Health: నిద్రలేమితో బాధపడుతున్నారా.? అయితే ఈ సెలబ్రిటీ యోగా ట్రైనర్ చెప్పే టిప్స్‌ పాటిస్తే సరి..
Health: నిద్రలేమి.. వినడానికి ఇది చిన్న సమస్యలాగే అనిపించినా దానితో ఇబ్బంది పడే వారు మాత్రం నరకం అనుభవిస్తారు. సరైన నిద్రలేకపోతే ఎదురయ్యే ఆరోగ్య సమస్యలు ఎలాంటివో ప్రత్యేకంగా చెప్పాల్సిన పనిలేదు..
Health: నిద్రలేమి.. వినడానికి ఇది చిన్న సమస్యలాగే అనిపించినా దానితో ఇబ్బంది పడే వారు మాత్రం నరకం అనుభవిస్తారు. సరైన నిద్రలేకపోతే ఎదురయ్యే ఆరోగ్య సమస్యలు ఎలాంటివో ప్రత్యేకంగా చెప్పాల్సిన పనిలేదు. నిద్రలేమి సమస్య నుంచి బయటపడడానికి ఒక్కో మార్గాన్ని ఎంచుకుంటారు. ఇందులో కొందరు మెడిసిన్స్‌ను కూడా ఆశ్రయిస్తారు. అయితే వీటివల్ల సైడ్‌ ఎఫెక్ట్స్‌ ఉంటాయనే విషయం తెలిసిందే. అయితే ఎలాంటి మెడిసిన్స్‌తో పని లేకుండా యోగాతో నిద్రలేమికి చెక్ పెట్టొచ్చు. ఇదిలా ఉంటే తాజాగా అన్షుక పర్వాణి అనే ప్రముఖ సెలబ్రిటీ యోగా ట్రైనర్ నిద్రలేమికి చెక్ పెట్టడానికి ఓ యోగా ట్రిక్‌ చెప్పారు.
ఇన్‌స్టాగ్రామ్‌ వేదికగా ఆమె ఓ వీడియోను పోస్ట్‌ చేశారు. మొత్తం ఐదు ఆసనాల ద్వారా నిద్రలేమి (ఇన్‌స్నోమియా) సమస్య నుంచి బయపటపడొచ్చు. ఆమె వీడియోలో పేర్కొన్న ఐదు ఆసనాల్లో.. ఉత్తానాస‌నం , బ‌ట‌ర్ ఫ్లై పోజ్‌, విప‌రీత క‌ర‌ణి, స‌ర్వంగాస‌నం, భ్రమ‌రీ ప్రాణాయామం ఉన్నాయి. ఈ వీడియోను పోస్ట్‌ చేసిన అన్షుక పర్వాణి.. ‘నిద్రలేమితో ఇబ్బంది పడుతున్నారా.? ప్రస్తుతం చాలా మంది.. ముఖ్యంగా యువకులు నిద్రలేమితో బాధ‌ప‌డుతున్నారు. ఈ స‌మ‌స్యను అధిగ‌మించ‌డానికి యోగా ఉపయోగపడుతుంది. ఇది మీరు త్వరగా నిద్రపోవడానికి సహాయపడుతుంది. అర్థరాత్రి వరకు సోషల్‌ మీడియా చూడడం మానేసి యోగాసనాలను సాధన చేయండి. తేడా మీకే తెలుస్తుంది’ అంటూ క్యాప్షన్‌ జోడించారు.
View this post on Instagram
ఎవరీ అన్షుక పర్వాణి..
అన్షుక పర్వాణి ఈమె కరీనా కపూర్‌తో పాటు అలియా భ‌ట్‌, ర‌కుల్‌ప్రీత్‌సింగ్‌, అన‌న్య పాండే వంటి వారికి ఫిజికల్‌ ట్రైనర్‌గా పనిచేస్తున్నారు. ఈమెకు ఇన్‌స్టాగ్రామ్‌లో భారీగానే ఫాలోవర్స్‌ ఉన్నారు. హీరోయిన్లతో కలిసి చేసే యోగా సెషన్స్‌కు సంబంధించిన వీడియోలు, ఫొటోలు షేర్‌ చేయడంతో అన్షుకకు భారీగా ఫాలోవర్స్‌ పెరిగింది. మరెందుకు ఆలస్యం మీరు కూడా నిద్రలేమితో సతమతమవుతున్నారా.? అయితే వెంటనే ఈ ఆసనాలను ట్రై చేయండి..
మరిన్ని హెల్త్ ఆర్టికల్స్ కోసం క్లిక్ చేయండి..
