Coffee Benefits: కాఫీ రహస్యమిదే.. రోజూ ఇలా తాగితే బోలెడన్ని ప్రయోజనాలు.. నిపుణులు ఏం చెబుతున్నారంటే..?
కాఫీ తాగడం వల్ల తాజాదనం లభిస్తుంది.. మానసిక స్థితి కూడా మెరుగుపడుతుంది. చురకుదనం, ఏకాగ్రత కూడా పెరుగుతుంది. దీనికి కారణం కాఫీలో ఉండే కెఫిన్.
కాఫీ తాగడం వల్ల తాజాదనం లభిస్తుంది.. మానసిక స్థితి కూడా మెరుగుపడుతుంది. చురకుదనం, ఏకాగ్రత కూడా పెరుగుతుంది. దీనికి కారణం కాఫీలో ఉండే కెఫిన్. సాధారణంగా కాఫీని ఎనర్జీ డ్రింక్ గా కూడా పేర్కొంటారు. ఇది కాకుండా, కాఫీని అధికంగా తాగడం వల్ల శరీరానికి హాని కలుగుతుందని నిపుణులు హెచ్చరిస్తుంటారు. ఇది కూడా నూటికి నూరు శాతం నిజం.. ఎందుకంటే ఎక్కువ తాగితే శరీరానికి మంచికి బదులు చెడు జరుగుతుంది. ఒక అంచనా ప్రకారం.. ప్రపంచంలో ప్రతిరోజూ దాదాపు 40 వేల కోట్ల కప్పుల కాఫీ తాగుతున్నారు. అయితే, ప్రతి ఒక్కరూ కాఫీని వేర్వేరుగా తీసుకుంటారు. కొందరు వేడి కాఫీని ఇష్టపడతారు. కొంతమంది కోల్డ్ కాఫీ తాగడానికి ఇష్టపడతారు. ఇంకొంతమంది బ్లాక్ కాఫీని తాగుతారు.
ఆరోగ్యానికి సంబంధించి.. కాఫీ నాణ్యత, ఎంతసేపు వేడి చేశారు.. ఏ ఉష్ణోగ్రత వద్ద తాగారు అనేది కూడా ఆధారపడి ఉంటుంది. అరబికా కాఫీ ప్రపంచంలోని అత్యంత ప్రజాదరణ పొందిన కాఫీ. దీనిని ఆరోగ్యకరమైన కాఫీగా పరిగణిస్తారు. ఇది ప్రపంచంలో అత్యంత ప్రజాదరణ పొందిన కాఫీ రకమని పరిశోధకులు పేర్కొంటున్నారు.
కాఫీ తాగడం వల్ల కలిగే ప్రయోజనాలు
- తక్షణ శక్తిని పొందుతారు
- తక్కువ సమయంలో మానసిక స్థితిని మెరుగుపరుస్తుంది
- డిప్రెషన్‌ను నియంత్రించడంలో సహాయపడుతుంది
- బ్రెస్ట్ క్యాన్సర్ రాకుండా కాపాడుతుంది
- యాంటీ ఆక్సిడెంట్లకు అద్భుతమైన మూలం
- కాలేయాన్ని ఆరోగ్యంగా ఉంచడంలో సహాయపడుతుంది
- హార్ట్ స్ట్రోక్ ప్రమాదాన్ని తగ్గిస్తుంది
- బరువును నియంత్రించడంలో కూడా సహాయపడుతుంది
- టైప్ 2 డయాబెటిస్ ప్రమాదాన్ని తగ్గిస్తుంది
- పార్కిన్సన్స్ వ్యాధిని నివారించడంలో సహాయపడుతుంది
కాఫీ తాగడానికి సరైన మార్గం
- కాఫీని స్వచ్ఛమైన పాలలో కలుపుకుని తాగాలి. బ్లాక్ కాఫీని కూడా తాగవచ్చు.
- భోజనం చేసిన వెంటనే తాగకూడదు.
- రోజుకు రెండు కప్పుల కంటే ఎక్కువ కాఫీ తాగడం మానుకోండి. ఎందుకంటే నిద్రపోవడం లేదా నిద్రపోవడంలో సమస్య ఏర్పడుతుంది.
- మీరు కాఫీని వేడి, చల్లని లేదా బ్లాక్ కాఫీ రూపంలో తాగవచ్చు. అన్ని విధాలా లాభం చేకూర్చుతుంది.
- ఖాళీ కడుపుతో కాఫీ తాగడం మానేయాలి. ముఖ్యంగా ఎసిడిటీ సమస్యలు ఉన్నవారు. ఎందుకంటే దీనివల్ల ఎక్కువ గ్యాస్, యాసిడ్ ఏర్పడుతుంది.
- అపానవాయువుతో బాధపడుతుంటే.. కాఫీ తాగకూడదు ఎందుకంటే ఇది గ్యాస్‌ను పెంచడానికి కూడా పనిచేస్తుంది.
- ఇప్పటికే నిద్రలేమి సమస్యతో బాధపడుతున్నట్లయితే కాఫీ వినియోగం తగ్గించాలి లేదా మానేయడం మంచిది.
మరిన్ని హెల్త్ వార్తల కోసం..
