Vijay devarakonda: సమంతకు ఎమోషనల్ లేఖ రాసిన రౌడీ హీరో.. ఇదే కావాలంటూ సామ్ రిప్లై.
సమంత ప్రధాన పాత్రలో తెరకెక్కుతోన్న చిత్రం శాకుంతలం. గుణ శేఖర్ దర్శకత్వంలో అత్యంత ప్రతిష్టాత్మకంగా ఈ సినిమాను తెరకెక్కిస్తున్నారు. ఈ సినిమాపై భారీ అంచనాలు ఉన్నాయి. గుణ శేఖర్ ప్రతిష్టాత్మకంగా నిర్మిస్తున్న ఈ సినిమాపైనే ఆశలు పెట్టుకున్నారు. మహాకవి కాళిదాసు రచించిన అభిజ్ఞాన...
Updated on: Apr 13, 2023 | 7:24 PM
సమంత ప్రధాన పాత్రలో తెరకెక్కుతోన్న చిత్రం శాకుంతలం. గుణ శేఖర్ దర్శకత్వంలో అత్యంత ప్రతిష్టాత్మకంగా ఈ సినిమాను తెరకెక్కిస్తున్నారు. ఈ సినిమాపై భారీ అంచనాలు ఉన్నాయి. గుణ శేఖర్ ప్రతిష్టాత్మకంగా నిర్మిస్తున్న ఈ సినిమాపైనే ఆశలు పెట్టుకున్నారు. మహాకవి కాళిదాసు రచించిన అభిజ్ఞాన శాంకుతలం ఆధారంగా ఈ చిత్రాన్ని తెరకెక్కిస్తున్నారు. ఏప్రిల్ 14వ తేదీన శాకుంతలం సినిమా విడుదలవుతోన్న తరుణంలో సామ్కు ప్రేక్షకులతో పాటు సినీ రంగ ప్రముఖులు ఆల్ ది బెస్ట్ చెబుతున్నారు. ఈ క్రమంలోనే తాజాగా యంగ్ హీరో విజయ్ దేవరకొండ సైతం సమంతకు విషెస్ చెప్పారు. ట్విట్టర్ వేదికగా ఓ ఎమోషనల్ లేఖను పోస్ట్ చేశారు.
ఈ లేఖలో విజయ్.. ‘సామీ.. నువ్వు ఎప్పుడూ ఎంతో ఉత్సాహంగా, ఇతరులతో ప్రేమగా ఉంటావు. ఎంపిక చేసుకునే సినిమాలపైనే కెరీర్ ఆధారపడి ఉంటుందని భావిస్తావు. అనారోగ్యంతో బాధపడుతున్నా.. విశ్రాంతి తీసుకోవాల్సి ఉన్నా అభిమానులు, సినిమాల కోసం చిరునవ్వుతో ముందడుగు వేస్తుంటావు. శాకుంతలం చిత్రాన్ని నా శుభాకాంక్షలు. లక్షలాది మంది అభిమానుల ప్రేమ, నీ సంకల్పమే నిన్ను కాపాడుతుంది’ అని రాసుకొచ్చారు.
At a loss for words.. Really needed this? Thank you my hero!! @TheDeverakonda ?#Shaakuntalam https://t.co/jUHyNqtRWx
— Samantha (@Samanthaprabhu2) April 13, 2023
విజయ్ పోస్ట్ చేసిన ఈ లేఖకు సమంత సైతం స్పందించారు. ‘ఏం మాట్లాడాలో తెలియడం లేదు. ఈ ప్రేమే అవసరం. థ్యాంక్ యు మై హీరో’ అని రాసుకొచ్చారు సమంత. దీంతో ప్రస్తుతం ఈ ట్వీట్ నెట్టింట తెగ వైరల్ అవుతోంది. విడాకుల అంశం తర్వాత సమంత నిత్యం ఏదో రకంగా వార్తల్లో నిలుస్తోన్న విషం తెలిసిందే. ఓ వైపు వైవాహిక బంధంలో తలెత్తిన సమస్యలు, మయోసైటిస్ వ్యాధి సమంతను ఒక్కసారిగా కుంగదీశాయి. అయితే సమంత మాత్రం వీటన్నింటినీ సమర్థవంతంగా ఎదుర్కొంటూ ముందుకుసాగుతోంది. ఇదిలా ఉంటే సమంత, విజయ్ కలిసి ఖుషీ అనే సినిమాలో నటిస్తోన్న విషయం తెలిసిందే.
మరిన్ని సినిమా వార్తల కోసం క్లిక్ చేయండి..
