Healthy Tips: 50 ఏళ్ల వయసులోనూ యంగ్ గా కనిపించాలా.. ఈ టిప్స్ పాటించాల్సిందే!!
ఆరోగ్య నిపుణుల సూచనలు, భయపెడుతున్న వైరస్ లు, మృత్యు ఘంటికలు మోగిస్తున్న ఆకస్మిక గుండెపోటులు.. వెరసి మనిషికి ఆరోగ్యంపై శ్రద్ధను పెంచేలా చేస్తున్నాయి. బరువును తగ్గించుకోవడం, హెల్దీగా ఉండేందుకు డైటీషియన్స్ సూచనల ప్రకారం ఆహారాలను తీసుకోవడం వంటి వాటిని పాటిస్తున్నారు. యవ్వనంలోనే కాదు.. 50 ఏళ్ల వయసులోనూ యంగ్ గా కనిపించాలంటే.. మన శరీరానికి ఫిట్ నెస్ అవసరం. దానితో పాటు మరికొన్ని టిప్స్ పాటిస్తే.. మీ వయసు 5 పదులు దాటినా..
Updated on: Aug 25, 2023 | 9:54 PM
ఆరోగ్య నిపుణుల సూచనలు, భయపెడుతున్న వైరస్ లు, మృత్యు ఘంటికలు మోగిస్తున్న ఆకస్మిక గుండెపోటులు.. వెరసి మనిషికి ఆరోగ్యంపై శ్రద్ధను పెంచేలా చేస్తున్నాయి. బరువును తగ్గించుకోవడం, హెల్దీగా ఉండేందుకు డైటీషియన్స్ సూచనల ప్రకారం ఆహారాలను తీసుకోవడం వంటి వాటిని పాటిస్తున్నారు. యవ్వనంలోనే కాదు.. 50 ఏళ్ల వయసులోనూ యంగ్ గా కనిపించాలంటే.. మన శరీరానికి ఫిట్ నెస్ అవసరం. దానితో పాటు మరికొన్ని టిప్స్ పాటిస్తే.. మీ వయసు 5 పదులు దాటినా.. మీరు యవ్వనంగానే కనిపించవచ్చు.
ఒత్తిడిని తగ్గించుకోవాలి: 30 ఏళ్లైనా రాకుండానే అనేక రకాల వ్యాధుల బారిన పడుతున్నారు. చిన్న వయసులోనే బీపీ, షుగర్లు వచ్చేస్తున్నాయి. 50 ఏళ్లు వచ్చేసరికి సాంతం ముసలివారైపోతున్నారు. ఎక్కువకాలం ఆరోగ్యంగా, యంగ్ గా ఉండాలంటే ముందు ఒత్తిడిని తగ్గించుకోవాలి. అందుకోసం ప్రతిరోజూ యోగా, ధ్యానం వంటివి చేయాలి.
పౌష్టికాహారం తీసుకోవాలి: ఎక్కువకాలం ఆరోగ్యంగా ఉండాలంటే.. పోషకాలు ఎక్కువగా ఉండే ఆహారాన్ని తీసుకోవాలి. తృణధాన్యాలు, చిక్కుళ్లు, గింజలు ఎక్కువగా ఉండే ఆహారాలను మీ డైట్ లో చేర్చుకోవాలి.
శారీరక శ్రమ అవసరం: శారీరకంగా చురుకుగా ఉండాలి. శారీరక శ్రమ లేకపోతే ఎముకలు, కండరాలు బలహీనమవుతాయి. బరువు పెరిగి.. ఆ భారం కీళ్లపై పడుతుంది ఫలితంగా కీళ్లకు సంబంధించిన వ్యాధులు వచ్చే ప్రమాదం ఉంది. ఒక మనిషి దీర్ఘకాలం ఆరోగ్యంగా ఉండాలంటే.. ఎలాంటి వ్యాయామాలు చేయనివారు రోజుకు 10 వేల అడుగులు నడవాలని ఓ నివేదికలో తేలింది.
సూర్యరశ్మి అవసరం: రోజంతా గ్యాడ్జెట్స్ వెలుగుల్లోనే కాకుండా.. సహజంగా వచ్చే కాంతిలోనూ ఉండాలి. ఉదయాన్నే వచ్చే సూర్యరశ్మి ద్వారా విటమిన్ డి లభిస్తుందని తెలిసిందే. ఇది ఎముకలు, దంతాలతో పాటు శరీరంలో అనేక అంతర్గత విధుల్లో ముఖ్య పాత్ర పోషిస్తుంది. రోజుకి కనీసం అరగంటపాటైనా ఎండలో ఉండాలి.
రెడ్ మీట్ తినకూడదు: రెడ్ మీట్ ను ఎక్కువగా తినకూడదు. ఇందులో కొలెస్ట్రాల్, అనారోగ్యకరమైన కొవ్వు ఉంటుంది. గుండె జబ్బులు పెరిగే అవకాశం ఉంది. నిల్వ ఉంచిన మాంసం లేదా ఆహారాలను తింటే కడుపు క్యాన్సర్ వచ్చే ప్రమాదం ఉంది.
మరిన్ని హెల్త్ వార్తల కోసం ఇక్కడ క్లిక్ చేయండి
