత్త అధ్యయనం ప్రకారం, మీరు మధ్య వయస్సులో లేదా అంతకు ముందే వ్యాయామం చేయడం ప్రారంభిస్తే, మీరు పదవీ విరమణ తర్వాత ఆరోగ్య సంరక్షణపై ఏటా మిలియన్ల రూపాయలు ఆదా చేయవచ్చు. మీరు ఎంత త్వరగా వ్యాయామం ప్రారంభిస్తే అంత ఎక్కువ మీరు ఆదా చేయగలుగుతారు. శారీరకంగా చురుకైన వ్యక్తులు ఎక్కువ కాలం జీవించడమే కాకుండా, టైప్ 2 డయాబెటిస్, డిప్రెషన్, క్యాన్సర్, ఆర్థరైటిస్, ఊబకాయం, చిత్తవైకల్యం వంటి తీవ్రమైన వ్యాధుల ప్రమాదం కూడా ఉందని అధ్యయనాలు చెబుతున్నాయి.
నేషనల్ క్యాన్సర్ ఇన్స్టిట్యూట్, సెంటర్స్ ఫర్ డిసీజ్ కంట్రోల్ అండ్ ప్రివెన్షన్, ఇతర సంస్థల పరిశోధకులు వయసు పెరిగే కొద్దీ ప్రజల కార్యకలాపాలు, వారి ఆరోగ్య సంరక్షణ ఖర్చుల మధ్య సంబంధాన్ని అన్వేషించాలని నిర్ణయించుకున్నారు. ఈ అధ్యయనం ఫిబ్రవరిలో బీఎంజే ఓపెన్ స్పోర్ట్, వ్యాయామ వైద్యంలో ప్రచురించారు. ఈ అధ్యయనం సుమారు 5 లక్షల మంది అమెరికన్ ప్రజలపై జరిపారు. ఈ అధ్యయనంలో వాలంటీర్ల జీవితానికి సంబంధించిన అనేక ముఖ్యమైన ప్రశ్నలు ఉన్నాయి, వారానికి వారు ఎన్ని గంటలు వ్యాయామం చేస్తారు లేదా ఆడతారు. ఆరోగ్య సంరక్షణ ఖర్చులను తెలుసుకోవడానికి చాలా మంది వాలంటీర్లు పరిశోధకులకు మెడికేర్ ప్రోగ్రామ్ లేదా ఇన్సూరెన్స్ ప్రోగ్రామ్ సంబంధించిన వివరాలన్నీ ఇచ్చారు. నేషనల్ క్యాన్సర్ ఇన్స్టిట్యూట్ శాస్త్రవేత్తలు 21,750 వాలంటీర్లను రెండు గ్రూపులుగా విభజించారు. ఒక గ్రూపు వారు వ్యాయామాలు చేశారు. వారి జీవనశైలిలో మార్పులు చేసుకున్నారు. రెండో గ్రూపు వాళ్ళు ఎప్పటిలానే తమ జీవనశైలిని కొనసాగించారు. దాదాపు ఒక సంవత్సరం ఈ వాలంటీర్ల డేటా, మెడికేర్ రిపోర్టులను పరిశీలించారు పరిశోధకులు. వీటి ఫలితాలు వారినే చాలా ఆశ్చర్యపరిచాయి.
20 ఏళ్ళ వయసులో మితమైన వ్యాయామం చేసిన వారు సంవత్సరానికి రూ .1 లక్షకు పైగా ఆదా చేశారు. వీరు 20 సంవత్సరాల వయస్సులో మితమైన వ్యాయామం, నడక లేదా వారానికి కొన్ని గంటల శారీరక శ్రమ ప్రారంభించిన పురుషులు, మహిళలు. అంతకుముందు వీరెటువంటి శారీరక శ్రమ చేయలేదు. వీరు 65 వయస్సు తర్వాత శారీరకంగా చురుకుగా లేని వ్యక్తులతో పోల్చితే లక్ష రూపాయలకు పైగా ఆదా చేశారు.
రెగ్యులర్ వ్యాయామం చేసేవారు ప్రతి సంవత్సరం 1.5 లక్షల రూపాయల వరకు ఆదా చేస్తారు. 20 ఏళ్ళ వయసులో కొన్ని జీవనశైలిలో మార్పులు చేసి వ్యాయామం చేస్తూనే ఉన్న మరో బృందం 65 సంవత్సరాల వయస్సు తర్వాత 1.5 లక్షల రూపాయల వరకు ఆదా చేయగలరని పరిశోధనల్లో వెల్లడి అయింది. 45 నుండి 50 సంవత్సరాల మధ్య వ్యాయామం ప్రారంభించిన వారు ఏటా 60 వేలు ఆదా చేశారు .45 నుంచి 50 సంవత్సరాల మధ్య వ్యాయామం ప్రారంభించిన వారు 65 సంవత్సరాల తర్వాత 60 వేల రూపాయలకు పైగా ఆదా చేయగలరని తేలింది.
40 ఏళ్ళ వయసులో వ్యాయామం ప్రారంభించిన వారు ప్రతి సంవత్సరం 65 వేల రూపాయలు ఆదా చేస్తారు. ఏదేమైనా, మధ్య వయస్సులో కూడా వ్యాయామం ప్రారంభించే ప్రభావం, అంటే 40, ఆరోగ్య సంరక్షణ ఖర్చులపై కూడా చూపవచ్చని పరిశోధకులు చెబుతున్నారు. ‘ఇది ప్రారంభించడానికి ఎప్పుడూ ఆలస్యం కాదు’ అని ఇంగ్లాండ్‌లోని న్యూకాజిల్ విశ్వవిద్యాలయంలో పరిశోధనా సహచరుడు డియార్ముయిడ్ కోగ్లాన్ చెప్పారు. అధ్యయన ఫలితాలు ‘ప్రారంభించడానికి ఇది ఎప్పుడూ ఆలస్యం కాదు’ అని చూపిస్తుందని, మీరు చిన్నవయసులో ప్రారంభించాకపోయినా ఎప్పుడు ప్రారంభించినా ఫలితాలు ఉంటాయని ఆయన చెబుతున్నారు. రోజూ చురుగ్గా మాత్రమే నడిచేవారి ఆరోగ్యంలో కూడా ప్రయోజనాలు కనిపిస్తాయని డిరాముయిడ్ కోగ్లాన్ చెప్పారు. ”వారానికి 4-5 రోజులు 30 నిమిషాల చురుకైన నడక చేసిన వారిలో డయాబెటిస్ ప్రమాదం 12% తగ్గింది. చురుకైన నడక ఒక సాధారణ వ్యాయామం. ఈ నడకలో మీరు వేగంగా నడవాలి. పరుగు మరియు నడక మధ్య దశను చురుకైన నడక అంటారు.” అని ఆయన వివరించారు.
