Blood Pressure: ఒక్క చేతితో రక్తపోటును తనిఖీ చేసుకోవడం మంచిదేనా? అసలు బీపీ చెక్ చేసుకునే విధానం ఏమిటి?

TV9 Telugu Digital Desk

TV9 Telugu Digital Desk | Edited By: KVD Varma

Updated on: Jul 15, 2021 | 1:35 PM

Blood Pressure: రక్తపోటు (బీపీ)ను చెక్ చేసుకోవడం ఇప్పుడు చాలా సులభం అయిపోయింది. ఇంట్లోనే సొంతంగా బీపీ చెక్ చేసుకోవడానికి మిషన్లు అనేక రకాలు అందుబాటులో వచ్చాయిప్పుడు.

Blood Pressure: ఒక్క చేతితో రక్తపోటును తనిఖీ చేసుకోవడం మంచిదేనా? అసలు బీపీ చెక్ చేసుకునే విధానం ఏమిటి?
Blood Pressure Check

Blood Pressure: రక్తపోటు (బీపీ)ను చెక్ చేసుకోవడం ఇప్పుడు చాలా సులభం అయిపోయింది. ఇంట్లోనే సొంతంగా బీపీ చెక్ చేసుకోవడానికి మిషన్లు అనేక రకాలు అందుబాటులో వచ్చాయిప్పుడు. గతంలో వైద్యుని వద్దకు వెళ్లి మాత్రమే బీపీ చెక్ చేయించుకునే అవకాశం ఉండేది. అయితే, నూతన టెక్నాలజీ ఇప్పుడు సొంతంగా బీపీ చెక్ చేసుకునే అవకాశాన్ని కల్పించింది. అయితే, సాధారణంగా బీపీని ఒక్క చేతికే పరీక్ష చేసి తెలుసుకుంటారు. మిషన్ ఒక చేతికే పెట్టుకుని రక్తపోటును పరిశీలించడం సహజంగా ఉన్నదే. వైద్యులు కూడా బీపీ మెషిన్ ను ఒక చేతికే అమర్చి చెక్ చేస్తారు. కానీ, ఈ విధానం సరైనది కాదంటున్నాయి తాజా పరిశోధనలు. బీపీ రెండు చేతులకు చెక్ చేయాలని ఆ పరిశోధనలు సూచిస్తున్నాయి. రెండు చేతులలోనూ బీపీ పరిశీలించినపుడు ఆ రెండు రీడింగ్ ల మధ్య భారీ వ్యత్యాసం ఉంటె కనుక అది అకాల మరణానికి దారితీస్తుందని ఈ పరిశోధనలు చెబుతున్నాయి.

బ్రిటన్ లో ఈ పరిశోధనలు చేశారు. అక్కడి పరిశోధకులు, 230 మందిపై ఈ పరిశోధన జరిపారు. అధిక రక్తపోటు వ్యాధి ఉన్నవారి రెండు చేతుల రక్తపోటులో భారీ వ్యత్యాసం ఉందని గ్రహించారు. ఇలాంటి వ్యత్యాసం ఉన్న వారు గుండె జబ్బులు, స్ట్రోక్ లేదా ఇతర కారణాల కారణంగా ఎంతోమంది మరణించి ఉండవచ్చని తెలుసుకున్నారు.

స్వల్ప వ్యత్యాసం సాధారణం..

యూనివర్శిటీ ఆఫ్ ఎక్సెటర్ కు చెందిన పెనిన్సులా కాలేజ్ ఆఫ్ మెడిసిన్ అండ్ డెంటిస్ట్రీ డాక్టర్ క్లార్క్ రెండు చేతుల్లో రక్తపోటులో స్వల్ప వ్యత్యాసం సాధారణమని ఆయన చెప్పారు. కానీ, ఇది భారీగా ఉంటే అది తీవ్రమైన ఇబ్బందులకు దారితీస్తుందని చెప్పారు.

సిస్టోలిక్.. యాస్టొలిక్ మధ్య 10 కంటే ఎక్కువ వ్యత్యాసం ప్రమాదకరమని బ్రిటిష్ హార్ట్ ఫౌండేషన్ సీనియర్ హార్ట్ డిసీజ్ నర్సు మౌరీన్ టాల్బోట్ చెప్పారు. సిస్టోలిక్, డయాస్టొలిక్ మధ్య 10 మిల్లీమీటర్ల (ఎంఎం హెచ్‌జి) వ్యత్యాసం సాధారణం, అయితే 10 మిల్లీమీటర్ల కంటే ఎక్కువ తేడా గుండె సమస్యను సూచిస్తుందని ఆమె చెబుతున్నారు.

ఈ పరిశోధన చేసిన ప్రధాన పరిశోధకుడు డాక్టర్ క్లార్క్, డాక్టర్ రోగి రక్తపోటును తనిఖీ చేసినప్పుడు, రెండు చేతులపై చేయాలని చెబుతున్నారు.

3400 మంది రోగులకు రక్తపోటు పరీక్ష

రెండు చేతుల రక్తపోటులో ఉన్న వ్యత్యాసాన్ని అర్థం చేసుకోవడానికి, అమెరికాలోని మసాచుసెట్స్ ఆసుపత్రిలో 40 ఏళ్లు పైబడిన 3400 మంది రోగులను పరీక్షించారు. వీరు గుండె జబ్బులకు ముందస్తు లక్షణాలు లేని రోగులు. కొందరికి పరీక్షలో ఒక చేతిలో సిస్టోలిక్ రక్తపోటులో 5 తేడా ఉంది. చాలా మందికి 10 కంటే ఎక్కువ ఉంది. ఇలా ఎక్కువ వ్యత్యాసం వచ్చిన వ్యక్తులను 13 సంవత్సరాలు పర్యవేక్షించారు.

10% కంటే ఎక్కువ వ్యత్యాసం ఉన్న 38% మందిలో గుండెపోటు, గుండెపోటు, గుండె జబ్బుల సంకేతాలు కనుగొనబడ్డాయి. రక్తపోటు ఉన్న రోగులలో, రెండు చేతుల రక్తపోటులో తేడా 10 లేదా అంతకంటే ఎక్కువ ఉంటే, వారు గుండెపోటుకు గురయ్యే ప్రమాదం ఉందని ఈ పరిశోధనల ఆధారంగా పరిశోధకులు చెబుతున్నారు.

రక్తపోటును కొలిచేటప్పుడు రెండు చేతుల బిపిలో వ్యత్యాసం ఎక్కువగా ఉంటే, అది చేతుల ధమనులలో ప్రతిష్టంభనను సూచిస్తుంది. పరిధీయ ధమనులలో సమస్యలు గుండె అదేవిధంగా మెదడులో అవరోధాల ప్రమాదాన్ని పెంచుతాయి. ఈ కారణంగా, గుండెపోటు లేదా స్ట్రోక్ ప్రమాదం కూడా పెరుగుతుంది.

ఇంట్లో రక్తపోటును తనిఖీ చేసేటప్పుడు డాక్టర్ సలహా తీసుకోండి..

డాక్టర్ క్లార్క్ అధిక రక్తపోటు ఉన్న రోగులు, ఇంట్లో వారి రక్తపోటును తనిఖీ చేసేవారు, వారి వైద్యుల సలహాలను పాటించాలని సలహా ఇస్తున్నారు.

Also Read: Monsoon Health Tips: వర్షాకాలంలో దగ్గు, జలుబు రాకుండా ఉండాలంటే.. ఈ జాగ్రత్తలు తీసుకోండి..

Rainy Season Foods : వర్షాకాలంలో ఈ ఫుడ్స్ చాలా ఫేమస్..! ప్రతి ఒక్కరిని ఆకర్షిస్తాయి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu