Headache: తలనొప్పికి పెయిన్ కిల్లర్ ట్యాబ్లెట్ వేస్తున్నారా..? అయితే, ఈ విషయాలను తప్పనిసరిగా తెలుసుకోండి..

Painkiller for Headache: తలనొప్పి అనేది ఒక సాధారణం. ఈ సమస్య చాలా మందిని వేధిస్తుంటుంది. ఈ క్రమంలో తలనొప్పిని వదిలించుకోవడానికి నొప్పి నివారణ మందులను ఉపయోగించడం కూడా సర్వసాధారణం అవుతుంది. ఈ రోజుల్లో చాలామంది తలనొప్పిని చాలా సాధారణమైనదిగా పరిగణించడంతోపాటు.. పెయిన్ కిల్లర్ లేకుండా నయం కాదని భావిస్తున్నారు. ఈ పద్దతి వారి ఆరోగ్యాన్ని క్రమంగా నాశనం చేస్తుంది. తలనొప్పికి ట్యాబ్లెట్ వేసే వారిని ఆరోగ్య నిపుణులు హెచ్చరిస్తున్నారు. తలనొప్పితోపాటు.. ఎలాంటి నొప్పికైనా పెయిన్ కిల్లర్ తీసుకోవడం అనేది ఏ కోణం నుంచి చూసినా ఆరోగ్యానికి మంచిది కాదని పేర్కొంటున్నారు. ఇది ఆరోగ్యానికి హాని కలిగిస్తుంది. ఇలాంటి సమయంలో మందులు తీసుకోకుండా కూడా తలనొప్పిని ఎలా వదిలించుకోవచ్చు. తలనొప్పి వచ్చినప్పుడు కొన్ని చిట్కాలను పాటిస్తే.. ఈ సమస్యను సులభంగా వదిలించుకోవచ్చు. అవేంటో చూద్దాం..

• నూనెతో మసాజ్: విపరీతమైన తల నొప్పి ఉంటే ఏదైనా నూనెతో మర్ధన చేయాలి. వాస్తవానికి నూనెతో మసాజ్ చేయడం వల్ల నరాలకు విశ్రాంతి లభిస్తుంది. దీని వల్ల తలనొప్పి నుంచి ఉపశమనం లభిస్తుంది.
• ఐస్ ప్యాక్‌: శుభ్రమైన వస్త్రంలో ఐస్ చుట్టి నుదుటిపై తేలికగా అద్దుతూ మసాజ్ ఉండాలి. ఇది తీవ్రమైన తలనొప్పికి సైతం తక్షణ ఉపశమనం కలిగిస్తుంది. మీరు ఈ ఐస్ ప్యాక్‌ని రోజుకు ఒకసారి ఉపయోగించుకోవచ్చు.
• హాట్ రైస్ ప్యాక్: బియ్యాన్ని గ్రిడిల్‌పై వేడి చేసి, ఆపై పాలీబ్యాగ్ లేదా క్లాత్ బ్యాగ్‌లో బియ్యాన్ని నింపండి. దీనితో మీరు నుదిటిపై అప్లై చేస్తూ మసాజ్ చేసుకోవచ్చు. దీంతో తలనొప్పి నుంచి ఉపశమనం లభిస్తుంది.
• హైడ్రేట్ గా ఉండండి: శరీరాన్ని హైడ్రేట్ గా ఉంచడానికి ఎల్లప్పుడూ ప్రయత్నించండి. ఎందుకంటే నీటి కొరత కూడా తలనొప్పికి కారణమవుతుంది. మీకు ఎప్పుడైనా తలనొప్పి అనిపిస్తే, 2 గ్లాసుల చల్లని నీరు తాగండి. అది కూడా ఉపశమనం కలిగిస్తుంది.
• శ్వాస వ్యాయామం: 10 నిమిషాలపాటు శ్వాస వ్యాయామం చేయండి. శ్వాస వ్యాయామాలలో నరాలకు చాలా విశ్రాంతి లభిస్తుంది. దీంతో మీరు రిలాక్స్‌గా ఉంటారు.

మరిన్ని హెల్త్  న్యూస్ కోసం ఇక్కడ క్లిక్ చేయండి