Mental Health: మీ వ్యవహార శైలిలో ఈ మార్పులు కనిపిస్తుంటే మీ మానసిక ఆరోగ్యం పాడైనట్టే..వెంటనే నిపుణులను సంప్రదించాల్సిందే!

Mental Health: ఆస్ట్రేలియా టెస్టు జట్టు మాజీ కెప్టెన్ టిమ్ పైన్ మానసిక ఆరోగ్యం కారణంగా క్రికెట్ నుంచి నిరవధిక విరామం తీసుకున్నాడు. ఇంతకు ముందు కూడా, చాలా మంది క్రీడాకారులు, బాలీవుడ్ తారలు కూడా ఈ సమస్యతో పోరాడారు. మానసిక ఆరోగ్యం క్షీణించడం ఏ స్థాయి వ్యక్తికైనా వచ్చే సమస్యే అంటున్నారు మానసిక నిపుణులు. అందుకే శారీరక ఆరోగ్యం కూడా ఎంత ముఖ్యమో మానసిక ఆరోగ్యం కూడా అంతే ముఖ్యం అని గమనించాలి.

ఇనిస్టిట్యూట్ ఆఫ్ హ్యూమన్ బిహేవియర్ అండ్ అలైడ్ సైన్సెస్ (ఇహ్‌బాస్)కు చెందిన సైకియాట్రిస్ట్ డాక్టర్ ఓంప్రకాష్ మానసిక అనారోగ్యం అనేది ఒక రోజులో రాని పరిస్థితి అని వివరిస్తున్నారు. ఒక్కోసారి వచ్చిన తర్వాత ఈ సమస్య క్రమంగా పెరిగి తీవ్రమవుతుంది. అయితే కొందరికి దీని లక్షణాలు కూడా తెలియక చాలా కాలంగా ఈ వ్యాధితో పోరాడుతూనే ఉండటం ఆందోళన కలిగిస్తోంది. ఒక్కోసారి ఇలాంటి మానసిక అనారోగ్యం వలన ఆత్మహత్య వైపు కూడా అడుగు వేస్తారు. అందుకే మానసిక ఆరోగ్యంపై ప్రజలకు అవగాహన కల్పించడం చాలా ముఖ్యం. మీ చుట్టూ మానసిక సమస్యలతో బాధపడే వారు కూడా ఉండవచ్చు. దీన్ని కూడా సులభంగా గుర్తించవచ్చు. వ్యక్తి ప్రవర్తనలో మార్పుతో మానసిక సమస్యలు మొదలవుతాయి. కుటుంబం, సహోద్యోగుల పట్ల అతని ప్రవర్తనలో మార్పు ఉంటుంది. మునుపటిలా తన రోజువారీ పనులు చేసుకోలేడు. అదే సమయంలో, ఎల్లప్పుడూ భయం, భయాందోళనలు ఉంటాయి.

వ్యక్తుల ప్రవర్తన మార్పుపై శ్రద్ధ వహించాలి..

డాక్టర్ ఓంప్రకాష్ మాట్లాడుతూ.. మన చుట్టూ నివసించే వ్యక్తుల ప్రవర్తనలో మార్పుపై దృష్టి సారించాలి. మీ స్నేహితుడు లేదా కుటుంబంలో ఎవరైనా ఈ లక్షణాలు చూపిస్తుంటే అనుమానిన్చాల్సిందే. వారిని నిపుణుల వద్దకు తీసుకువెళ్ళే ప్రయత్నం చేయాలి.

• ఎప్పుడు ఒంటరిగా ఉండటానికి ఇష్టపడటం..
• ఏ పని చేయడం ఇష్టం లేదని చెబుతుండడం
• ఎప్పుడూ ఉద్విగ్నతతో ఉండటం.. ఇవన్నీ మానసిక వ్యాధుల లక్షణాలు.

ఒత్తిడి.. ఆందోళన అత్యంత సాధారణ లక్షణాలు అని సీనియర్ సైకియాట్రిస్ట్ డాక్టర్ రాజ్ కుమార్ శ్రీనివాస్ వివరిస్తున్నారు.

ఉన్నతమైన స్థానం, బాధ్యత మీద ఉన్న వ్యక్తికి ఈ లక్షణాలు చాలా సాధారణంగా కనిపిస్తాయని ఆయన చెబుతున్నారు.అటువంటి జీవితంలో ఒత్తిడి స్థాయి ఎక్కువగా ఉంటుంది. జీవితంలో ఒత్తిడికి అనేక కారణాలున్నాయి. ఒత్తిడి లేదా ఉద్రిక్తతకు కారణాలు రోజువారీ సంఘటనలు కావచ్చు. ఏదైనా నష్టం లాగా, పిల్లవాడు గాయపడటం, జుట్టు రాలడం, శరీర స్థిరమైన బలహీనత, జీవితంలో ఏదైనా కోల్పోతామనే భయం లేదా ఎల్లప్పుడూ ఏదో గురించి చింతిస్తూ ఉండటం, చాలా సందర్భాలలో ఈ సమస్యలన్నీ కాలక్రమేణా మెరుగుపడతాయి. అయితే ఇది ఆందోళన కలిగించే విషయం. ఒత్తిడి దశ చాలా కాలం పాటు కొనసాగుతుంది. అది జీవితంలో అలానే ఉంటుంది. ఒత్తిడిలో నిరంతర పెరుగుదల కారణంగా, మీరు గుండె జబ్బులు, మధుమేహం, తలనొప్పి, కడుపు నొప్పి వంటి అనేక ఇతర వ్యాధులను కూడా కలిగి ఉంటారు.

ఈ విషయాలపై శ్రద్ధ పెట్టడం ముఖ్యం

డాక్టర్ చెబుతున్న దాని ప్రకారం, మానసిక ఆరోగ్య సమస్యలతో బాధపడుతున్న చాలా మంది వ్యక్తులలో ఒత్తిడి, భయము చాలా సాధారణ లక్షణాలు. కరోనా కాలం తర్వాత ఈ సమస్య చాలా ఎక్కువైంది. అతి ముఖ్యమైన విషయం ఏమిటంటే, ఎవరికైనా ఒంటరిగా ఉండాలని పదే పదే అనిపిస్తుంటే.. ఆ విషయాన్ని కుటుంబం లేదా స్నేహితులతో పంచుకోవాలి. రోజూ మీ కుటుంబ సభ్యులతో మాట్లాడండి. ఒంటరిగా ఉండే అలవాటును వీలైనంత వరకు తగ్గించుకోండి. మీరు జీవితంలో ఏదైనా ఒత్తిడికి లోనవుతున్నట్లయితే, మిమ్మల్ని మీరు ప్రశ్నించుకోండి. ఈ సమస్యను పరిష్కరించడానికి ప్రయత్నించండి. మీ కోసం సమయాన్ని వెచ్చించండి. దీనిలో మీరు పని గురించి లేదా పనికి సంబంధించిన విషయాల గురించి ఆలోచించరు. ఆల్కహాల్, సిగరెట్లు, కెఫిన్‌కు అలవాటు పడకుండా ఉండండి. ఎల్లప్పుడూ సానుకూలంగా ఉండటానికి ప్రయత్నించండి. మీరు ఎటువంటి కారణం లేకుండా ఒత్తిడికి లోనవుతున్నట్లయితే లేదా డిప్రెషన్ లక్షణాలు కనిపిస్తే, వెంటనే వైద్యుడిని సంప్రదించండి.

తన మానసిక సమస్యకు చికిత్స తీసుకుంటే సమాజంలోని ప్రజలు తనను మరోలా చూస్తారని చాలా మంది అనుకుంటారని, అలా ఉండకూడదని డాక్టర్ చెప్పారు. ఎందుకంటే మానసిక సమస్య ఎవరికైనా రావచ్చు. మీరు ఎంత త్వరగా చికిత్స పొందితే అంత మంచిది.

ఇవి కూడా చదవండి: Sensex: వారాంతంలో మదుపర్లకు బిగ్ షాక్.. భారీగా పడిపోయిన సెన్సెక్స్.. కారణాలు ఇవే..

Mumbai Attacks: ముంబయిపై ముష్కర దాడికి 13 ఏళ్ళు.. ఇప్పటికీ ప్రజలను ఉలిక్కిపడేలా చేసిన ఆ ఘటన ఎలా జరిగిందంటే..

Corona New Variant: కరోనా కొత్త వేరియంట్ ఆనవాళ్ళు మనదేశంలో లేవు.. అయినా జాగ్రత్తలు తప్పనిసరి.. కేంద్ర ప్రభుత్వ సూచనలు!