Janhvi Kapoor: కాబోయే భర్త గురించి జాన్వీ కపూర్ ఇంట్రెస్టింగ్ కామెంట్స్.. ఆ క్వాలిటీ మాత్రం కంపల్సరీ ఉండాలంటూ..
దివంగత అందాల తార శ్రీదేవి (Sridevi) నట వారసురాలిగా బాలీవుడ్లోకి అడుగుపెట్టింది జాన్వీ కపూర్ (Janhvi Kapoor). మొదటి సినిమా ధడక్తోనే అందం, అభినయం పరంగా మంచి మార్కులు తెచ్చుకుంది. గుంజన్ సక్సేనా: ది కార్గిల్ గర్ల్ చిత్రంతో..
Updated on: Jun 25, 2022 | 3:16 PM
దివంగత అందాల తార శ్రీదేవి (Sridevi) నట వారసురాలిగా బాలీవుడ్లోకి అడుగుపెట్టింది జాన్వీ కపూర్ (Janhvi Kapoor). మొదటి సినిమా ధడక్తోనే అందం, అభినయం పరంగా మంచి మార్కులు తెచ్చుకుంది. గుంజన్ సక్సేనా: ది కార్గిల్ గర్ల్ చిత్రంతో నటనా పరంగా మరో మెట్టు పైకెక్కింది. ఆ తర్వాత ఘోస్ట్ స్టోరీస్, రూహీ సినిమాలతో క్రేజీ హీరోయిన్గా పేరుతెచ్చుకుంది. ప్రస్తుతం ఆమె నటిస్తోన్న తాజా చిత్రం గుడ్లక్ జెర్రీ (GoodLuck Jerry). తమిళంలో నయనతార నటించిన సూపర్ హిట్ మూవీ కొలమావు కోకిల (తెలుగులో కోకిల)’కి ఇది హిందీ రిమేక్. సిద్ధార్థ్ సేన్ గుప్తా దర్శకత్వం తెరకెక్కించిన ఈ సినిమా ప్రముఖ ఓటీటీ ఫ్లాట్ఫామ్ జూలై 29న డిస్నీ ప్లస్ హాట్స్టార్లో రిలీజ్ కానుంది. దీంతో ప్రమోషన్స్ కార్యక్రమాల్లో స్పీడ్ పెంచింది మూవీ యూనిట్. ఈ సందర్భంగా మాట్లాడిన జాన్వీ కపూర్ తనకు కాబోయే భర్తకు ఉండాల్సిన క్వాలిటీస్ ఏంటో చెప్పేసింది.
నేనంటే పడి చచ్చిపోవాలి..
‘నేను చేసే పనులను ఇష్టపడే ట్యాలెంటెడ్ వ్యక్తి నాకు భర్తగా రావాలి. అతను కామెడీ బాగా చేయాలి, సెన్సాఫ్ హ్యూమర్ బాగుండాలి. నన్ను నవ్విస్తూ ఉండాలి. ఎప్పుడూ ఏదో ఒకటి నేర్పిస్తూ, నన్ను ఉత్సాహంగా ఉంచే వాడు, నాతో కలిసిపోయే వాడు, అన్నింటి కన్నా ముఖ్యంగా.. నేనంటే పడి చచ్చిపోవాలివాడు నాకు జీవిత భాగస్వామిగా రావాలి’ అని చెప్పుకొచ్చిందీ స్టార్ కిడ్. మరి ఈ అందాలతారతో జీవితాన్ని పంచుకునే ఆ వ్యక్తి ఎవరో?. ఇక సినిమాల విషయానికొస్తే.. జాన్వీ ప్రస్తుతం వరుణ్ ధావన్తో బావాల్, రాజ్కుమార్ రావుతో మిస్టర్ అండ్ మిసెస్ మహి, సన్నీ కౌశల్తో మిలీ తదితర సినిమాల్లో నటిస్తూ బిజీగా ఉంటోంది.
మరిన్ని సినిమా వార్తల కోసం క్లిక్ చేయండి..
