ABHA CARD: ఆరోగ్యానికి అభయం..కేంద్ర ప్రభుత్వం అందించే ఈ హెల్త్ కార్డు మీకు తెలుసా?

ప్రతి సారి మనం మన హెల్త్ రిపోర్ట్స్ ను క్యారీ చేయలేకపోవచ్చు. అలాగే అత్యవసర సమయాల్లో హెల్త్ రికార్డ్స్ ఎలా? ఈ విషయంలో మనలో చాలా మంది ఇబ్బంది పడి ఉంటారు. అయితే ఈ సమస్యకు పరిష్కారంగా కేంద్ర ప్రభుత్వం సరికొత్త పథకాన్ని తీసుకొచ్చింది. అదే అభ కార్డు (ABHA CARD) ఆయుష్మాన్ భారత్ హెల్త్ కార్డ్.

Abha Cards

TV9 Telugu Digital Desk | Edited By: Anil kumar poka

Updated on: Dec 16, 2022 | 12:46 PM

మనం ఎప్పుడైనా అనారోగ్యానికి గురైనప్పడు ఆస్పత్రికి వెళ్తే అక్కడి వైద్యులు మీ పాత హెల్త్ రిపోర్ట్స్ అడగడం సహజం. కానీ ప్రతి సారి మన హెల్త్ రిపోర్ట్స్ ను క్యారీ చేయలేకపోవచ్చు. అలాగే అత్యవసర సమయాల్లో హెల్త్ రికార్డ్స్ ఎలా? ఈ విషయంలో మనలో చాలా మంది ఇబ్బంది పడి ఉంటారు. అయితే ఈ సమస్యకు పరిష్కారంగా కేంద్ర ప్రభుత్వం సరికొత్త పథకాన్ని తీసుకొచ్చింది. అదే అభ కార్డు (ABHA CARD) ఆయుష్మాన్ భారత్ హెల్త్ కార్డ్. అభ కార్డును ఆరోగ్య, కుటుంబ సంక్షేమ మంత్రిత్వ శాఖ పరిధిలోకి వచ్చే నేషనల్ హెల్త్ అథారిటీ ప్రవేశపెట్టింది. ఆయుష్మాన్ హెల్త్ ఐడీ లేదా ఆయుష్మాన్ భారత్ హెల్త్ అకౌంట్ గా ఇది ప్రసిద్ధి చెందింది. దీన్ని పొందడం ద్వారా రూ.5 లక్షల ఆరోగ్య బీమాను పొందవచ్చు.

ABHA అంటే ఏమిటి?

ABHA కార్డు ఆధార్ కార్డు లేదా మొబైల్ నెంబర్ ను ఉపయోగించే రూపొందిచబడే 14 అంకెల ఓ ప్రత్యేకమైన ఆరోగ్య ఐడీ. ఈ ఐడీని వినియోగదారులు తమ ఆరోగ్య రికార్డులను బీమా ప్రోవైడర్లు, ఆస్పత్రులు, క్లినిక్ లకు డిజిటల్ గా షేర్ చేసుకోవచ్చు. ABHA కార్డు మనల్ని డాక్యుమెంటేషన్, మెడికల్ రిపోర్టుల సంరక్షణ నుంచి కాపాడుతుంది. ఈ 14 అంకెల సంఖ్య మీరు ఎక్క ఉన్నా మీ మెడికల్ రికార్డులకు యాక్సెస్ ను అందిస్తుంది. తద్వారా మన హెల్త్ కండిషన్ తెలుసుకోడానికి వైద్యులకు ఉపయోగపడుతుంది.