Foods For Teeth: మీ పళ్లు ముత్యాల్లా మెరవాలంటే.. ఈ టిప్స్ని ఫాలో అవ్వాల్సిందే!
దంతాల పసుపు అనేది చాలా మందిని ఇబ్బంది పెట్టే సాధారణమైన సమస్య. ఈ సమస్య తీవ్రమైనది కానప్పటికీ.. దంతాలు పసుపు రంగులోకి మారడం వల్ల అనేక ఆరోగ్య సమస్యలను కలిగిస్తుంది. మీరు ఏది తిన్నా.. తాగినా.. అది ఖచ్చితంగా దంతాలకు అంటుకునే ఉంటాయి. ఆ ఆహారాలు అలా ఉండటం వల్ల పసుపు రంగుకు కారణం అవుతాయి. దంతాల మీద పేరుకు పోయిన ఈ పసుపు మురికిని ప్లేక్ అని అంటారు. చాలా కాలం పాటు దంతాల మీద ఫలకం పేరుకు పోవడం వల్ల..
Updated on: Jan 17, 2024 | 8:00 AM
దంతాల పసుపు అనేది చాలా మందిని ఇబ్బంది పెట్టే సాధారణమైన సమస్య. ఈ సమస్య తీవ్రమైనది కానప్పటికీ.. దంతాలు పసుపు రంగులోకి మారడం వల్ల అనేక ఆరోగ్య సమస్యలను కలిగిస్తుంది. మీరు ఏది తిన్నా.. తాగినా.. అది ఖచ్చితంగా దంతాలకు అంటుకునే ఉంటాయి. ఆ ఆహారాలు అలా ఉండటం వల్ల పసుపు రంగుకు కారణం అవుతాయి. దంతాల మీద పేరుకు పోయిన ఈ పసుపు మురికిని ప్లేక్ అని అంటారు. చాలా కాలం పాటు దంతాల మీద ఫలకం పేరుకు పోవడం వల్ల.. అది టార్టార్ రూపాన్ని తీసుకుంటుంది.
దంతాలకు పసుపు ఉండటం వల్ల నోటి దుర్వాసన, దంత క్షయం, పైయోరియా, నోటి నుండి రక్తం కారడం, దంతాలు బలహీన పడటం మొదలైన సమస్యలకు మూల కారణం అవుతుంది. దంతాలు తెల్లగా మార్చడానికి ఎలాంటి టిప్స్ ఫాలో అయితే మంచిదో ఇప్పుడు చూద్దాం.
చూయింగ్ గమ్ నమలడం:
చూయింగ్ గమ్ నమలడం వల్ల మీ దంతాలు తెల్లగా మార్చడానికి సహాయ పడుతుంది. పొగాకు, టీ, కాఫీ వంటివి పదార్థాలు తాగిన తర్వాత మీ దంతాలపై పసుపు ఫలకం అనేది ఏర్పడకుండా ఉండాలంటే.. చూయింగ్ గమ్ నమలాలి.
పాలు, పెరుగు ఉత్పత్తులు:
పాలు లేదా పెరుగు వంటి పాల ఉత్పత్తుల్లో కాల్షియం, ఫాస్పేట్లను కలిగి ఉంటాయి. ఇవి పంటి ఎనామెల్ను రక్షిస్తాయి. అంతే కాకుండా చీజ్ లాలాజల ఉత్పత్తని కూడా పెంచుతుంది. పాల ఉత్పత్తులు తీసుకోవడం వల్ల మీ దంతాలను చిగుళ్ల వ్యాధి మరియు కావిటీస్ నుండి రక్షిస్తుంది.
ఫైబర్ ఆహారాలు:
యాపిల్స్, సెలెరీ, బ్రెకటీ వంటి ఎక్కువగా ఉన్న ఫైబర్ ఆహారాలు తీసుకోవడం వల్ల పళ్లపై ఉండే పసుపు ఫలకం అనేది తొలగించబడుతుంది. అంతే కాకుండా లాలాజల ప్రవాహాన్ని కూడా పెంచుతుంది. స్ట్రాబెర్రీలో మాలిక్ యాసిడ్ అనే పదార్థం ఉంటుంది. ఇది మీ దంతాలపై మరకలను నివారించడంలో సహాయ పడుతుంది.
బేకింగ్ సోడా:
మీ దంతాల మీద ఉండే మరకలు, మచ్చలను తొలగించుకోవడంలో బేకింగ్ సోడా కూడా సహాయ పడుతుంది. బేకింగ్ సోడాను టూత్ పేస్ట్లతో కానీ లేదా నేరుగా బేకింగ్ సోడాతో అయినా నోటిని శుభ్రం చేసుకోవచ్చు. టూత్ పేస్ట్కు కొద్దిగా అప్లై చేసి సున్నితంగా బ్రష్ చేసుకుంటే సరిపోతుంది. ఇలా వారినికి రెండు సార్లు చేస్తే సరి పోతుంది.
మరిన్ని హెల్త్ వార్తల కోసం ఇక్కడ క్లిక్ చేయండి
గమనిక: ఇది నిపుణులు, అధ్యయనాల నుంచి సేకరించిన సమాచారం. అవగాహన కోసం మాత్రమే ఈ కథనం. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడం మేలు.
