Actress Indraja : ఆ విషయం తెలియగానే మాటలు రాలేదు.. ఎమోషనల్ పోస్ట్ చేసిన లేడీ కమెడియన్..

నటి ఇంద్రజకు అభిమానులు, సినీ ప్రముఖులు, నటీనటులు, ఫాలోవర్స్ శుభాకాంక్షలు తెలుపుతున్నారు. నటి ఇంద్రజ ఈ ఏడాది మార్చిలో దర్శకుడు కార్తిక్ ను వివాహం చేసుకుంది. ప్రస్తుతం తాను ప్రెగ్నెంట్ అని.. ఆ విషయం తెలియగానే ఎంతో ఎమోషనల్ అయిపోయానని.. మాటలు కూడా రావట్లేదని ఇన్ స్టాలో రాసుకొచ్చింది.

Indraja Shankar

Rajitha Chanti |
Updated on: Aug 10, 2024 | 4:07 PM

కోలీవుడ్ కామెడియన్ రోబో శంకర్ కూతురు నటి ఇంద్రజ శంకర్ అభమానులతో గుడ్ న్యూస్ షేర్ చేసుకుంది. తల్లి కాబోతున్నట్లు ప్రకటిస్తూ ప్రెగ్నెన్సీ విషయాన్ని ఇన్ స్టా వేదికగా బయటపెట్టింది. దీంతో నటి ఇంద్రజకు అభిమానులు, సినీ ప్రముఖులు, నటీనటులు, ఫాలోవర్స్ శుభాకాంక్షలు తెలుపుతున్నారు. నటి ఇంద్రజ ఈ ఏడాది మార్చిలో దర్శకుడు కార్తిక్ ను వివాహం చేసుకుంది. ప్రస్తుతం తాను ప్రెగ్నెంట్ అని.. ఆ విషయం తెలియగానే ఎంతో ఎమోషనల్ అయిపోయానని.. మాటలు కూడా రావట్లేదని ఇన్ స్టాలో రాసుకొచ్చింది. లవ్ మామ అని భర్తపై ప్రేమను కురిపించింది. ప్రస్తుతం నటి ఇంద్రజ శంకర్ చేసిన పోస్ట్ నెట్టింట వైరలవుతుండగా.. ఫాలోవర్స్ ఈమెకు విషెస్ తెలుపుతున్నారు.

తమిళంలో మంచి గుర్తింపు తెచ్చుకున్న నటుడు రోబో శంకర్ కుమార్తె ఇంద్రజ శంకర్. వెండితెరపై తనదైన కామెడీతో మెప్పించిన రోబో శంకర్ ఇప్పుడు బుల్లితెరపై అలరిస్తున్నాడు. అతడి కుమార్తె ఇంద్రజ శంకర్ ఇండస్ట్రీలోకి అడుగుపెట్టింది. విజయ్, నయనతార జంటగా అట్లీ దర్శకత్వం వహించిన బిగిల్ చిత్రంలో ఆమె పాండియమ్మ పాత్రను పోషించింది. ఈ సినిమా తర్వాత అభిమానులంతా ఆమెను పాండియమ్మా అని పిలవడం ప్రారంభించారు. ఆ చిత్రం తర్వాత ముత్తయ్య దర్శకత్వంలో నటుడు కార్తీ, అదితి శంకర్‌ జంటగా నటించిన ‘కొంబన్‌’ చిత్రం విడుదల కాగా, శంకర్‌ స్నేహితురాలిగా అదితి నటించింది. దీంతో తమిళ అభిమానుల్లో మంచి గుర్తింపు తెచ్చుకుంది.

ఇవి కూడా చదవండి

అటు సినిమాల్లో ఇప్పుడిప్పుడే అవకాశాలు అందుకుంటున్న ఇంద్రజ శంకర్ ఈ ఏడాది మార్చిలో వైవాహిక బంధంలోకి అడుగుపెట్టింది. దర్శకుడు కార్తీక్ తో కలిసి ఈ ఏడడుగులు వేసింది. వీరిద్దరి పెళ్లి ఫోటోస్, వీడియోస్ నెట్టింట తెగ వైరలయ్యాయి. ఈ వివాహానికి సినీ ప్రముఖులతో పాటు పలువురు హాజరై శుభాకాంక్షలు తెలిపారు. ప్రస్తుతం విజయ్ టీవీలో ప్రసారమవుతున్న మిస్టర్ అండ్ మిసెస్ చిన్నత్రాయ్ లో ఇంద్రజ, కార్తీక్ ఇద్దరూ పోటీ పడుతున్నారు. తాజాగా విడుదలైన ప్రోమోలో.. ఇంద్రజ శంకర్ భర్త కార్తీక్ త్వరలో తండ్రి కాబోతున్నాడని, తన భార్య తల్లి కాబోతున్నట్లు వెల్లడించారు.