Health: ఈ రెండు పండ్లని ఎప్పుడు కలిపి తినకూడదు.. ఆరోగ్యానికి మంచిది కాదు..!

Health: బొప్పాయిలో చాలా ముఖ్యమైన పోషకాలు ఉంటాయి. ఇది ఎక్కడైనా చాలా తేలికగా తక్కువ ధరకే లభిస్తుంది. బొప్పాయిని రెగ్యులర్‌గా తింటే పొట్ట సమస్యలు నయమవుతాయి.

Banana And Papaya

uppula Raju |

Updated on: Mar 14, 2022 | 6:05 AM

Health: బొప్పాయిలో చాలా ముఖ్యమైన పోషకాలు ఉంటాయి. ఇది ఎక్కడైనా చాలా తేలికగా తక్కువ ధరకే లభిస్తుంది. బొప్పాయిని రెగ్యులర్‌గా తింటే పొట్ట సమస్యలు నయమవుతాయి. అలాగే కొలెస్ట్రాల్ స్థాయిలను తగ్గించడంలో సహాయపడుతుంది. బొప్పాయిని పచ్చిగా లేదా వండిన రూపంలో తీసుకుంటారు. మరోవైపు అరటి గురించి మాట్లాడినట్లయితే ఇందులో పోషకాలు ఎక్కవు. అరటిపండ్లను తీసుకోవడం ద్వారా శరీరానికి పొటాషియం పుష్కలంగా దొరుకుతుంది. ఇది కండరాలను బలంగా ఉంచడంలో సహాయపడుతుంది. అయితే అరటిపండు, బొప్పాయిని కలిపి తినవచ్చా? రెండూ కలిపి తినడం వల్ల వచ్చే నష్టమేంటి? ఆ విషయాల గురించి తెలుసుకుందాం. అరటిపండు, బొప్పాయిని కలిపి తినడం అనేది మీ జీర్ణవ్యవస్థపై ఆధారపడి ఉంటుందని నిపుణులు చెబుతున్నారు. చాలా మందిలో జీర్ణశక్తి బలహీనంగా ఉంటుంది కాబట్టి అరటిపండు, బొప్పాయి కలిపి తింటే సమస్యలు ఎదురవుతాయి. మంచి జీర్ణశక్తి ఉన్నవారికి ఈ సమస్య ఉండదు. ఆయుర్వేదం ప్రకారం అరటి, బొప్పాయి ఒకదానికొకటి వ్యతిరేక పండ్లుగా పరిగణిస్తారు. అందుకే ఆయుర్వేదం వీటిని కలిపి తినమని సూచించదు. ఒకవేళ ఇలా తింటే జీర్ణక్రియకు సంబంధించిన వ్యాధులు ఏర్పుడుతాయి. అజీర్ణం, వాంతులు, వికారం, గ్యాస్, తలనొప్పి లాంటి సమస్యలు వస్తాయి.

శ్వాసకోశ వ్యాధులు ఉన్నవారు బొప్పాయిని డాక్టర్ సలహా మేరకు మాత్రమే తినాలి. బొప్పాయిలో పపాన్ అనే మూలకం ఉంటుంది. దీని కారణంగా కొంతమంది అలెర్జీకి గురవుతారు. శ్వాస తీసుకోవడంలో ఇబ్బంది ఉండవచ్చు. జాండిస్ రోగులు బొప్పాయి అస్సలు తినకూడదని సూచిస్తారు. ఇందులో ఉండే పపైన్, బీటా కెరోటిన్ కామెర్లు సమస్యలను మరింత పెంచుతాయి. ఇది కాకుండా గర్భిణీలు కూడా బొప్పాయి తినకూడదు. బొప్పాయి, అరటిపండు కలయిక గర్భిణీలకి సరైనది కాదు. జలుబు వచ్చినా అరటిపండు, బొప్పాయి తినడం మానుకోవాలి. ఎందుకంటే ఇది మీ సమస్యను మరింత పెంచుతుంది.

గమనిక : అధ్యయనాలు.. ఆరోగ్య నిపుణుల సూచనలు.. ఇతర ఆరోగ్య సంబంధిత నివేదికల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన సమస్యలపట్ల నిర్ణయాలను తీసుకునే ముందు వైద్యులను సంప్రదించడం మంచిది.