Dental care: దంతాలు రంగు మారుతున్నాయా.. ఎన్ని పేస్ట్లు వాడినా ఫలితం లేదా.. ఈ చిట్కాలు మీకోసం..
ఎవరినైనా ఆకట్టుకోవడానికి ముఖం మీద ఉండే చిరునవ్వొక్కటి సరిపోతుంది. ప్రకాశవంతమైన దంతాలు మీ చిరునవ్వును అందంగా చేస్తాయి. కాని మీ పళ్ళు పసుపు రంగులో ఉంటే అది మీ వ్యక్తిత్వాన్ని పాడు చేస్తుంది. దంతాలు పసుపు రంగులో ఉండటానికి..
Updated on: Jan 12, 2023 | 12:09 PM
ఎవరినైనా ఆకట్టుకోవడానికి ముఖం మీద ఉండే చిరునవ్వొక్కటి సరిపోతుంది. ప్రకాశవంతమైన దంతాలు మీ చిరునవ్వును అందంగా చేస్తాయి. కాని మీ పళ్ళు పసుపు రంగులో ఉంటే అది మీ వ్యక్తిత్వాన్ని పాడు చేస్తుంది. దంతాలు పసుపు రంగులో ఉండటానికి చాలా కారణాలు ఉండవచ్చు. పళ్ళు చాలాసార్లు శుభ్రపరిచినప్పటికీ, దంతాలు పసుపు రంగులోకి మారుతాయి. కొంతమంది రకరకాల పేస్టులు సైతం వాడుతుంటారు. అయినా కొన్ని సార్లు ఫలితం ఉండదు. ఫేస్టులకు బదులు ఇంట్లో ఉండే వస్తువులతో దంతాలు శుభ్రంగా ఉంచుకోవచ్చు. మీరు కూడా పసుపు దంతాలను వదిలించుకోవాలనుకుంటే, కిచెన్లోని ఈ పదార్థాలను ట్రై చేయండి.. అవేంటో ఒక్కసారి తెలుసుకుందాం..
రోజ్వుడ్ నూనె పూయడం
పళ్లకు నూనె పూయడం ద్వారా నోటిలో బ్యాక్టీరియా పెరగదు. అదనంగా టాక్సిన్లు శరీరం నుంచి పదార్థాలను బహిష్కరించడానికి పనిచేస్తుంది. పొద్దు తిరుగుడు, రోజ్వుడ్ నూనెను మీ దంతాలకు పూయండి.. ఇది కాకుండా కొబ్బరి నూనెను ఉపయోగించవచ్చు. ఇది చాలా లోరిక్ ఆమ్లాన్ని కలిగి ఉంటుంది, ఇది మంటను తగ్గించడానికి మరియు బ్యాక్టీరియాను చంపడానికి పనిచేస్తుంది.
బేకింగ్ సోడాతో బ్రష్
బేకింగ్ సోడా సహజంగా దంతాలను శుభ్రం చేయడానికి పనిచేస్తుంది. ఇది టూత్పేస్ట్లో కూడా ఉపయోగింస్తారు. ఇది ఆల్కలీన్ స్వభావం కలిగి ఉంటుంది.. దీని కారణంగా బ్యాక్టీరియా పెరగదు. టూత్పేస్ట్లో బేకింగ్ సోడాను కలపడం ద్వారా పళ్ళు మెరిసేవిధంగా, తెల్లగా మారుతాయని అధ్యయనం వెల్లడించింది. ఇందుకోసం మీరు ఒక టీస్పూన్ బేకింగ్ సోడాలో 2 టీస్పూన్ల నీటిని కలపాలి. బ్రష్ తో దంతాలపై రుద్దాలి. మంచి ఫలితాల కోసం, వారానికి 2 నుంచి 3 రోజులు చేయండి..
కాల్షియం ఉండే ఆహారం
శరీరంలో కాల్షియం లేకపోవడం అనేక వ్యాధులకు దారితీస్తుంది. అందువల్ల, మీరు మీ ఆహారంలో కాల్షియం, విటమిన్ డి పుష్కలంగా తీసుకోవడం చాలా ముఖ్యం. చాలా మందిలో, కాల్షియం లేకపోవడం వల్ల, పళ్ళలో సమస్యలు వస్తాయి.. మీ ఆహారంలో కాల్షియం, విటమిన్ డి పుష్కలంగా తీసుకోవాలి. ఇది మీ ఆరోగ్యానికి కూడా మేలు చేస్తుంది.
హైడ్రోజన్ పెరాక్సైడ్
హైడ్రోజన్ పెరాక్సైడ్ అనేది సహజమైన బ్లీచింగ్ ఏజెంట్, ఇది బ్యాక్టీరియాను చంపడానికి, గాయాలను నయం చేయడానికి సహాయపడుతుంది. బేకింగ్ సోడా, ఒక శాతం హైడ్రోజన్ పెరాక్సైడ్ ఉపయోగించే పేస్ట్ దంతాలను తెల్లగా చేస్తుందని పలు అధ్యయనాల్లో తేలింది. పలుచన హైడ్రోజన్ పెరాక్సైడ్ వాడాలని గుర్తుంచుకోండి.
మరిన్ని హెల్త్ వార్తల కోసం చూడండి..
