Mahesh Babu: మహేష్ ఈసారి ఆ సెంటిమెంట్ను బ్రేక్ చేస్తాడా.. ఫ్యాన్స్ ఆశ కూడా అదే
సినిమా ఇండస్ట్రీలో సెంటిమెంట్లు హవా ఎక్కువైపోయింది. ఓ స్టార్ దర్శకుడితో సినిమా చేసిన వెంటనే ఫ్లాప్ వస్తుందని, టైటిల్ కార్డు ఈ కలర్ లో ఉంటేనే కలిసొస్తుందని, అ అనే అక్షరంతో టైటిల్ తోనే సినిమా ఉండాలని..
Updated on: Jun 25, 2022 | 3:48 PM
సినిమా ఇండస్ట్రీలో సెంటిమెంట్లు హవా ఎక్కువైపోయింది. ఓ స్టార్ దర్శకుడితో సినిమా చేసిన వెంటనే ఫ్లాప్ వస్తుందని, టైటిల్ కార్డు ఈ కలర్ లో ఉంటేనే కలిసొస్తుందని, అ అనే అక్షరంతో టైటిల్ తోనే సినిమా ఉండాలని.. ఇలాంటి చాలా సెంటిమెంట్లు నిత్యం మనం వింటూనే ఉన్నాం. అయితే మహేష్(Mahesh Babu), త్రివిక్రమ్ సినిమాకు కూడా ఓ సెంటిమెంట్ ఉంది. అయితే అది ఫ్యాన్స్ కు ఏమాత్రం నచ్చని సెంటిమెంట్. మహేష్ త్రివిక్రమ్ కాబినేషన్ లో సినిమా వచ్చి దాదాపు 11 ఏళ్ళు అయిపోయింది. ఈ క్రేజీ కాంబో కోసం మహేష్ అభిమానులు కళ్ళలో వత్తులేసుకొని మరీ ఎదురుచూస్తున్నారు. ఎట్టకేలకు ఈ ఇద్దరు కలిసి సినిమా చేస్తున్నాం అని అనౌన్స్ చేయడం తో ఫ్యాన్స్ లో ఉత్సాహం రెట్టింపయ్యింది. మహేష్ కెరీర్ లో 28వ సినిమా వస్తున్న ఈ సినిమాపై భారీ అంచనాలు పెట్టుకున్న సూపర్ స్టార్ ‘ఫ్యాన్స్. అయితే ఇప్పుడు ఓ సెంటిమెంట్ ఫ్యాన్స్ ను తెగ కంగారు పెడుతోంది. అదేంటంటే..
మహేష్ బాబు హీరోగా త్రివిక్రమ్ తెరకెక్కించిన అతడు సినిమా థియేటర్ లో ఆశించిన స్థాయిలో ఆకట్టుకోలేకపోయింది. ఎందుకనో ఈ సినిమాను థియేటర్ లో చూసిన జనాలకు ఎక్కలేదు. అదే సినిమా టీవీలో టెలికాస్ట్ అయ్యేసరికి అర్రే సినిమా సూపర్ ఉందే.. అంటూ మెచ్చుకున్నారు. అలాగే ఖలేజా విషయంలోనూ అదే జరిగింది. భారీ అంచనాల మధ్య విడుదలైన ఈ సినిమాకూడా ధియేటర్ లో బోల్తా కొట్టింది అనిపించింది. కానీ టీవీలో చూసిన తర్వాత.. ఇంత మంచి సినిమా థియేటర్ లో ఎందుకు హిట్ అవ్వలేక పోయిందా అని అంతా అనుకున్నారు. ఇప్పటికీ ఈ రెండు సినిమా ప్రేక్షకులకు ఆల్ టిల్ ఫేవరేట్ సినిమాలుగా మిగిలిపోయాయి. అయితే ఈ సారి మాత్రం ఈ సెంటిమెంట్ బ్రేక్ అవుతుంది అంటున్నారు మహేష్ ఫ్యాన్స్. ప్రస్తుతం చేస్తున్న SSMB 28 మాత్రం థియేటర్ లో దుమ్మురేపడం ఖాయం అంటున్నారు అభిమానులు. యాక్షన్ ఎంటర్ టైనర్ గా తెరకెక్కుతోన్న ఈ సినిమాలో మహేష్ సరసన పూజ హెగ్డే హీరోయిన్ గా నటిస్తోంది. త్వరలోనే ఈ సినిమా షూటింగ్ మొదలుకానుంది. మరి ఈ సినిమా మహేష్ అభిమానుల ఆశలను ఏ మేరకు నిలబెడుతోందో చూడాలి.
