జామపండు తినడం వల్ల కలిగే అద్భుత ఆరోగ్య ప్రయోజనాలు మీకు తెలుసా..? తెలిస్తే షాక్ అవుతారు..!

జామపండు పోషకాలకు అద్భుతమైన మూలం. దీని లోపల విటమిన్ సి, ఫైబర్, పొటాషియం, యాంటీఆక్సిడెంట్లు పుష్కలంగా ఉంటాయి. ఆరోగ్యాన్ని మెరుగుపరిచే తక్కువ ఖర్చుతో లభించే రుచికరమైన పండు ఇదే.

జామపండులో నారింజ కంటే నాలుగు రెట్లు ఎక్కువ విటమిన్ సి ఉంటుంది. ఇది రోగనిరోధక శక్తిని పెంచి శరీరాన్ని వివిధ ఇన్ఫెక్షన్ల నుంచి రక్షిస్తుంది. అందులోని యాంటీఆక్సిడెంట్లు శరీరంలోని ఫ్రీ రాడికల్స్ వల్ల కలిగే నష్టాన్ని నివారిస్తాయి.

జామపండులోని ఫైబర్ మంచి జీర్ణ వ్యవస్థను ఉంచేందుకు సహాయపడుతుంది. ఇది మలబద్ధకం, కడుపు సమస్యలు వంటి సమస్యల నుంచి ఉపశమనం ఇస్తుంది. గ్లైసెమిక్ ఇండెక్స్ తక్కువగా ఉండటం వల్ల రక్తంలో చక్కెర స్థాయిలను నియంత్రించడంలో సహాయపడుతుంది. మధుమేహంతో బాధపడేవారు దీనిని భద్రంగా తినవచ్చు.

జామపండులోని విటమిన్ ఎ కంటి ఆరోగ్యాన్ని మెరుగుపరిచే ముఖ్యమైన పోషకం. ఇది దృష్టిని పెంచి వృద్ధాప్యంలో కలిగే కంటి సమస్యలను తగ్గిస్తుంది. కంటి చూపు ఆరోగ్యానికి జామ రసం తాగడం మంచిది.

గుండె ఆరోగ్యాన్ని మెరుగుపరచడానికి జామపండులోని పొటాషియం, ఫైబర్ ఎంతో సహాయపడతాయి. ఇవి రక్తపోటును అదుపులో ఉంచి గుండె జబ్బుల ప్రమాదాన్ని తగ్గిస్తాయి. అరటిపండు లాగే జామపండులో కూడా పొటాషియం సమృద్ధిగా ఉంటుంది.

ఈ పండులోని యాంటీఆక్సిడెంట్లు, విటమిన్ సి, ఇతర ఖనిజాలు చర్మ ఆరోగ్యాన్ని మెరుగుపరిచే శక్తి కలిగి ఉంటాయి. ఇవి జుట్టు రాలడం తగ్గించి, కాంతివంతమైన చర్మాన్ని అందించడంలో సహాయపడతాయి.

జామపండులో ఉండే మాంగనీస్ శరీరానికి అవసరమైన ఇతర పోషకాలను సరిగ్గా గ్రహించడానికి సహాయపడుతుంది. ఇది శరీరంలో ఆహారం ద్వారా తీసుకునే పోషకాలు సమర్థంగా పనిచేసేలా చేస్తుంది.

ఫోలేట్ అనే ఖనిజం సంతానోత్పత్తి ఆరోగ్యానికి మేలు చేస్తుంది. గర్భిణీలు తినేందుకు ఇది ఉత్తమమైన పండు.

100 గ్రాముల జామపండులో 68 కేలరీలు మాత్రమే ఉంటాయి. చక్కెర శాతం తక్కువగా ఉండటం వల్ల ఆరోగ్యంగా బరువు తగ్గాలనుకునే వారు దీనిని నమ్మకంగా తినవచ్చు. జామపండులో ఎన్నో ప్రయోజనాలు ఉన్నా అతి మోతాదుగా తినకూడదు. రోజుకు ఒకటి తినడమే మంచిది.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)