సూర్య‌ ‘వాడివాసల్’ ఫ‌స్ట్‌లుక్ కి సూప‌ర్బ్ రెస్పాన్స్…

త‌మిళ స్టార్ హీరో సూర్య క‌థానాయ‌కుడిగా ప్ర‌ముఖ ద‌ర్శ‌కుడు వెట్రిమారన్‌ ద‌ర్శ‌క‌త్వంలో క‌లైపులి ఎస్. థాను నిర్మిస్తున్న చిత్రం ‘వాడివాసల్‌’. గురువారం హీరో సూర్య పుట్టిన‌రోజు సంద‌ర్భంగా విడుద‌ల చేసిన ఈ చిత్రం ఫ‌స్ట్‌లుక్ కి మంచి రెస్పాన్స్ వ‌స్తోంది. గ‌తంలో హీరో ధ‌నుష్, క‌లైపులి ఎస్. థాను, వెట్రిమారన్ కాంబినేష‌న్‌లో వ‌చ్చిన ‘అసుర‌న్’ బ్లాక్ బ‌స్ట‌ర్ విజ‌యాన్ని సొంతం చేసుకున్న విష‌యం తెలిసిందే. ఈ చిత్రాన్ని తెలుగులో విక్ట‌రీ వెంక‌టేష్ హీరోగా శ్రీ‌కాంత్ అడ్డాల ద‌ర్శ‌క‌త్వంలో ‘నార‌ప్ప‌’గా రీమేక్ చేస్తున్నారు. ఇప్పుడు ప్ర‌ముఖ ర‌చ‌యిత సీఎస్‌ చెల్లప్ప రాసిన నవల ఆధారంగా జల్లికట్టు నేపథ్యంలో ‘వాడివాసల్’ చిత్రం తెరకెక్కనుంది.

సూర్య, వెట్రిమారన్‌ కాంబినేష‌న్‌లో ప్ర‌తిష్ఠాత్మ‌కంగా రూపొందుతోన్న ఈ మూవీ త‌మ‌ బేన‌ర్‌లో మ‌రో సెన్సేష‌న‌ల్ సినిమా కాబోతుంద‌ని నిర్మాత క‌లైపులి ఎస్. థాను అన్నారు. ఈ సినిమాకు సంబందించి మ‌రిన్ని వివ‌రాలు త్వ‌ర‌లో తెలియ‌జేయ‌నున్నారు.