Year Ender 2024: ఈ ఏడాదిలో బాక్సాఫీస్‌ను షేక్ చేసిన సినిమాలు ఇవే..

పుష్ప 2 : సుకుమార్ దర్శకత్వంలో మైత్రి మూవీ మేకర్స్ నిర్మించిన ఈ సినిమా భారీ విజయాన్ని అందుకుంది.  అల్లు అర్జున్, రష్మిక మందన జంటగా నటించిన ఈ సినిమాలో. ఫహద్  ఫాసిల్, సునీల్, రావు రమేష్, అనసూయ తదితరులు నటించారు.”పుష్ప 2 ది రూల్” చిత్రం డిసెంబర్ 5న విడుదలైంది. 2021లో వచ్చిన పుష్ప చిత్రానికి ఇది సీక్వెల్. దేవి శ్రీ ప్రసాద్ సంగీతం అందించిన ఈ చిత్రం 2024లో అత్యధిక వసూళ్లు రాబట్టిన చిత్రంగా నిలిచింది. విడుదలైన దాదాపు 25 రోజుల్లో రూ.1800 కోట్లు వసూలు చేసింది.

కల్కి 2898 AD: వైజయంతీ మూవీస్ నిర్మించినమూవీ కల్కి. నాగ్ అశ్విన్ దర్శకత్వం వహించిన ఈ చిత్రం ప్రభాస్, అమితాబ్ బచ్చన్, కమల్ హాసన్, దీపికా పదుకొనే, దిశా పటానీ తదితరులు నటించారు. ఈ సినిమా ఏకంగా రూ.1,100 కోట్లు వసూలు చేసింది. సంతోష్ నారాయణన్ సంగీతం అందించిన ఈ సినిమా త్వరలో 2వ భాగాన్నిప్రేక్షకుల ముందుకు తీసుకురానున్నారు.

స్త్రీ 2: అమర్ కౌశిక్ దర్శకత్వం వహించిన స్త్రీ 2 ఆగస్ట్ 15న విడుదలైంది. రాజ్‌కుమార్ రావు, శ్రద్ధా శ్రీనాథ్, తమన్నా భాటియా, సునీల్ కుమార్, అక్షయ్ కుమార్ ప్రత్యేక పాత్రలో నటించిన ఈ చిత్రం 874 కోట్ల రూపాయలను వసూలు చేసింది. అద్భుతమైన స్క్రీన్‌ప్లేతో సినిమా అభిమానులను ఆకట్టుకుంది.

గోట్ : వెంకట్ ప్రభు దర్శకత్వం వహించిన “ది గ్రేటెస్ట్ ఆఫ్ ఆల్ టైమ్”. తమిళ సూపర్ స్టార్, దళపతి విజయ్ 3 పాత్రల్లో నటించారు. సెప్టెంబర్ 5న విడుదలైన ఈ చిత్రంలో స్నేహ, లైలా, ప్రశాంత్, ప్రభుదేవా, అజ్మల్ అమీర్, జయరామ్ తదితరులు నటించారు. యువన్ శంకర్ రాజా సంగీతం అందించిన ఈ చిత్రం రూ.450 కోట్లు వసూలు చేసింది. తమిళ చిత్రసీమలో 2024లో అత్యధిక వసూళ్లు సాధించిన చిత్రంగా నిలిచింది.

దేవర పార్ట్ 1: జూనియర్ ఎన్టీఆర్ హీరోగా కొరటాల శివ దర్శకత్వంలో తెరకెక్కిన సినిమా దేవర. ఎన్టీఆర్ సరసన జాన్వీ కపూర్. అనిరుధ్ సంగీతం అందించిన చిత్రం “దేవర పార్ట్ 1” ఘనవిజయం సాధించింది. గత సెప్టెంబర్‌లో విడుదలైంది ఈ సినిమా. యాక్షన్ సీక్వెన్స్‌తో ఈ సినిమా అభిమానులను ఆకట్టుకుంది. ఈ చిత్రం ప్రపంచ వ్యాప్తంగా రూ.408 కోట్లు వసూలు చేసినట్లు సమాచారం.

అమరన్: రాజ్‌కుమార్ పెరియసామి దర్శకత్వంలో శివకార్తికేయన్, సాయి పల్లవి జంటగా నటించిన సినిమా అమరన్.  అమరన్ చిత్రం దీపావళికి విడుదలైంది. దివంగత ఆర్మీ మేజర్ ముకుంద్ జీవిత చరిత్ర ఆధారంగా తెరకెక్కిన ఈ సినిమా చాలా మందిని కదిలించింది. ఈ చిత్రం రూ.300 కోట్లకు పైగా వసూలు చేసింది.

హనుమాన్: ప్రశాంత్ వర్మ దర్శకత్వంలో తేజ సజ్జా, అమృత అయ్యర్, వరలక్ష్మి శరత్‌కుమార్, వినయ్ రాయ్ ప్రధాన తారాగణంగా తెరకెక్కిన చిత్రం “హనుమాన్”. హనుమాన్ ఆధారంగా తెరకెక్కిన ఈ సినిమా జనవరి సందర్భంగా విడుదలైంది. హనుమాన్ సినిమా రూ.300 కోట్లు వసూలు చేసింది.