Immunity Boost Food: మలేరియాతో బాధపడేవారు త్వరగా కోలుకోవాలంటే.. ఈ ఆహారాలు తప్పక తీసుకోవాలి!
వేసవి కాలం వచ్చిందంటే మలేరియా జ్వరాలు కూడా పెరుగుతాయి. నిజానికి, మలేరియా వ్యాధి భారత్‌తో సహా ప్రపంచంలోని ఇతర అనేక దేశాలలో ఆందోళన కలిగిస్తుంది. మలేరియా ఇన్ఫెక్షన్ కూడా వేగంగా వ్యాపించే వ్యాధులలో ఒకటి. నిపుణుల అభిప్రాయం ప్రకారం.. ఈ వ్యాధి పట్ల అజాగ్రత్త ప్రాణాంతకం. ఈ ఇన్ఫెక్షన్ గురించి అవగాహన కల్పించేందుకు ప్రతి యేట ఏప్రిల్ 25న ప్రపంచ మలేరియా దినోత్సవాన్ని జరుపుకుంటారు. ప్రపంచ మలేరియా దినోత్సవాన్ని తొలిసారిగా 2008లో నిర్వహించారు. WHO నివేదిక ప్రకారం..
Updated on: Apr 25, 2024 | 12:43 PM
వేసవి కాలం వచ్చిందంటే మలేరియా జ్వరాలు కూడా పెరుగుతాయి. నిజానికి, మలేరియా వ్యాధి భారత్‌తో సహా ప్రపంచంలోని ఇతర అనేక దేశాలలో ఆందోళన కలిగిస్తుంది. మలేరియా ఇన్ఫెక్షన్ కూడా వేగంగా వ్యాపించే వ్యాధులలో ఒకటి. నిపుణుల అభిప్రాయం ప్రకారం.. ఈ వ్యాధి పట్ల అజాగ్రత్త ప్రాణాంతకం. ఈ ఇన్ఫెక్షన్ గురించి అవగాహన కల్పించేందుకు ప్రతి యేట ఏప్రిల్ 25న ప్రపంచ మలేరియా దినోత్సవాన్ని జరుపుకుంటారు. ప్రపంచ మలేరియా దినోత్సవాన్ని తొలిసారిగా 2008లో నిర్వహించారు. WHO నివేదిక ప్రకారం.. 2021 సంవత్సరంలో సుమారు 24.7 కోట్ల మలేరియా కేసులు నమోదయ్యాయి. దాదాపు 6 లక్షలకు పైగా మరణాలు సంభవించాయని అంచనా. ఆర్టెమిస్ హాస్పిటల్ గురుగ్రామ్‌లోని సీనియర్ కన్సల్టెంట్ ఇంటర్నల్ మెడిసిన్ డాక్టర్ పి.వెంకట్ కృష్ణన్ మాట్లాడుతూ.. మలేరియా నివారణతో పాటు, దాని నుంచి కోలుకోవడానికి తీసుకునే ఆహారం కూడా చాలా ముఖ్యమైనది.
మలేరియా వచ్చినప్పుడు శరీరం చాలా బలహీనంగా మారుతుంది. మలేరియా నుంచి మాత్రమే కాకుండా ఏ వ్యాధి నుంచి అయినా కోలుకోవడంలో సమతుల్య ఆహారం ముఖ్యమైన పాత్ర పోషిస్తుందని డాక్టర్ కృష్ణన్ చెబుతున్నారు. పౌష్టికాహారం శక్తిని అందించడమే కాకుండా రికవరీ ప్రక్రియను వేగవంతం చేస్తుంది. మలేరియా విషయంలో కూడా అదే జరుగుతుంది. మలేరియా వ్యాధి సోకినప్పుడు ఎలాంటి సమతుల్య ఆహారాలు తీసుకోవాలో ఇక్కడ తెలుసుకుందాం..
తక్షణ శక్తి అవసరం
జ్వరం సమయంలో జీవక్రియ వేగవంతం చేయడానికి కేలరీల అవసరం ఎంతో ఉంది. అటువంటి పరిస్థితిలో గ్లూకోజ్, చెరకు రసం, పండ్ల రసం వంటి మొదలైన పానియాలు తీసుకుంటే తక్షణ శక్తి అందుతుంది.
ప్రోటీన్ తీసుకోవడం పెంచాలి
మలేరియా వల్ల కణజాలం దెబ్బతింటుంది. అందువాల్ల వారు కోలుకోవడానికి ప్రోటీన్ అవసరం చాలా ఉంటుంది. ఇటువంటి పరిస్థితిలో పాలు, పెరుగు, లస్సీ, పప్పు, సూప్ తీసుకోవడం ప్రయోజనకరం. అలాగే చేపలు, చికెన్ సూప్, గుడ్లు కూడా తీసుకోవాలి.
ఎలక్ట్రోలైట్స్ కూడా చాలా అవసరం
మలేరియా కారణంగా శరీరంలో నీరు, ఎలక్ట్రోలైట్స్ లోపం తలెత్తడం సహజం. ఈ లోపాన్ని భర్తీ చేయడానికి కొబ్బరి నీరు, సూప్ వంటివి తీసుకోవాలి. అవసరమైతే వైద్యుల సలహా మేరకు ఓఆర్ ఎస్ కూడా తీసుకోవచ్చు.
విటమిన్లు అధికంగా ఉండే ఆహారం తీసుకోవాలి
శరీర పునరుద్ధరణలో విటమిన్లు చాలా ముఖ్యమైన పాత్ర పోషిస్తాయి. విటమిన్ ఎ, సి శరీరం త్వరగా కోలుకోవడానికి ఉపయోగపడతాయి. అందువల్ల క్యారెట్, బీట్‌రూట్, బొప్పాయి, సిట్రస్ పండ్లు (నారింజ, తీపి సున్నం, ద్రాక్ష, బ్లాక్‌బెర్రీస్, ఉసిరి, నిమ్మ మొదలైనవి) అధికంగా తీసుకోవాలి. విటమిన్ బి కాంప్లెక్స్ కూడా రోగనిరోధక శక్తిని పెంచుతుంది.
మరిన్ని ఆరోగ్య సంబందిత కథనాల కోసం క్లిక్‌ చేయండి.
