‘జెర్సీ’ కోసం విక్టరీ

న్యాచురల్ స్టార్ నాని తన కెరీర్‌లో చాలా కష్టపడి చేస్తున్న సినిమా ‘జెర్సీ’. ఈ సినిమా కోసం క్రికెట్‌లో శిక్షణ కూడా తీసుకున్నాడు నాని. ట్రైలర్ రీలీజ్ తర్వాత సినిమాకు మరింత హైప్ క్రియేట్ అయ్యింది.  క్రికెట్ నేపధ్యం కలిగి ఉండటంతో పాటు…కెరీర్‌లో ఫెయిల్యూర్ అయిన ఓ యువకుడు తండ్రిగా మారిన తరువాత ఎలా  తిరిగి సక్సెస్ అయ్యాడు అనే కథాంశంతో తెరకెక్కింది. ఈ సినిమాపై అంచనాలు కూడా అలాగే ఉన్నాయి. ఇటీవల కాలంలో ఫెయిల్యూర్ స్టోరీస్‌కు మంచి డిమాండ్ ఉండటంతో.. ఇలాంటి కథలతోనే సినిమాలు వస్తున్నాయి. జెర్సీ సినిమా ఏప్రిల్ 19 వ తేదీన రిలీజ్ కాబోతున్నది. గౌతమ్ తిన్ననూరి ఈ చిత్రాన్ని డైరెక్డ్ చేశారు.

ఈ సినిమా ప్రీ రిలీజ్ ఈవెంట్ ఫిబ్రవరి 15 వ తేదీన శిల్పకళా వేదికలో అంగరంగ వైభవంగా నిర్వహించేందుకు ప్లాన్ చేస్తున్నారు. చీఫ్ గెస్ట్‌గా విక్టరీ వెంకటేష్ రానున్నారు. రీసెంట్ గా రిలీజైన మజిలీ సినిమాకు కూడా వెంకటేష్ చీఫ్ గెస్ట్ గా రావడంతో ఆ సినిమా మంచి విజయం సాధించింది.  ఈ సెంటిమెంట్ తోనే జెర్సీ సినిమాకు కూడా వెంకటేష్‌ను ఆహ్వానించినట్టు తెలుస్తుంది. నానికి జోడిగా శ్రద్ధా శ్రీనాథ్ నటిస్తుంది. కాగా ఈ చిత్రాన్ని సితార ఎంటర్‌టైన్‌మెంట్స్ బ్యానర్‌పై సూర్యదేవర నాగవంశీ నిర్మిస్తున్నారు. మరి నాని కెరీర్‌కు ‘జెర్సీ’ ఎంత మైలేజ్ ఇస్తుందో చూడాలి.