Constipation: జీర్ణక్రియ సాఫీగా సాగాలంటే ఈ ఫుడ్స్ మిస్ అవ్వకండి..!
మలబద్ధకం అనేది సాధారణ ఆరోగ్య సమస్య. ఇది అసౌకర్యాన్ని కలిగించడంతో పాటు జీర్ణక్రియకు ఇబ్బందిగా మారుతుంది. కొంతమంది నిర్లక్ష్యం చేసినా దీర్ఘకాలం కొనసాగితే ఇతర ఆరోగ్య సమస్యలకు దారితీస్తుంది. శరీరానికి అవసరమైన పౌష్టికాహారం తీసుకోవడం, సరైన నీరు తాగడం వల్ల ఈ సమస్య తగ్గించుకోవచ్చు. మలబద్ధకం నుంచి ఉపశమనం పొందేందుకు కొన్ని ప్రత్యేకమైన ఆహారాలు తీసుకోవడం ఎంతో ఉపయోగకరం.
Updated on: Mar 30, 2025 | 7:46 PM
పండ్లలో సహజసిద్ధంగా ఫైబర్ ఉంటుంది. ఫైబర్ జీర్ణక్రియను మెరుగుపరచి మలబద్ధకం సమస్యను తగ్గిస్తుంది. ఆపిల్, అరటిపండు, బేరీలు, నారింజ వంటి పండ్లు తినడం వల్ల మలబద్ధకం నుంచి ఉపశమనం పొందవచ్చు. వీటిలో నీరు, పీచు అధికంగా ఉండడంతో మలాన్ని మెత్తగా చేయడంలో సహాయపడుతాయి.
పాలకూర, మెంతికూర, బచ్చలికూర వంటి ఆకుకూరల్లో ఫైబర్, నీరు, మెగ్నీషియం పుష్కలంగా ఉంటాయి. ఇవి జీర్ణక్రియను మెరుగుపరిచి మలబద్ధకం సమస్యను తగ్గించేందుకు సహాయపడుతాయి. రోజువారీ ఆహారంలో ఈ ఆకుకూరలను చేర్చుకోవడం వల్ల శరీరానికి అవసరమైన పోషకాలు కూడా అందుతాయి.
బొప్పాయి, ములక్కాడ వంటి చిక్కుళ్ళు మలబద్ధకాన్ని తగ్గించడానికి సహాయపడుతాయి. వీటిలో ఫైబర్ అధికంగా ఉండడంతో పాటు జీర్ణక్రియను మెరుగుపరిచే ఎన్జైమ్లు కూడా ఉంటాయి. ఇవి మలాన్ని మెత్తగా చేసి సహజంగా బయటికి వెళ్లేలా సహాయపడుతాయి.
ఓట్స్, బ్రౌన్ రైస్, గోధుమ రొట్టెలు వంటి తృణధాన్యాలు ఫైబర్ ఎక్కువగా కలిగి ఉంటాయి. ఇవి మలాన్ని పెంచి తేలికగా బయటికి వెళ్లేలా చేస్తాయి. తెల్లబియ్యం కన్నా బ్రౌన్ రైస్ మంచిది. ఎందుకంటే ఇది అధిక ఫైబర్ను కలిగి ఉంటుంది.
పెరుగు మంచి ప్రోబయోటిక్ ఆహారం. దీంట్లోని ఆరోగ్యకరమైన బ్యాక్టీరియా జీర్ణవ్యవస్థ పనితీరును మెరుగుపరిచి మలబద్ధకం సమస్యను తగ్గించేందుకు సహాయపడుతాయి. రోజూ భోజనంతో పాటు పెరుగు తీసుకుంటే మలబద్ధకం సమస్య తగ్గుతుంది.
బాదం, వేరుశెనగ, సబ్జా విత్తనాలు వంటి గింజలు, విత్తనాలు ఫైబర్తో పాటు ఆరోగ్యకరమైన కొవ్వులను కూడా అందిస్తాయి. ఇవి మలబద్ధకం సమస్యను తగ్గించడంలో సహాయపడుతాయి.
పుచ్చకాయ, దోసకాయ, నారింజ వంటి నీరు అధికంగా ఉన్న ఆహారాలు శరీరానికి తేమను అందించి మలబద్ధకం సమస్యను తగ్గిస్తాయి. వీటిని తినడం వల్ల జీర్ణక్రియ మెరుగవుతుంది.
మలబద్ధకం సమస్యను నివారించేందుకు పైన చెప్పిన ఆహారాలను రోజువారీ ఆహారంలో చేర్చుకోవాలి. సరైన పోషకాహారం తీసుకోవడంతో పాటు శరీరానికి తగినంత నీరు తాగడం కూడా ముఖ్యం. రోజుకు కనీసం 7-8 గ్లాసుల నీరు తాగడం వల్ల మలబద్ధకం సమస్య తగ్గుతుంది. వ్యాయామం కూడా శరీరాన్ని చురుగ్గా ఉంచి జీర్ణక్రియను మెరుగుపరచుతుంది. చిన్న మార్పులు చేసుకోవడం వల్ల ఆరోగ్యంగా ఉండవచ్చు.
