వైద్యుల హెచ్చరిక.. ఈ వస్తువులు క్లీన్ చేయకపోతే ఎంత డేంజరో తెలుసా..?

మన ఆరోగ్యం ఇంట్లోనే మొదలవుతుంది. బయట ఎన్ని జాగ్రత్తలు తీసుకున్నా.. ఇంట్లో వాడే వస్తువుల విషయంలో మాత్రం చాలా మంది లైట్ తీసుకుంటారు. కానీ డాక్టర్లు ఏమంటున్నారంటే.. మనం రోజువారీగా వాడే కొన్ని వస్తువులను కరెక్ట్ టైమ్‌కి క్లీన్ చేయకపోతే రోగాలు రావడం పక్కా. అందుకే ఏ వస్తువును ఎంత తరచుగా శుభ్రం చేయాలో ఇప్పుడు తెలుసుకుందాం.

బెడ్ షీట్లు

వారానికి ఒకసారి క్లీన్ చేయడం పర్ఫెక్ట్. మనం రోజూ వీటి మీద పడుకుంటాం కాబట్టి దుమ్ము, చెమట, చర్మంపై నుంచి వచ్చే కణాలు అన్నీ వీటిలో చేరిపోతాయి. వారానికి ఒక్కసారైనా ఉతకకపోతే స్కిన్ ఎలర్జీలు రావొచ్చు.

పిల్లో కవర్లు

ఇవి ప్రతి 3 నుంచి 4 రోజులకు ఒకసారి ఉతకాలి. ముఖం మీద మొటిమలు, జిడ్డు చర్మం సమస్యలు ఉన్నవాళ్లు ఈ రూల్ కచ్చితంగా ఫాలో అవ్వాలి. లేకపోతే పిల్లో కవర్‌పై ఉండే బ్యాక్టీరియా వల్ల సమస్యలు ఇంకా పెరుగుతాయి.

దిండ్లు (Pillows)

కనీసం ఆరు నెలలకు ఒకసారి క్లీన్ చేయడం చాలా అవసరం. లేకపోతే దిండ్లలో దుమ్ము పురుగులు, ఎలర్జీ కారకాలు చేరి ఆరోగ్యాన్ని పాడుచేస్తాయి.

దుప్పట్లు (Blankets)

2 నుంచి 3 నెలలకు ఒకసారి ఉతకాలి. చలికాలంలో ఎక్కువగా వాడతాం కాబట్టి వాటిలో చెమట, దుమ్ము పేరుకుపోతుంది. అందుకే ఈ టైమ్‌కి వాటిని శుభ్రం చేయడం మర్చిపోవద్దు.

జీన్స్

4 నుంచి 5 సార్లు వాడిన తర్వాత ఉతికితే సరిపోతుంది. ప్రతిసారీ ఉతకడం వల్ల జీన్స్ రంగు పోవడం, బట్ట పాడవ్వడం జరుగుతుంది.

టూత్ బ్రష్

దీన్ని రెగ్యులర్‌గా క్లీన్ చేస్తూ ప్రతి 3 నెలలకు ఒకసారి మార్చాలి. పాత బ్రష్ వల్ల దంతాలకు, చిగుళ్ళకు హాని కలుగుతుంది.

నిపుణులు చెప్పినంత తరచుగా శుభ్రం చేయడం అందరికీ సాధ్యం కాకపోవచ్చు. కానీ కనీసం ప్రాథమిక శుభ్రతను పాటించడం చాలా ముఖ్యం. పరిశుభ్రత కేవలం ఇంటి అందం కోసమే కాదు.. మన ఆరోగ్యాన్ని కాపాడే కవచంలా పనిచేస్తుంది.