Sai Pallavi: ఆ సినిమా డిజాస్టర్ అవ్వడంతో రెమ్యునరేషన్ తిరిగి ఇచ్చేసిన సాయి పల్లవి

నేచురల్ బ్యూటీ సాయి పల్లవి ఈ మధ్య సినిమాల స్పీడ్ పెంచింది. నటనకు ప్రాధాన్యత ఉన్న పాత్రలు చేసి మెప్పిస్తుంది. ఫిదా సినిమాతో తెలుగు ప్రేక్షకులను ఫిదా చేసిన ఈ అమ్మడు. ఆతర్వాత వరుసగా సినిమాలు చేసి ఆకట్టుకుంది. ఇప్పుడు వస్తున్న హీరోయిన్స్ కు భిన్నంగా.. స్కిన్ షో కు దూరంగా ఉంటుంది సాయి పల్లవి. కేవలం నటనతోనే అభిమానులను సొంతం చేసుకుంటుంది ఈ ముద్దుగుమ్మ. మలయాళ సినిమా ప్రేమమ్ తో పరిచయమైనా సాయి పల్లవి ఆతర్వాత తెలుగు, తమిళ్ భాషల్లో సినిమాలు చేసింది. ఇక తెలుగులో చివరిగా విరాటపర్వం సినిమా చేసింది.ఆ అలాగే తమిళ్ లో గార్గి అనే సినిమా చేసింది.

ఆ తర్వాత చాలా రోజులు గ్యాప్ తీసుకుంది సాయి పల్లవి. ఆ టైం లో ఫ్యాన్స్ తెగ కంగారు పడ్డారు. సాయిపల్లవి ఇక పై సినిమాలు చేయదా.? పెళ్లి చేసుకుంటుందా.? అంటూ రకరకాల ఆనుమానాలు వ్యక్తం అయ్యాయి. ఇక ఇప్పుడు సాయి పల్లవి కొత్త సినిమా చేస్తోంది. అక్కినేని యంగ్ హీరో నాగ చైతన్యతో కలిసి తండేల్ అనే సినిమా చేస్తుంది. ఈ సినిమా షూటింగ్ శరవేగంగా జరుగుతోంది. ఈ సినిమా మత్యకారుల జీవిత కథతో ఉండనుంది. ఈ సినిమాకు కార్తీక్ దండు దర్శకత్వం వహిస్తున్నారు. ఇదిలా ఉంటే తాజాగా సాయి పల్లవి ఒక సినిమా కోసం రెమ్యునరేషన్ వెనక్కి ఇచ్చేసిందనే వార్త ఇప్పుడు వైరల్ గా మారింది.

శర్వానంద్ హీరోగా నటించిన మూవీ పడి పడి లేచే మనసు. ఈ సినిమా 2018లో విడుదలైంది. అందమైన ప్రేమకథగా తెరకెక్కిన ఈ సినిమా అంతగా ప్రేక్షకులను ఆకట్టుకోలేకపోయింది. ఈ సినిమాలో పాటలు హిట్ అయినా కూడా సినిమా ఆశించిన స్థాయిలో ఆడలేదు. అయితే ఈ సినిమా నిరాశపరచడంతో సాయి పల్లవి తన రెమ్యునరేషన్ తిరిగి ఇచ్చేసిందని అంటున్నారు. తను సైన్ చేసిన రెమ్యూనరేషన్ మొత్తాన్ని నిర్మాతల నుంచి తీసుకోవడానికి అంగీకరించలేదట. దాంతో 40 లక్షలు త్యాగం చేసి, తన వైపు నుంచి నిర్మాతలకు అండగా నిలిచింది అంటున్నారు. మరి ఈ వార్తల్లో వాస్తవమెంత అన్నది తెలియాల్సి ఉంది.

మరిన్ని సినిమా వార్తల కోసం ఇక్కడ క్లిక్ చేయండి.