Health Care Tips: ఈ ఒక్క కూరగాయ తింటే చాలు.. మంచి హెల్త్ మీ సొంతం అవుతుంది!
ఆరోగ్యం అనేది మన చేతుల్లోనే ఉంటుంది. మనం తీసుకునే ఆహారమే మనల్నీ ఆరోగ్యంగా ఉంచుతుంది. చాలా మంది కూరగాయలు తినడానికి ఇష్ట పడరు. కానీ కూరగాయాల్లో మంచి పౌష్టికాహారాలు ఉంటాయి. ఇంకొంత మంది ఈజీగా అయ్యే కూరగాయలనే వండుతారు. మిగిలిన వాటి గురించి మర్చిపోతారు. ఇలా చాలా మంది తినకుండా ఉండే వాటిల్లో కంద గడ్డ కూడా ఒకటి. చాలా మందికి అసలు ఈ కూరగాయ గురించే తెలీదు. కంద గడ్డలో అనేక ఆరోగ్య ప్రయోజనాలు..
Updated on: Feb 07, 2024 | 5:52 PM
ఆరోగ్యం అనేది మన చేతుల్లోనే ఉంటుంది. మనం తీసుకునే ఆహారమే మనల్నీ ఆరోగ్యంగా ఉంచుతుంది. చాలా మంది కూరగాయలు తినడానికి ఇష్ట పడరు. కానీ కూరగాయాల్లో మంచి పౌష్టికాహారాలు ఉంటాయి. ఇంకొంత మంది ఈజీగా అయ్యే కూరగాయలనే వండుతారు. మిగిలిన వాటి గురించి మర్చిపోతారు. ఇలా చాలా మంది తినకుండా ఉండే వాటిల్లో కంద గడ్డ కూడా ఒకటి. చాలా మందికి అసలు ఈ కూరగాయ గురించే తెలీదు. కంద గడ్డలో అనేక ఆరోగ్య ప్రయోజనాలు దాగి ఉన్నాయి. అంతే కాకుండా ఈ కంద గడ్డ తింటే చాలా అనారోగ్య సమస్యలకు చెక్ పెట్టొచ్చు. మరి కంద గడ్డతో కలిగే ప్రయోజనాలు ఏంటో ఇప్పుడు తెలుసుకుందాం.
కొలెస్ట్రాల్:
చాలా మంది ఇప్పుడు శరీరంలో కొలెస్ట్రాల్ పెరిగి ఇబ్బంది పడుతున్నారు. కొలెస్ట్రాల్ ఎక్కువగా ఉండటం వల్ల గుండె సమస్యలు, బరువు పెరగడంతో పాటు ఇతర సమస్యలు కూడా తలెత్తుతున్నాయి. కంద గడ్డ తింటే కొలెస్ట్రాల్ లెవల్స్ తగ్గించుకోవచ్చు. కందగడ్డలో ఫైబర్ కంటెంట్ అనేది అధికంగా ఉంటుంది. ఇది రక్తంలోని చెడు కొలెస్ట్రాల్ లెవల్స్ను తగ్గిస్తుంది.
చర్మం అందంగా ఉంటుంది:
కంద గడ్డల్లో ఓమేగా 3 ఫ్యాటీ యాసిడ్స్ అనేవి పుష్కలంగా లభిస్తాయి. ఇందులో విటమిన్లు సి, బి6, బీటా కెరొటీన్ వంటివి ఉంటాయి. దీన్ని వల్ల మీ చర్మం సాఫ్ట్గా, ముడతలు లేకుండా ఉంటుంది. అదే విధంగా జుట్టు పెరుగుదలకు కూడా ఎంతో సహాయ పడుతుంది. ఈ కంద గడ్డను క్రమం తప్పకుండా తీసుకుంటే.. మీరు అందంగా కనిపిస్తారు.
డయాబెటీస్:
డయాబెటీస్తో బాధ పడేవారు కంద తింటే మంచి రిజల్ట్ కనిపిస్తుంది. కంద గడ్డలో గ్లైసెమిక్ ఇండెక్స్ తక్కువగా ఉంటుంది. ఇది రక్తంలో షుగర్ లెవల్స్ను అదుపులో ఉంచుతుంది. కాబట్టి మధు మేహం ఉన్నవారు కంద గడ్డ తింటే షుగర్ లెవల్స్ అనేవి కంట్రోల్ అవుతాయి.
శరీరంలోని విష పదార్థాలను బయటకు పంపుతుంది:
కంద గడ్డ తింటే శరీరంలో ఉన్న మలినాలు, విష పదార్థాలను బయటకు వెళ్లిపోతాయి. ఫైల్స్ వంటి సమస్యలకు కూడా కంద కడ్డ మంచి ఔషధంలా పని చేస్తుంది. కంద గడ్డను తరచూ తింటే.. పేగులు, లివర్, పొట్ట శుభ్రంగా క్లీన్ అవుతాయి.
మరిన్ని హెల్త్ వార్తల కోసం ఇక్కడ క్లిక్ చేయండి
గమనిక: ఇది నిపుణులు, అధ్యయనాల నుంచి సేకరించిన సమాచారం. అవగాహన కోసం మాత్రమే ఈ కథనం. ఆరోగ్యానికి సంబంధించిన ఏ చిన్న సమస్య ఉన్నా నిపుణులను సంప్రదించడం మేలు.
