Kidney Stones: మీరు ఈ సమస్యలతో బాధపడుతున్నారా.. అయితే కిడ్నీలో రాళ్లు ఉన్నట్లే!!
కిడ్నీలో రాళ్లు బాగా పెరిగే వరకు కూడా అవి ఉన్నట్లు తెలియకపోవడంతో.. ఈ సమస్య తీవ్రతరం అవుతోంది. ప్రారంభంలోనే కిడ్నీలో రాళ్లు ఉన్న సంగతిని తెలుసుకునే వీలుంది. శరీరంలో కలిగే కొన్ని లక్షణాల వల్ల కిడ్నీలో రాళ్లున్న..
Updated on: Jul 29, 2023 | 2:56 PM
ప్రస్తుతం ఇప్పుడు చాలా మంది కిడ్నీలో రాళ్ల సమస్యతో బాధ పడుతున్నారు. అయితే దీన్ని కాస్త ముందుగానే గుర్తిస్తే.. ఆపరేషన్ల వరకూ తెచ్చుకోనవసరం లేదు. కిడ్నీలో రాళ్లు బాగా పెరిగే వరకు కూడా అవి ఉన్నట్లు తెలియకపోవడంతో.. ఈ సమస్య తీవ్రతరం అవుతోంది. ప్రారంభంలోనే కిడ్నీలో రాళ్లు ఉన్న సంగతిని తెలుసుకునే వీలుంది. శరీరంలో కలిగే కొన్ని లక్షణాల వల్ల కిడ్నీలో రాళ్లున్న సంగతిని గుర్తించవచ్చు. మ‌రి కిడ్నీలో రాళ్లు ఉన్నట్లు గుర్తించే ఆ లక్షణాలు ఏంటో తెలుసుకోండిలా.
-కిడ్నీలో రాళ్లు ఉంటే వీపు కింద కుడి లేదా ఎడమ భాగంలో నొప్పి వస్తుంది. అలాగే ముందు వైపు బొడ్డు కింద లేదా కుడి లేదా ఎడమ వైపు నొప్పిగా ఉంటుంది. ఆ నొప్పి కూడా సూదితో పొడిచినట్లుగా వస్తుంది.
-మూత్రం విసర్జించే సమయంలో మంట లేదా నొప్పిగా ఉంటే కిడ్నీలో రాళ్లు ఉన్నట్లే.
-కిడ్నీలో రాళ్లు ఉన్నవారు మూత్రం రక్తం రంగులో ఉంటుంది. మరికిన్నిసార్లు రక్తం కూడా పడవచ్చు. అలాగే మూత్రం దుర్వాసన వస్తుంది.
-వాంతికి వచ్చినట్లు ఉండటం, వికారం, జ్వరం వంటి లక్షణాలు ఉన్నా.. కిడ్నీలో రాళ్లు ఉన్నాయని అర్థం చేసుకోవచ్చు.
ఈ సమస్య యూరిన్ వచ్చినప్పుడు వెళ్లకుండా ఆపుకుంటే తలెత్తవచ్చు. కాబట్టి మూత్రాన్ని ఎట్టి పరిస్థితుల్లో కూడా ఆపుకోకూడదు. అలాగే తగినంతగా నీరు కూడా తీసుకుంటూ ఉండాలి.
మరిన్ని హెల్త్ వార్తల కోసం ఇక్కడ క్లిక్ చేయండి
