Weight Loss: ఆహారంలో ఈ ఒక్కటి చేర్చుకోండి.. ఒక నెలలో ఎక్కువ బరువు తగ్గండి
Weight Loss: బరువు తగ్గడానికి రకరకాల ప్రయత్నాలు చేస్తుంటారు. ఎక్కువ బరువు ఉండటం వల్ల ఇబ్బందిగా ఉంటుంది. లేనిపోని అనారోగ్య సమస్యలు తలెత్తుతాయి..
Updated on: Sep 10, 2022 | 12:51 PM
Weight Loss: బరువు తగ్గడానికి రకరకాల ప్రయత్నాలు చేస్తుంటారు. ఎక్కువ బరువు ఉండటం వల్ల ఇబ్బందిగా ఉంటుంది. లేనిపోని అనారోగ్య సమస్యలు తలెత్తుతాయి. అధికంగా వ్యాయమం చేస్తుంటారు. కానీ ఎన్ని ప్రయత్నాలు చేసినా వేగంగా బరువు తగ్గలేకపోతాము. కొన్ని చిట్కాలను పాటిస్తే కొంత బరువు తగ్గేందుకు ఆస్కారం ఉంటుంది. బరువు తగ్గేందుకు పాలవిరుగుడు ప్రోటీన్ ఎంతగానో ఉపయోగపడుతుంది. ఫిట్‌నెస్‌తో సంబంధం ఉన్నవారికి , బరువు తగ్గేవారికి ఇది చాలా ఉపయోగపడుతుంది. ప్రజలు దీనిని ప్రోటీన్ సప్లిమెంట్‌గా కూడా తీసుకుంటారు. బరువు తగ్గడానికి ఇది ఎలా ఉపయోగపడుతుందో తెలుసుకుందాం.
మీరు త్వరగా బరువు తగ్గాలనుకుంటే పాలవిరుగుడు ప్రోటీన్ మీకు ఉపయోగకరంగా ఉంటుంది. పాల నుండి తయారు చేయబడిన పాలవిరుగుడు ప్రోటీన్‌లో 9 అమైనో ఆమ్లాలు ఉంటాయి. ఇవి శరీరంలో ప్రొటీన్లలా పనిచేసి కండరాల బలాన్ని పెంచుతాయి. దీనితో మీరు వ్యాయామ సమయంలో వేగంగా బరువు తగ్గవచ్చు. అలాగే ఇవి జీవక్రియ రేటును పెంచుతాయి. ఇది కొవ్వును వేగంగా కరిగించేందుకు, బరువు తగ్గడానికి సహాయపడుతుంది. అయితే ఈ పాలవిరుగుడు నుంచి వేరు చేసిన నీటిని కొన్ని ప్రత్యేక పద్దతుల ద్వారా వేయ్‌ ప్రొటీన్ పౌడర్‌ను తయారు చేస్తారు. ఇది పూర్తిగా నాణ్యతతో కూడి ఉంటుంది. ఇందులో అవసరమైన అన్ని అమైనో అమ్లాలు పుష్కలంగా ఉంటాయి. ఇది చాలా త్వరగా జీర్ణమవుతుంది.
పాలవిరుగుడు ప్రోటీన్ ఎలా తీసుకోవాలి..?
1. నీరు, పాలు, పెరుగులో వెయ్ ప్రోటీన్ కలపండి
2. వర్కౌట్ చేయడానికి ముందు ప్రోటీన్ షేక్‌లో వెయ్ ప్రొటీన్‌ని కలపండి.
3. వెయిట్ లాస్ స్నాక్స్ కు వెయ్ ప్రొటీన్ జోడించండి.
4. మీ బరువు ప్రకారం.. సుమారు రెండు స్పూన్లు అంటే 0.75 గ్రాముల నుండి 1 గ్రాము వెయ్ ప్రోటీన్ తీసుకోండి.
పాలవిరుగుడు ప్రోటీన్ తీసుకోవడం వల్ల కలిగే ఇతర ప్రయోజనాలు
బరువు తగ్గడమే కాకుండా, వెయ్ ప్రొటీన్ తీసుకోవడం వల్ల చాలా ప్రయోజనాలు ఉన్నాయి. ఇది కొలెస్ట్రాల్‌ను నియంత్రించడంలో, శరీర శక్తిని పెంచడంలో సహాయపడుతుంది. అలాగే బరువు పెరగాలనుకునే వారికి కూడా ఇది చాలా మేలు చేస్తుంది. మీరు నెల మొత్తం ఆహారం, వ్యాయామంతో బరువు తగ్గాలనుకుంటే మీరు వెయ్ ప్రోటీన్ తీసుకోవచ్చు.
మరిన్ని హెల్త్ వార్తల కోసం ఇక్కడ క్లిక్ చేయండి
