Sleep by Age: వయసును బట్టి రోజుకు ఎన్ని గంటలు నిద్రపోవాలో తెలుసా? తక్కువైతే ప్రమాదమే!

మానవ శరీర సంరక్షణలో శారీరక, మానసిక ఆరోగ్య నిరంతర ప్రక్రియలో నిద్ర అనేది అత్యంత కీలకమైన పాత్ర పోషిస్తుంది. సాధారణంగా ప్రతి ఒక్కరూ ఆరోగ్యంగా ఉండటానికి రోజుకు 7 నుండి 8 గంటల నిద్ర సరిపోతుందని భావిస్తుంటారు. అయితే నిద్రపోయే సమయం అనేది కేవలం అందరికీ ఒకేలా ఉండదు. ప్రతి వ్యక్తి వయసును బట్టి వారికి అవసరమయ్యే నిద్ర గంటల వ్యవధి మారుతూ ఉంటుంది. కేవలం ఎక్కువ గంటలు పడుకోవడం మాత్రమే కాకుండా, నిద్ర నాణ్యత (Quality of Sleep) కూడా బాగుండటం ఎంతో అవసరమని నిపుణులు స్పష్టం చేస్తున్నారు.

నిద్రకు, ఆరోగ్యానికి ఉన్న సంబంధం మంచి ఆరోగ్యానికి నిద్రకు చాలా ప్రత్యక్షమైన సంబంధం ఉంది. నిద్ర నాణ్యత లోపించినప్పుడు మీరు తగినన్ని గంటల పాటు నిద్రపోయినప్పటికీ ఉదయం లేచేసరికి శరీరం అలసటగా అనిపిస్తుంది. అమెరికాకు చెందిన వ్యాధి నియంత్రణ, నివారణ కేంద్రాల నివేదికల ప్రకారం, దీర్ఘకాలికంగా నిద్రలేమి సమస్యతో బాధపడే వారిలో మధుమేహం (డయాబెటిస్), అధిక రక్తపోటు (బీపీ), తీవ్రమైన గుండె జబ్బులు, ఊబకాయం (అధిక బరువు), మానసిక క్షోభ లేదా డిప్రెషన్ వంటి అనేక రకాల ప్రాణాంతక పరిస్థితులు తలెత్తే అవకాశం చాలా ఎక్కువగా ఉంటుంది. అందుకే ప్రతి ఒక్కరూ తమ వయస్సును బట్టి ప్రతిరోజూ తగినంత సమయం నిద్రపోవాలి.

చిన్న పిల్లలకు కావాల్సిన నిద్ర గంటలు పిల్లలు ఎదుగుతున్న దశలో ఉన్నప్పుడు వారి శారీరక మెదడు వికాసానికి ఎక్కువ సమయం నిద్ర అవసరమవుతుంది. సీడీసీ మార్గదర్శకాల ప్రకారం వివిధ వయసుల పిల్లలకు కావలసిన నిద్ర వివరాలు ఇలా ఉన్నాయి.

0 నుండి 3 నెలల నవజాత శిశువులు: రోజుకు 14 నుండి 17 గంటలు

4 నుండి 12 నెలల వయసు పిల్లలు: రోజుకు 12 నుండి 16 గంటలు

1 నుండి 2 సంవత్సరాల వయసు పిల్లలు: రోజుకు 11 నుండి 14 గంటలు

3 నుండి 5 సంవత్సరాల వయసు పిల్లలు: రోజుకు 10 నుండి 13 గంటలు

9 నుండి 12 సంవత్సరాల వయసు పిల్లలు: రోజుకు 9 నుండి 12 గంటలు

13 నుండి 18 సంవత్సరాల కౌమారదశలో ఉన్నవారు: రోజుకు 8 నుండి 10 గంటలు

పెద్దలు, వృద్ధులకు అవసరమైన నిద్ర పిల్లలు పెద్దవారై వయసు పెరుగుతున్న కొద్దీ శరీరానికి అవసరమయ్యే నిద్ర సమయం క్రమంగా తగ్గుతూ వస్తుంది. వయోజనులు వృద్ధులు రోజుకు ఎన్ని గంటలు నిద్రపోవాలో సీడీసీ స్పష్టంగా పేర్కొంది.

18 నుండి 60 సంవత్సరాల మధ్య వయస్కులు: రోజుకు కనీసం 7 గంటలు

61 నుండి 64 సంవత్సరాల మధ్య వయస్కులు: రోజుకు 7 నుండి 9 గంటలు

65 సంవత్సరాలు అంతకంటే ఎక్కువ వయసున్న వృద్ధులు: రోజుకు కనీసం 7 నుండి 8 గంటలు

పెద్ద వయసు గల వారు తమ రోజువారీ పనులను చురుగ్గా చేసుకోవడానికి హార్మోన్ల సమతుల్యత దెబ్బతినకుండా ఉండటానికి ఈ సమయం పాటు ప్రశాంతమైన నిద్రను పొందడం ఎంతో అవసరం.

నాణ్యమైన నిద్ర కోసం చిట్కాలు సమయానికి నిద్రపోవడంతో పాటు ప్రశాంతమైన నిద్రను పొందడానికి కొన్ని జీవనశైలి మార్పులు చేసుకోవడం మంచిది. ప్రతిరోజూ పడుకునే సమయాన్ని ఉదయం లేచే సమయాన్ని ఒకేలా ఉండేలా నియంత్రించుకోవాలి. పడుకోవడానికి కనీసం ఒక గంట ముందే మొబైల్ ఫోన్లు, లాప్‌టాప్‌లు టీవీ వంటి డిజిటల్ స్క్రీన్లను చూడటం పూర్తిగా ఆపివేయాలి. రాత్రి వేళల్లో కాఫీ, టీ వంటి కెఫిన్ ఎక్కువగా ఉండే పానీయాలు తీసుకోకూడదు. పడుకునే గది ప్రశాంతంగా, నిశ్శబ్దంగా తక్కువ వెలుతురుతో ఉండేలా చూసుకోవడం వల్ల నిద్ర నాణ్యత అద్భుతంగా మెరుగుపడుతుంది.