అభిమానిని హెచ్చరించిన విజయ్

అభిమానులకు ప్రేమనే కాదు, అప్పుడప్పుడు ప్రేమగా హెచ్చరికలు జారీ చేస్తుంటారు మన హీరోలు. తాజాగా కోలీవుడ్ హీరో విజయ్ కూడా ఓ అభిమానికి సున్నితంగా హెచ్చరించాడు. దానికి సంబంధించిన వీడియో సోషల్ మీడియాలో హల్‌చల్ చేస్తోంది.

Thalaivaa ? pic.twitter.com/m7WKQ60DQ8

— Thalapathy Vijay (@Actor_Vijay) March 6, 2019

అట్లీ దర్శకత్వంలో విజయ్ ప్రస్తుతం ఓ చిత్రంలో నటిస్తుండగా.. ఈ మూవీ షూటింగ్ చెన్నైలోని ఓ కాలేజీ ఆవరణలో జరుగుతోంది. ఈ విషయం తెలుసుకున్న ఆయన అభిమానులు అక్కడకు చేరుకున్నారు. షూటింగ్ అనంతరం వారికి అభివాదం చేసి విజయ్ కారులో వెళుతుండగా.. బైక్‌పై ఫాలో అయిన ఓ అభిమాని తలైవా తలైవా అంటూ కేకలు వేశాడు. అది గమనించిన విజయ్ అతడిని కాస్త హెచ్చరించాడు. నన్ను ఎవ్వరూ ఫాలో అవ్వద్దు. వెళ్లిపోండి అంటూ విజయ్ నెమ్మదిగా మందలించాడు. కాగా అట్లీ, విజయ్ కాంబినేషన్లో ఇది వరకు వచ్చిన తెరి, మెర్సల్ భారీ విజయాన్ని సాధించాయి. దీంతో ఈ కాంబోలో తెరకెక్కుతోన్న తాజా చిత్రంపై మంచి అంచనాలు ఉన్నాయి.